مُتنفس .. شِعري !

[سعيد الموسى]

المشاركة الأصلية كتبت بواسطة صالح العرجان

شفني على اثر ابجدياتك تمشي خطاي

لك وحشه يا ابو الجوري

دائماً يكتبنا البدر ياصالح لا أجد أكبر مما قاله هنا :
وين ألقى كلام .. مامّر بكلام ؟
وأحكي لك ياصالح !
يـ هلا يابوعبدالله كثرك وكبرك ،
وأنا على أثر محبتك أسوق خطاي يااخوي ورفيق السنين ..
ماودّك تاخذ عمره 😂🙊

 

[سعيد الموسى]

الكلمه اللي واقفه " بين " فمّي !
‏أزريت فيها من حياي .. وتخبّت !
‏الناس لو هو دمّهم .. مثل دمّي !
‏كان الحبق في كل صدرٍ بينبت !

 

[سعيد الموسى]

كنت أشوفك
" لحظة خجلاء !
‏وإرتباكة .. بنت
عذراء ..
‏كنت آخر شخص ..
يمكن!
‏شاف صوتك ..
مااسمعه!
‏شمّ صوتك ..
مثل عطر
‏ضمّ صوتك
في فمه !
‏وتخيله!

 

[صالح العرجان]

آكذب عليك إن قلت :- طيبّ ومرتآح
وإني بخير وحآلتي . . ( مممآ عليهـآ ) !

لو ينبش عروق آلغلآ شخص ، جراح
يلقى ( آلمفآرق ) مآرحم وآلديههـآ .. ؟!



ذائقه

 

[صالح العرجان]

كل طاري لك .. [ حي الله نبآه ] .. ؟!






.

 

[سعيد الموسى]

قلت للدنيا .. كفى !
قالت وتفرح ؟
أفا !
قلت كتفي / ماهو كتفي !
والظهر .. كنّه صدر !
طعنة أحبابي
.. كثير !
قالت وتفرح ؟
يصير !
قلت : بيديني ورود !
قالت : وفـ الورد شوك !
جرب تذوق الجحود !
وش عليه ؟
ماعليه !

 

[سعيد الموسى]

أمررها مثل ..
فكره !
تبات ،
ولو صحت بكره !
انا قادر على إيدي !
ولاانتي من صنع .. إيدي!
وأمرر كل هذا الصمت !
لو إني لِنت ..
بس أيقنت !
انا من يزرع الفكره ..
على هذا الشعر " بذره "
ويسقيها ..
وتنبت في قوافيها ..
وتثمر فاكهه .. من سحر !
ولايعجزني .. أتغاضى
لو إن أغصانها .. مالت !
مشاتل غيري ...
اطهرها
سواد واسمدة موتى !
واذا يعني جذورك
.. وين؟
ولا كل طِين ،
مثل الطِين !
.
.
على فكره
" وللعبره "
انا فلّاح هذا الشعر ..
ولاقادر " على كسره "
ولكن قادر
" أختصره"

 

[رحيل]

‏والنجم لو غادي
‏باقي معي جـوّه
‏بالذاكـــره بـــادي
‏وبخاطــري نــوّه


لشاعرها .