محاوره | خالد صالح الحربي

[تركي الحربي]

سلام يا صاحبي والدرب للزلفي معه غيم ليل

... وأنا كويتي ودربي لـ الشمال وعاشق المجمعه

أشـوف الأيـام بين المقبله والمدبـره والحصيل :

... بحسابها يا معلمنا السنه زادت على الاربعه !

 

[خالد صالح الحربي]

:
يا مرحبا فيك والطرقة / تبي طاروق جدًّا ثقيل
__ عسى طريقك مثل قلبك " خضر " ومْرَفْرَف الأشرعة
تشوف وآشوف بس السر يبقى بين زيت وفتيل
__ عطني من النّار " جذوة نور " وأنت النور يامنبعه.
🌹

 

[تركي الحربي]

روايةٍ الغصن ما تنفع تسمّيها ظلال ومقيل
.... لو نغصب الحِبر يكتبها علينا تزعل المطبعه

الظن بالتمر طيّب بس من جابوه شفته حويل
.... شربت فنجال واللي بالصحن خذاه من يقدعه

 

[خالد صالح الحربي]

:
رواية الغصن كذبة / والظلال إن ملّ طبعه يميل
__ ما أحْدٍ من الناس سائل عن معاناته وحجم (ا)وجعه.
هي بيّنه من قبل يا صاحبي لا شك صبرٍ جميل
__ لا لا تعجّب إذا شفت "القناعة " ترتدي " الأقنعة "!
🌹

 

[صالح العرجان]

المشاركة الأصلية كتبت بواسطة تركي الحربي

سلام يا صاحبي والدرب للزلفي معه غيم ليل

... وأنا كويتي ودربي لـ الشمال وعاشق المجمعه

أشـوف الأيـام بين المقبله والمدبـره والحصيل :

... بحسابها يا معلمنا السنه زادت على الاربعه !

الله الله
يا سلام يا سلام


حي الله باللي مهو حي الله

 

[تركي الحربي]

أخي العزيز جداً / صالح العرجان

الله يعز قدرك وشانك ويحفظك يا طويل العمر

شكراً لكل هذا الحب يا راقي

ممتن لروحك أخي العزيز

محبتي

 

[صالح العرجان]

المشاركة الأصلية كتبت بواسطة خالد صالح الحربي

:
يا مرحبا فيك والطرقة / تبي طاروق جدًّا ثقيل
__ عسى طريقك مثل قلبك " خضر " ومْرَفْرَف الأشرعة
تشوف وآشوف بس السر يبقى بين زيت وفتيل
__ عطني من النّار " جذوة نور " وأنت النور يامنبعه.
🌹

امسك الصف واللعب يا لعوب
واسري ياليل والملعب سرى


وين الصفوف

 

[خالد صالح الحربي]

المشاركة الأصلية كتبت بواسطة صالح العرجان

امسك الصف واللعب يا لعوب
واسري ياليل والملعب سرى


وين الصفوف

:
يسري الليل ونعرف الدروب
__ نزلة الغاط أو طلعة كرى 😊
🌹