مُتنفس .. شِعري !

[سعيد الموسى]

روحي فـ دربك وأدعي الله يهنيك
_ ثوبي لو انه ضاق فيني : نزعته !
ماني بجايب غير بالخير طاريك
_ باب انقفل " عيبٍ علي " لو قرعته !

 

[زايد الشليمي]

المشاركة الأصلية كتبت بواسطة زايد الشليمي

ماخسرت من ( الأنا ) الا الكرامة
ولابقى من هامتي.... الا يديني
:
لو يشح حالطِّيب مايقنع كلامه
يوم قال المعذرة دوّرت ويني
:
شفت وجهي كل صدمه به علامه
حتى نفسي طاحت من كفوف عيني
:
ماخذلت اللي كرهته شيء ضامه
كيف أبخذل من سكن بيني وبيني
:
ياه لو شفت الصدر ينور ظلامه
صرت أحس بدنيتي ....محدٍ يبيني
؛
من ضلوعي طارت بروحي يمامه
مسألة حلمي وطيشي شيء جيني

خل همي داخلي طوّل منامه
خبّته يسراي ... لاتعرف يميني

هارب بحلمي الى يوم القيامة
الهروب من البشر نهجي وديني
:
ما أبي من دنيتي غير السلامة
ولا أبي من( حالتي) الا جبيني
؛




:
زايد..
:

:


من عرفتك ماعرفت المستقيم
الدواير كلّـــها ..... لفّيتها
:
أنت عادي بس خليتك عظيم
كل حاجة لو تبي سوّيتها ..
:
كم كتبتك غيم يغرق بالنسيم
وكم رسمتك زهرةٍ حبّيتها
:
سُكّرَك .. موجود مابعد الجحيم
والخطاوي مايقت ..شلّيتها
:
تَغًْــزِلْك عيني... إذا غنّى حليــم
ترقص رموشك ..وأنا لبّيتها
:
كنت أهرب فيك .. عن واقع أليم
وجهتي يمّك أنا .. خلّيتها ..




:
زايد..
:

 

[زايد الشليمي]

أغنية .. بلا موسيقى
:
الى ...... عميد البسطاء
ورمــز .. .. الققراء
والخارج عن القانــون ..
(( مــناع ...))



:

ياضيقتي شدّي أنا أعــْرف مصيرك
تضيق ......لكن مالها غير منّاع
:
:
جيتك وأنا مالي من الناس غيرك
دام الخوي في موقف المرجلة ضاع
:
جيتك ووجهي بين لطفك وخيرك
دامك اخو.. ماينزل الراس بالقاع
:
طيبك غلبْنا .. ماوصلنا أخيــرك
والمنعسر .. في راعي الطيب طمّاع
:

:


:
زايد..
:

 

[سعيد الموسى]

يوم قرر يترك الدنيا
‏ويغادر :
‏صار شاعر !
*
___
*
يوم صدره
‏امتلى رماح وخناجر :
‏صار شاعر !
*
__
*
يوم صمته ..
‏أخترق كل الحناجر :
‏صار شاعر !
*
__
*
يوم جرحه ..
كان يشبه بحر ثائر:
صار شاعر !
*
___
*
يوم عينه
كل ماغمّض تسافر :
صار شاعر !
*
__
*
يوم إيده ..
عزروها فـ المنابر :
مات شاعر !

 

[سعيد الموسى]

وش اسوأ من حديث الما ؟
‏إذا سال " وبتر غصنين "
‏وش اسوأ من يد الظلما ؟
‏اذا كانت مثل " رمحين "
‏على مهل الضيا
‏يمكن !
‏أحب أني معك " احزن "
‏او اني مـ اعرف " الأحسن " ؟ أو اني يمكن .. ويمكن !
‏فقدت أشياء " من ذاتي " - وصرت أغرف لها صوتي - من آخر أول الآتي !
‏أحبك " قلتها بكذب "
‏احبك " تنكتب واشطب "
‏أحبك " آه واتسرّب " مثل معدن ويتذهب "
‏أحبّك : مِله ومذهب!
‏أحبك : وان بغيت أهرب !
‏لقيتك ظِل يتشعب !
‏لقيتك : كاس منه " أشرب "
‏أحبك : والحكي يركض ..
‏بفمّ الوقت " والعقرب "
‏ولاطلتك - ولانلتك - ولاخذتك معي لـ اقرب
‏حدود العالم " الاغرب "
‏واظل اكتب
‏واذا شفت الظنون " اشطب "

 

[سعيد الموسى]

*
____

كل عامٍ وأنتم ومن تحبون ومن نحب بخير وصحة وسلامة
وتقبل الله منا ومنكم صالح الأعمال