رسالتي لأمير قطر حمد آل ثاني -- ( آتحدااااك )

[هيكل الشمري]

وقفت في وجهك وجيت آتحداك = واسمّعك مالا سمع به معاليك
لاوالذي من صلصل الطين سواك = ماجيت انا من ديرتي غير اوريك
شوف الخفوق اللي سكن فيه شرواك = فنّك تقول اليوم وشكثر يغليك
ينبض مع الشريان من فعل مولاك = خلاني اعلن بالمحبه تحديك
ان قلتلي ياهيكل اليوم وشجاك = اقول لك يحقلي افتخر فيك
آمر يابو مشعل ترا الكل يفداك = وقلوبنا دايم معك ماتخليك
قلوبنا وياك لا لا عدمناك = الله يسدد يابو مشعل خطاويك
لاجيت اعدد يابو مشعل مزاياك = اسما سماةٍ في مسماك تعنيك
حلحيل قرمٍ للشرابيك فكاك = ياسعد عين اللي لفى وانتخى فيك
مثل البحر ياسيدي كف يمناك = في مدتك ياسيدي من يجاريك
ارجو السموحه يوم قصرت وياك = وانت القصايد كلها ماتوفيك
واليوم عيدك ياقطر عاش ذكراك = ولاجيت انا من ديرتي غير اهنيك
في ذر ابو مشعل عسى الله يرعاك = وفي ذر ابو مشعل يعزك ويغنيك

 

[هيكل الشمري]

انا بليا مطلع القصيده مخرعني والحين مافي رد الله يستر ههههه

 

[محمد الغشام]

,

,

عشت ياهيكل
نبض يستحق لأمير قطر
وعيدهم عيدنا لاشك

عاطِر التحايا

 

[أحمد حياء]

الله عليك ياهيكل

قصيده تحمل ( الأكشن ) في ضاهرها والحب والوفاء في باطنها ...

بيض الله وجهك وصح لسانك...

تحيتي

 

[محسن الشاهر]

الرائع هيكل الشمري

من الابداع ان تلفت انتباه القارئ والمستمع في مطلع او عنوان القصيدة

نص جميل جدا وشاعر اجمل

وامير قطر يستحق المدح والثناء

ولا هنت يالغالي

تقبل مروري وودي

 

[سعيد الموسى]

وليش تخاف ؟


يالشمري لاتهاب إلا الله ,


يستحقون منك ومنا [ شعب قطر الشقيق ] كل ثناء , وعيدهم خير !


ودمت ياهيكل , جبل

 

[عبدالله العويمر]

(في ذر ابو مشعل عسى الله يرعاك = وفي ذر ابو مشعل يعزك ويغنيك)

مَمْدُوح ٌ يَسْتَحِق

سَلِم نَبْضُك

 

[حياه]

..
صح لسانك ي االشمري

دُمتَ كمَا أَنْتْ
سلامِي لك وَ لاهنتْ
..