ذلول حلمي

[راشد مقبل]

طابت أوقاتكم

الليله الوقت عيّا بالثواني..../ يمر
وأنا أنتظر وإنتظاري صار دمّه ثقيل

مايضوي إحساسي الليله سطوع القمر
مادام وحدة عيوني مالقت لي بديل

ياليت دمعي على ضيق الدروب انهمر
ياغربة الذات .. ياوحشة دموع الأصيل

من كنت طفل الحياه الى وليّ الأمر
وأنا أتعدّل بطيبي والليالي / تميل

داريت كلّ القلوب الا القلوب السمر
ماني بها محتفي وأضدّها بالرحيل

ذلول حلمي لحقها من ظروفي ضمر
ولولا الرسن في يديني كان وضعي هزيل

جارت عليّ الحياه وضاع منّي عمر
كنت أذخره للنصيب وللطريق الطويل

من غابت التضحيات الشوق ليش استمر!
من ينزع الشوق من قلبي وشكره جزيل

م أحتاج غيمه على شجرة جفافي تمر..
أحتاج حطّاب يحطب مابقى من حصيل

وسلامتكم