انت لولا المواجع انت مين ..؟

[محمد بن منصور]

تذوبُ بدعوى الصّبرِ هذي الملامحُ
أيخفى سعيرُ الهمِّ والدمعُ لائحُ

أعالجُ بالصبرِ المريرِ مرارةً
ونفعُ اصطباري لمْ تذقهُ الجوانحُ

أصافحُ حظاً قد أشاحَ بوجههِ
ومن ليس أهلا للقتالِ يصافحُ

 

[محمد بن منصور]

وان خضت في الهامش حروب ومعارك
تبقى على الهامش وتطرد سرابه
.
المنتصر دايم ترى ما يشارك
"الرمح غالي والفريسه ذبابه"

 

[محمد بن منصور]

لقيتي في زحام الروح لك مدخل
نفذتي مثل ماينفذ شعاع الشمس
.
وفجّيتي بلطفك قلبيّ المقفل
برغم اني عن احساسي منعت اللمس
,
بهمساتك يصير الحال للأفضل
من الأفضل لجل حالي يزيد الهمس
.
يـ ليت العمر يتوقف ويتأجل
واخلّي العمر يتوقف بموعد أمس

 

[محمد بن منصور]

قِل لمن يكتب اشعار الغزل والغرام
حالة الناس لو يدري غدَت نُص نُص
.
ليته يخفف ابيات الهوى والهيام
لـ امتلا بالمشاعر يكتفي بنُص نَص

 

[محمد بن منصور]

[ اثنين والثالث قمر ]
.
طاب السمَر ..
اثنين والثالث قمر..
صحبه مثيره كافيَه ..
فيها المشاعر دافيَه ..
فيها عيونك عن سواليفك تنوب ..
فيها عيوني في تفاصيلك تذوب ..
فيها دروب ..
واحساس رجّعني لزمان ..
ماعاد ياسعني المكان ..
واسمع مثل همس الوتر..
قال : السمر ..
قلت : السمر ..
اثنين والثالث قمر..

 

[محمد بن منصور]

غصب لا صار موعد للقا أسرح ..
مهو بيدي , أرتب للقا قصة ..
وأرتب للقا مسرح ..
مواعيدك مطر هتّان ..
وإذا صار المطر انتي ..
أنا الضامي , وأنا العطشان ..
غصب لا صار موعد للقا أسرح ..
واسولف عنْك ما أسكت ..
عن اللي صار , واللي ما بعد قد صار ..
ولو بكتب على سطر الزمن تذكار ..
كتبتك دون ما اتردد ..
إذا صار الوعد انتي ..
نذرت العمر لك موعد ..

 

[محمد بن منصور]

ظلك أخذ منّك شبَه
مثلك تحلّى بالجمال
.
الظل يتبع صاحبه
وانتي جميله بالظلال
.
حسنك عجزت استوعبه
حاجه غريبه من خيال

 

[محمد بن منصور]

البارحه كان السهر
مفروض ماكان اختيار
.
اللي يسامر له قمر
مجبور مافيه اعتذار
.
جايز اذا بنلقى عذر
نبضات من صوب اليسار
.
متسارعه مثل القدر
أو مُحْكمه مثل الحصار
.
النار في جمر الثغر
والنور من خلف الخمار
.
والليل في لون الشعر
والوجه ممزوج بنهار
.
أضداد تلهمني الشعر
واحساس مليان انبهار
.
تطيب أوقات السمر
با اللي حصل فيها وصار
.
عدّت مثل لمح البصر
صرنا على الجاي انتظار
.
أحيان يكتب لك عمر
وتصير ايامك عمَار
.
والبارحه كان السهر
مفروض ماكان اختيار