يـــــــــــــــا وطن !!

[عبدالعزيز الرميحي]

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]


كثر ما صافحت يمنى الرجال من القروم رجال= كثر مانامت عيون الصغير بحضْنها الدافي

كثر ما سلمت للأرض غيمه والمطر همال = كثر ما عانقت قطرة ندى وديان وضفافي

كثر ما شدْوا أهل الخيل وأهل الحل والترحال= كثر ما قالت أم لورْعها لاصاح يا كافي

كثر ما روحوا مقفين يرمون السهول .. جبال= كثر ما غورقت بالدمع عين لشوفة اللآفي

كثر بدو وكثر حضر وكثر من صال عمر وجال = كثر ما غبّرت ساق الجفول لطرْدها السافي

كثر ما شبوا ’’ الشبه ’’ كثر ’’ برني ’’ وصفر دلال= كثر عود الغضاء في مرتع الغزلان متجافي

كثر ما رقصوا العرضه كثر دانه كثر يامال = كثر دحّة شمالي والجنوب بصوته الصافي

كثر كل الكلام وكلها لك ياوطن تنقال = أحبك ياوطن ياتاج راسي دمت يالوافي

أحبك ياوطن برد ودفا وأحوال عقب أحوال = ثراك الحظن أموت يضمني واترابك الحافي[/poem]

الشبّه..السمره
برني .. نوع من التمورفي الحجاز

 

[محمد السالم]

ولطول حبك يا عبدالعزيز


كان البحر طويلا جدا


ومن أصعب الأشياء في الشعر بالذات هو كتابة قصيدة تحتوي الوطن



شكرا لك يا عبدالعزيز

 

[عبدالعزيز الرميحي]

وطن من صدق
أنت يا محمد
بحجم السماء
شكراً لك

 

[عبدالله العويمر]

حُب الَوطَن بَحْر ٌ عَذْب ، يَنْهَل ُ مِنْه الأوْفِيَاء

عَبْدالعزيز

جَمِيْل النّبض

دُمْت بِخَيْر

 

[ميــرال]

شكراً لهذا الوطن ياعبدالعزيز
ان اتى بك شعريفوح برائحة الأرض
مبدع

 

[عبدالعزيز الرميحي]

المشاركة الأصلية كتبت بواسطة عبدالله العويمر

حُب الَوطَن بَحْر ٌ عَذْب ، يَنْهَل ُ مِنْه الأوْفِيَاء

عَبْدالعزيز

جَمِيْل النّبض

دُمْت بِخَيْر

عبدالله العويمر
كل الشكر لجمال حضورك
ووفاء حرفك

دمت بخير

 

[محمد عوده البلوي]

يستحق الوطن هذه المشاعر وتستحقه




عبد العزيز الرميحي



اجتمع الحب والشعر في متصفحك الراقي




صح لسانك وقلبك



تحياتي

 

[عبدالعزيز الرميحي]

المشاركة الأصلية كتبت بواسطة ميــرال

شكراً لهذا الوطن ياعبدالعزيز
ان اتى بك شعريفوح برائحة الأرض
مبدع

والشكر لك يا ميرال
و لحضورك الكريم
دمت بخير