تفيض من بين الحنايا التعابير
ويـردّها سـدٍّ بنيته ولا طــــــــــاح
أدارج الموضوع بين المعاذير
واللي بقلبي ما تبيّن ولا باح
الصقر ما عذربه قيد الصقاقير
حرٍّ ومرقابه على تلّة جنـــــــاح
يا مرتجي للنور بين الدياجير
رجواك مافيها سراجٍ ومصباح
يطول ليلــــــــي واتعبتني التفـــاكير
والهمّ في عوج المحاني ولا انزاح
لو الدموع تحلّ عقد المعاسير
هلّيت غالي الدمع والنفس ترتاح
الجرح يا فارس بقلبي مجامير
صلايلٍ بين الضماير لها فواح
أكنّها بين الضلوع المقاصير
من دونها قفلٍ كسرته بمفتاح
وأسوقها سوق الجمال المغاتير
اللي تشيل احمولها كنها ارماح
وشكواي للي عالم بالمقادير
اللي يبدل ضيقة النفس بأفراح
يالله عسى باقي حياتي تياسير
يا خالق الدنيا ويا رب لأرواح
آخر المشاركات
02-09-2019, 02:45 PM
توجد ..
العرض الشجري