مبروك يامباااااااااااااارك

[مبارك أبوظهير]

مناسبة إكتمال مبلغ الديه المطلوبه على : عبدالمجيد مبارك العنزي والتي تبلغ (( عشرة ملايين )) ريال سعودي .. وإنتهاء الغمه .. وذلك بفضل من الله العلي القدير .. ثم بوقفة أبناء القبيله .. وأهل الخير من كافة القبائل .. أتقدم بهذه المتواضعه التي ارجو لها القبول لديكم أحبتي ..


*

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مبروك يامبارك زوال الغمه=والشكر لله يــــوم فــضــله تــــــمـــه
ماقلت لك ربك يبي يفرجها =وإن الـــــولد بأيــــــام يــــرجـــع لأمــه
ماهي غريبه من حبيبي ربي=اللـــي عـــلــيـنا زايــدات نــعــــمــّـه
لاقال للشي كن كاين بأمره=سـبحـــانـــه الـمعـــبـــود رب الأمــــه
وأثني الشكر لأولاد وايل ربعي=اللي بفعــايــلهم رقــــوا للـــقـــمــــه
قول وفعل مافيهم اللي قصر=قالوا نــتم الأمـــر يعــــنــي نـــتـــمـــه
عشرة ملايين إجمعوها بسرعه=كـــل ٍ فــــزع بـاللي معـــه مــاضـــمه
واشكر هل الوقفات من كل لابه=اللي وقـــفـــوا حــتـى زوال الــغـــمـــه
وشكرا لمن شارك ولو بشعوره=شعــار ولا ّ شـــيــوخ ديـن آئــــمـــه
ماقصروا وقفاتـــهم مشهوده=الشاهــد الله مأثـــّـره ومـــهـــمــه
قالوا وقالوا لين كل ٍ فرّع=بأقوالهم يستــــنهــضون الـــــــهــمــه
هذا وانا ربعي عصابة راسي=دهــــامشه أهــــل الـكــــرم والـذمــــه
بقيادة اللي لاإرتكا للقاله=هــانت وربــــي لــــو تــكـــــون مطمــه
أخو (( هوى )) شيخ ٍ يقول ويفعل=زبن الدخــيــل اللي شــكا مـــن هــمــه
يفزع وكل ِ يشهد بفزعاته=عـــقيـــل لاضـقـــنـــا نـتــــوجه يــــمه
وإخوان (( جوزا )) مخلفين الهقوه=فــي وصفـــهم عـــد ٍ غـــزيـر ٍ جــمــه
أفخر بربعي وبفعايل ربعي=ومن لامـني يعــطى السـهــر والحــمــه
وأختم كلامي بإحتفال العزوه=بالحمـــد لله يـــوم فــــضــله تـــمـــه
مبروك يامبارك وقرت عينك=قـــريب تــفــرح بــولـدك وتـــضــمــه
ماقلت لك ربك يبي يفرجها=وإن الــــولد بـأيــام يــرجــع لأمــــــه [/poem]

*

مبارك نايف أبوظهير

 

[خالد صالح الحربي]

:

الحمدُ لله أولاً وَ أخيراً ،
نُشاركُكُم الفرح وَ البهجة من أعماق القلب .
_ شُكراً وَ مبروك يا مبارك _

 

[عبدالله ثويني المانع]

..

** مبارك أبو ظهير **

تزف التهاني بأجمل المعاني ..
مبروك لعبدالمجيد ولأسرته ..
ولكل من ساهم في عمل الخير
ـــــ
مبارك يحق لك أن تفخر فهنا كانت
القبليّـة بأنقى وأرقى صورها ..

لك الشكر والمحبة
أرق التحايا لقلبك

..

 

[سلطان ربيع]

الحمد لله يامبارك
وتسلم ياغالي