نَافِذه !

[سعيد الموسى]

___

*



__

ياسيّدي : عَطني " وطن "
__ مايهدي أبناءه " حزن "
ماأحتاج انا
كل الورق !
أحتاج أنجو من الغرق !
ياسيدي عطني : فرح
من دون قلبي ينجرح !
مااحتاج انا
زهو الصباح !
- لا فزّ قلبي مـ استراح !
ياسيّدي / ياسيّدي !
مااحتاج أكثر
" من يدي " !

 

[سعيد الموسى]

______
*
*

يارب جمّلنا على العز والطِيب
‏_ ماهو خيار اللي تردّى نتردّى !
‏يارب تبعدنا عن الرجس والعيب
‏_ عزالله إنّا - دون هذا نتفدّا !

 

[سعيد الموسى]

محتاج أحسِّك ياحياتي " حياتي "
‏_ يوم اسهل الأشياء منّك " فقدته "
‏كان أكبر همومي "أصيب "- أمنياتي
‏_ لا البندق فـ يدّي ولا الحلم صدته !

 

[سعيد الموسى]

*
___

*

انا هنا :
‏مابين شكّي "واليقين"
‏أرسم .. وجوه العابرين !
‏أنا هنا :
‏أزرع من الصبح " المسا "
‏ياعلّ يثمر فـ المدى:
‏أحباب واخوان وأهل
‏وآشع :
‏من قبل انذبل
‏يالطيبين .. المتعبين
‏ياللي تباتون بـ وجع - الله لشكواكم سمع "
‏ياللي شعلتم شمعكم-والناس تجهل همكم "
‏أنا هنا:
‏مابينكم واشعر بكم !

 

[سعيد الموسى]

*
____

*

أقوالنا :
‏كسرة رغيف " أوجاعنا "
‏آمالنا :
‏حاجة تسدّ " أوهامنا "
‏أقلامنا :
‏حبرٍ نزف بـ " افواهنا "
‏شيً نبت بـ صدورنا
‏لين أعتلى بـ اوراقنا !
‏ياسيدي :
‏ماهو شعر .. هاللي تشوفه ينتثر !
‏لا لا - ولا رشّة عطر !
‏ولا رذاذ من المطر !
‏هذا خليط من القهر ، أينع ، تشجّر ، وازدهر !

 

[سعيد الموسى]

___
*

عندي الفكرة ولا عندي قلم
‏_ سلفوني دمع ينزف واكتبه
‏والله أني من كثر جور الألم
‏_ اكثر اللي أكتبه صرت اشطبه !

 

[سعيد الموسى]

*
____

رجلٍ على ادنى شيّ يفضح خويّه !
__ وثاني يموت ولا لحق صاحبه " عيب "
رجلٍ تشوف الطيب يلفي بمجيّه !
__ وآخر يدوّر وش ورى عوية " الذيب "
يابن الكرام الميل " ماهو خطيّه "
__ عادي تصيب أحيان واحياناً تخيب !
كل الخطا لو هي يدينك " رديّه " !
__ يوم الكرام تسابقوا للمواجيب !
سبحان رب الناس " رب البريّه "
__ احنا نغيب وذكرنا يرفض نغيب !

 

[سعيد الموسى]

*
____


ماتصغي ابوابك لصوت الدرايش ؟
‏_ الشمس تشرق من سماوات صدرك
‏قم غن ، شوف النور ، منك انت عايش !
‏_ ياسيّد أرض الحب ، والورد عطرك