سيمفونِيّة مَطَرْ

[سعيد الموسى]

وماكان الحكي : فارغ !
ولا ظِل الشجر
فارغ , ولا حتى زواياهم !
مساء الناس ـ ياماسه !
تهندمنا على فاسه
وبعض أكواب موتاهم
وأفواه العقول أومت !
تعودنا
على الرفعه
وهذا الشق
ياساده
أبد ماتستره : رقعه !

 

[سعيد الموسى]

يابوي وقتي ماطرح لي عقالي !
ــــ عزالله إني رافع الراس واقف !
هو هزّ كتفي !
مير أنا
مثل خبرك !
مثل النخل شامخ
تطمّن
وطمّن !
لو ريح مرّتني ورفرف
شماغي !
العزّ عزّ الراس ماهو : شماغي !
يابوي عز المال !
عزّ الزلايب !
عز الله إن العزّ : مدّت ذراعي !
شفني وأنا لامرّ بالناس
طاري !
ماقالوا إلا : طّيب الله ذكره !
العود : لو هو يحترق بس
ريحه
طيب ٍ يطّيب كل قاصي
وداني !
عز الله إن الوقت هذا : وجعني !
واللي وجعني
لاتقافيت منظر !
لاشفت رجّال ٍ يساوي قبيله !
في آخر المجلس
وبالصدر : واطي !

 

[سعيد الموسى]

.
.


في غياهب جبّ
روضه !
كانت الأسماء ـ أشيا !
كانت الأشياء
بيضاء !
كانت أخضر , من غصن !
وأبيض أكثر من : حزن !
والتلال تفوح : مبدا !
وين يبدا ؟
كان أبطى !
وأسرع ـ أسرع من جزع !
وأجزع أفزع من
حلم !
أعتلى غمضة سعد !
كان : يحمل غترته في شفايف حسرته , في كتوفه دمعته !
شنطته جرحه معه !
شايل الناس : الأمل !
ياكثر طاري : أمل !
في وجوه الناس / تطري !
في جبين العّم / ساري !
في كلام الجار : غازي !
في حديث العابرين !
بين تّل , وبين وادي , لااجتمع فادي وهادي , سولفوا عن فّم نمله فاتح ٍ إيديه غفله !
ينتظر كسِره تطيح !
ياكثر طاري أمل !
دوم : يذكرها سعد !
لا لبس همّه / شماغ !
ولالبس جوعه : ثياب !
ولاتعطّر بعض دمعه !
وإن لبس عينه : سحاب !
ياكثر طاري
أمل !
في حكايا طفل : عابر !
أو مرايا
صوت طفله !
أو هي المعنى / لغتره !
عُلّقت في رّف
غيمه !
غيمة ٍ بيضا
عظيمه !
شفت وش نظرة سعد ؟
كان في حلقه
ولد !
وأنولد من رِحم فكره !
.
.

 

[سعيد الموسى]

حائطك : تمثال ـ ماثل !
للعدم !
للوجوه العابره : نحو الندم !
تمضي على ورد
القدم !
حيّ / حيّ
لـ ه الأمم !
كُتلة حكايا : في زوايا
في مرايا ! عاكسه صوت
الألم !
ياااااااااااااااه :
من نبرة / ذِمم !
آآآآآآآآآآآآه :
من وعكة أمم !
ـــ
*
حائطك : كومة ورق !
حائطك : ماهو حديد
ولاجديد , ولا وريد , ولا أصابع بين إيد !
حائطك : كومة ورق !
طاح / وإن طاح وغرق !
إبتدت قِصة : فِرق !
طائفين / لــمُفترق !
خلف : ماخلف الطريق !
وإنت تنده للزمن :
من يجاوبك
بــ : نعم ؟

 

[سعيد الموسى]

شبّاكك الكذاب
ـــ مكسور ياسيّد !
ماخلفه الأبواب !
ـــ وإلا أنت متقيّد !
من كشّر الأنياب !
ـــ في وحله يشيّد !
الطوب وجه أذناب !
ـــ ماهو بنى جيّد !
بيتك بوسط الغاب !
ـــ مستوحش وحيّد !
لاتشرح الأسباب !
ـــ مشكور ياسيّد !

 

[سعيد الموسى]

السيّد الفاضل : غبي !
إحترامي ... وأمتناني !
السيد الفاضل : غراب !
إحترامي .. للنعيق !
تذكر القصه : حكايه !
كان ياما كان .. كان !
به غراب وملّ شكله !
مل بؤسه / ملّ وجهه !
قال أنا لابد : أغيّر !
مالقى شيّ يتغيّر !
قال أبي : أصبح حمامه !
لازم أمشي كـ الحمامه !
والغريب , إنه تعثّر !
مامشى مثل الحمام !
ولا تذكّر مشيته !
ضاع في موطن غباءه !
هذي قصّه : قول حكمه !
قول دقّه / قول قرصه !
سمّها اللي تسمي !
المهم : إنك تلاحظ
ماأنت يافاضل بنّدي !
ماهو بنقص ب/ جسد
بس ينّقصك العقل !
إنت يامسكين : جاهل !
لاتضيّع : مشيتك !
.
.

 

[سعيد الموسى]

من آخر صوتك
لـ بعضك !
إلى مابعدك
وقبـلك !
تـمد الناس
في صدرك
وتد
يمتد في ظفرك !
تشكلّ وجه
يشبه لك !
ويمتد الحكي
[ إسمك ]
.
.
هويّه فارغه
منّك !
وقل منها سقط
[ نِصفك ]

 

[سعيد الموسى]

الصباح إن فزّ
بِك !
فزّ لجل يطير
بِك !
طار بِك
لأسفل يدي !
مابين ثغرك
موعِدي !

هاتي من التوت
ألحانك !
أو آخر [ لفظ ]
بستانك !
وآمد لِك صبح
متغندر !
مابينه الثلج
وال... زف ر هـ !