تعال واكتب حالتك/لحظتك شعراً ..!

[فاطمة ناصر]

أتحبني .؟
تدري يعني ايش حُب.؟
وايش يعني أنك تحب..!
.. يعني انك ماتباري
غير باحساس انصهاري !
يانهاري .. وأندثاري !
يابكاءي فوق طيات الــأرق
حد الغــرق !
شوفني بين الورق ..
..كيف أحترق !
_ ياعلوّي وانبهاري
وين ساري..؟
ماكفاك اللي حصل .؟!
ماصبر صبري جَملْ

أتحبني .؟
خاف ربك وانتبه ..!
فالغلا مالي شبه.!
والوفا الي اسكبه
.. ليلي عليك ويرعبه
باب ريح وهبهبه

أتحبني .؟
ليه دمعي ينتثر
ليه قلبي ينكسر
ليه روحي تنصهر .؟؟؟

أتحبني .؟
كان حبك مسأله في مسأله
ضم قلبي واسأله ..!
ماعتقد بك تجهله
تغرب الدنيا بعيد ولا تزيد ..
فوق غربتنا جليد

أتحبني .؟
شوف حزني لاصرخ
باتأووه وأنشرخ
قلب طفل ٍ وأخ ..آآآخ

أتحبني .؟
ودمع عيني لانزل
وش مصيرالخد لامنه ذبل
وعشت من شان الأمل

أتحبني .؟
لا وربي ما أظن
قولها غربة زمن !
والوطن وين الوطن
لاصار جرحي بلا ثمن

أتحبني .؟
يا مصير اللي يحب ..
كيف يقدر ينسحب
من أزاهير السحب ..!
يا انكساري من وقاري
وأنت تدري .. ايه تدري ..
كيف صبري يوم تطري
جرحي النازف ألم
يخدشه حبر القلم
لاكتبتك من عدم
ويا .... نعــم..!؟

أتحبني .؟
طول وقتك وش تقول
عبر موجات الفصول
ولا كل هذا فضول ..
يا ذهول
من يطول ..
حلم قلبي لأختنق
والغرق حد الغرق
والطريق اليا أفترق
من يحب ومن يهيم .
.آه ياليل العتيم
والنسيم وكل مابي من قديم

و..أتحبني .؟
قول والله وأستعد ..
للبكا يوم أبتعد
واهدي البسمة فراق ..
والسوالف والعناق
.. يا نشقاق ..
في زمان الاحتراق !

أتحبني .؟
ليه تحلف بس ليه
وأنته تدري بالوجيه
كلها هم وعذاباتٍ وتيه

أتحبني .؟
ماأظن ينفع نحب
أحسن أنَّ ننسحب
ايه يالــلا ننسحب
ونترك الدنيا صخب
وش يكون الحب غير
تضحيه من دون خير
يوم مانلقى ضمير

أتحبني .؟
خل دمعي لا نزل
يغسل الفايت ويبني لي أمل
ولك عليّه ماأقول
والله اني مابقول
لأحد اللي بي حصل
لأحد اللي بي حصل
لأحد اللي بي حص

!

 

[صالح العرجان]

اذكرك وابلل بدمعي طريقي
وآخذ من الليل ( آه ) وما أنام !


وانده لـ تنهيدة المشتاق : فيقي
وتيبس أطرافي ولا يبقى حمام !


والغمام اللي أبيه يفك ريقي
ينتظر مثلي بعد " جية غمام " !


هاجسك لا راوده همي وضيقي
قولي إن الموت هو مسك الختام !


وإن غرقت هناك قولي : يا غريقي
لا يموت الحلم في قلبك ... حرام !


أزفر عيوني ... يجاوبني شهيقي
وافتح عيوني ويلفحني ... ظلام !

 

[فاطمة ناصر]

[poem=font=",6,green,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
شهرين وانا اعيش قسوة غروره = مليت من كثر الجفا والمشاوير
عقب الوفا والذوق يعلن شروره = اللي عشقته غير واللي معي غير
ان كان حَب غيري وحرّك شعوره = ليه الخجل ليه الوجل والمعاذير
[/poem]

 

[حنان الفايز]

صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال

 

[بندر الصقر]

لأن الزمان طيور جوارح
تموت العصافير بين الجوانح
زمان يعيش بزيف الكلام
وزيف النقاء.. وزيف المدائح
حطام الوجوه على كل شيء
وبين القلوب تدور المذابح
تعلمت في الزيف ألا أبالي
تعلمت في الخوف ألا أسامح

 

[عبدالله صلال العساف]

اجمل احلام عمري ماتت امن القهر
يوم شفتك ابثوب العرْس تمشي معاه..!
جيت واعيونهم صوبي تطيل النظر؟
واسمي قام ايتردد بين كل الشفاه..!
يوم اطالع الاقي للشماته اثر
في سنا كل شمعه انورت في ضياه
في مكان التلاقي في حفيف الشجر
في هلاهيل صوت هز قلبي صداه
ابفرحة امك وابوك وبإبتسامة سحر
وابهنا كل كفٍ قالّك بالرّفاه..!
عبدالله صلال العساف

 

[بندر الصقر]

[poem=font="mudir mt,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مابين شوقي للأحبّة ومابين = تضميد جرح الصاحب اللي خذلني
مدري مزاجي وين من بين الأثنين = ( شوقي و صدمة قاطعٍ ما وصلني )
[/poem]

,
,
,

 

[صالح العرجان]

من يوم غبت والتعَب يكتب ْ عَلى وجهـى أرق
من يوم غبت والسهَر ما كفّر الـذنـب وغـفـى

مدري بموت من العطش والا بمـوت مـن الغـرق
من روحتك وآنا انتظر .. واعشّـم جروحـي شفـا

مامـرّ في صـدري عـذر الاّ رمـيتـه واحتـرق
حتى استحيت من الضلوع ليا نشدتني ( مالفى )؟!