ورق " أخضر "

[سلسبيل]

شعر ومطر
مثلكم فخور لأبعاد شاعرنا
الله يحفظك

 

[فايز الزعل]

المعشب بالطهارة والمصداقية والشفافية .. سعيد موسى

ثلاثة أتجاهات ونبض متشبع ولكل نص روح أخرى تروي حكاية وحكاية ، هذا هو الشعر حينما يمنحك الفضاءات لتعلق جدارياتك على نوافذ الدهشة ، الحديث عن دقة التصوير والألتقاطات من خلال الكوبليهات الشعرية أشبه برؤية مخرجا سينمائيا يجيد توظيف الحدث ببساطة دون رتوش .. تقبلني قارئا بسيط يحاول أن يستوعب بشكل جيد .. محبتي الدائمة لك ولـ طهرك

 

[صالح بن فارس]

المشاركة الأصلية كتبت بواسطة سعيد الموسى

السلام عليكم ورحمة الله وبركاته ..

للتواصل ومن صدري لصدوركم ، ورجاءاً أقبلوها كما هي

*
________
" ورقة خضراء "
.
.


ورق أخضر ..
آراضي سود !
ولاتمطر !
ولاهي تجود !
ولافكره .. تجي بكره !
ولابكره .. حمَل صبره !
ولاحتى الورق ياخي
رضى يحملني بصدره !
وين آروح ؟
لمين آروح
لمن هذا الغضب بيبوح ؟
وغصن أحلامنا مذبوح !
ولاتسأل
ومن تسأل ؟
إذا هذا الورق راوي !
وفلاّح الشجر غاوي !
ومو فلاّح !
ذا جرّاح !
وهذا الغصن أوجاعه يداويها نسيم أرواح !
ومو مشرط !
غلط " تغلط "
تبي إيدين
معها صدر !
وماهو إيدين
فيها فقر !
ولاهو " واو "
تجي باأول شطر عميا !

________
*
"خارج النص"


ماكان أمس ، الهمس عادي ومعذور

__ أنا نزفت أشياء صدري .. لعيني !

قديش تعلى ، تشتعل مثل تنور !

__ قديش طاح الملح لآخر يديني !

من وين ماوليّت صادفني السور!

__ أستحلفك بالله ، لو قلت ويني !؟

الشخص هذا مو انا ، شخص مكسور

__ وانا أكسر الدنيا بقوة يقيني !

وين اليقين الله يخليك .. والنور !

__ وينه؟ وانا دورت عنه بسنيني ؟

وقفت لني مااعرف .. ألف وآدور !

__ ترهقني الوقفه ، ويندى جبيني !

حزين ؟ لاوالله محبط ومقهور

__ حتى انْ هذا الحزن هو يحتويني!

هذي الحياة اللي تبادلني الجور

__ الله يسامحها وتنصف يميني !

*
__________

إلى ....... ونقطة فوق السطر .

*
*
*

حبيبي ..
ياحبيب الخوف
أنا في كل ليل .. آطوف
على بيت الشِعر ..
والصوف
على سجّادة جروحي
على ترتيلة دموعي
وابسمل كل صوت / بـ أوووووف !
ولا ملجأ ولا منجأ
من أيدينك
إذا بتشوف !
حبيبي
ياحبيب الخوف ..
ترى إيدينا بعد تكذب ..
اذا ماهي حكي " مُتعِب "
انا مُتعَب ..
انا مُتعَب ..
وفيني جايز المعروف !
حبيبي
وان بغيت تعوف :
انا عايف خيوط الصوف
نسجت من السنين خيام !
ولا غطت ضلوع الجوف !
ويعني مثل .. ماانت تشوف !
ابد ماخانت النخله !
ولاهي قاصر الدلّه !
نعيش ..
ومانفكّر ليش !
حبيبي
ياحبيب الخوف
ورب الماء ..
وروحك .. ماء ..
أنا صدري طفل ملفوف !
وفي ظهري
جروح سيوف !
من الأقرب إلى الأغرب ..
وأقول " ضعوف "
وأمرر كل غصّة آه ..
وأقول اغفر عشان الله ..
عشان أنك تصير " أكبر "
وانا مـ " اكبر "
كبر عمري ، وصدري طفل
وأنا حالف " أكون أجمل "
غديت أذبل !
حبيبي .. ياحبيب الخوف
انا من يهدي البسمه
وهو غرقان في همه !
أنا من هو نطق لك تم ..
بروحه قبل هذا الفمّ
وانا ياخي تعبت " اللاء "
وانا أروي كل طير يمّر !
وانا ماني ب لاقي الماء !
وتالي هالضيا
ظلمى !
حبيبي ..
ياحبيبي عوف
ولا تستغرب .. وأكذب
انا ماشلت لك غايه ..
انا شلتك مثل آيه !
حبيبي .. ياحبيب الخوف
وليت تشوف !

ياخي انت كيف تكتب ياخي ..
وكأنك تجدف بهدوء في بحر شعرٍ تتلاطم أمواجه دهاءً !

ما أجملك 🌹

 

[محمد ثاني]

لأول وهلة قرأتها سهلة
وفي الثانية قطوفها دانية
والثالثة حارثة
والرابعة رائعة كروعة سعيد الأنيق