أعجابي << ( طرق نادر )

[سعد مسهوج]

كل عام وانتم بخير
.
.
.

سعد بن مسهوج اعجابي.MP3

استحي لأبدي عليك اعجابي
............. وللغلا في نظرتي ماريه !!

وانقهر لا اتغامزوا اصحابي
............. كل ما قالوا ترا لك جيه؟

في عيوني ينتشي ترحابي
............ وبألتفاتي عبرة ٍ مخفيه

صرت احس اني رجل متصابي
........... رغم ما املك من الشخصيه!

قول: احبك لا ترد إركابي
............المشاعر بالهوا .. طرديه!

اما توزنها بكيل ايجابي ؟
........... او نتايجها تجي عكسيه !

لا لمحتك يستزيد مصابي
...........ولا نقص منها غلاك شويه؟

تنحني لك بالهلا ابوابي
...........او تطيح !! ..بجيتك مغشيه!!

لا اختصرتك يبتدي اسهابي
........... والحكي يوزن بلا .. قافيه!

من غرامك ما جنيت اتعابي
..........وليه ما افكاري تجي سلبيه !

من عرفتك تستثير غيابي
...........وفي قساوة طلّـتك ماويه

اااه لو تقرا الألم بكتابي
........... تنكسر لو تجبر الحنيه !!

والا تسمع من صميم عتابي
.......... كيف روحي بالقهر معنيه

اسأل الاحساس وش سوابي؟؟
............وكم بكت احلامي الورديه!

من تطير بلهفتك اسرابي
............ لين ما توصل معاك هنيه

واسأل احسن لألتقيت احبابي؟؟
........... وين وصلت حالتي النفسيه؟

وكيف صاير يتسع جلبابي ؟
......... وكيف ضيّـقت الكره الارضيه

اخوكم

سعد مسهوج العلاطي

 

[عياد ثاني]

بل شعر وشعور نادر ياسعد

نص مفعم بجمال الاحاسيس وتركيز الصور وإذهال التسلسل

(اما توزنها بكيل ايجابي ؟
........... او نتايجها تجي عكسيه !)

هنا تمنيت لو استبدلت كلمة عكسيه بكلمة سلبيه

فتضادها مع الايجابيه جميل جدآ وفي كل الحالتين جمال ورقي ياسعد

أبدعت بحق صح قليك

وكل الحب

 

[سعد مسهوج]

الرائع الشاعر عياد

هلا مليون وشهادة اعتز فيها

بالنسبة لسبلبيه ..والله ثم والله لم يفوتني هذا الترصيع
لكن قوة المعنى اقتضت ذالك فحينما يكون الحب ابتر او من طرف واحد فزيادة عشق الطرف الاول تعبر عن مدى نقص او ضعف انجذاب الطرف الثاني فتكون العلاقة عكسيه!! (فيزيائياً)
ولا تنسى ان القصيدة ملئية بالتضادات والتي تكون احيانا ليست من صالح النص.

شكرا لك ولتنويهك


وكل عام وانت بخير

 

[خالد علي اليامي]

هنا شغب جميل ياسعد

والأجمل اختيارك لهذا الطرق

كل عام وانت (تمام)

 

[سعد مسهوج]

خالد

هلا مليوووووووون شكرا لك وكل عام وانت بخيرر وصحه وسلامه

 

[ثامر البلوي]

واسأل احسن لألتقيت احبابي؟؟
........... وين وصلت حالتي النفسيه؟

وكيف صاير يتسع جلبابي ؟
......... وكيف ضيّـقت الكره الارضيه

الله الله الله

يآخي إنت رآيق حيييل وشعرك مثلك يآخذنا لـ أبعد مدى

ألف صح الله لسآنك وألف شكر على هـ النص والطرق الجميل والسلس

وكل عآم وأنت بـ ألف خير قبل الزحمه ^^

 

[سعد مسهوج]

الرائع ثامر البلوي

يابعد راسي والله هذا من ذوقك وطيب اصلك لا خلا ولا عدم


وصح بدنك وكل عام وانت بخير وصحة وسلامة ايضا قبل الزحمة


لاهنت

 

[سعد مسهوج]

شكرا لكم جميعا ,,

<<< عشان يرفع الموضوع