[ ~ تحليق ~ ]

[سليمان عباس]

يعني ما عادت حدايق
ما اظن للماء يد
كنت ضايق
بين قضبان الحجاره
حاجبٍ عنك الحرايق
ما اظن لنار يد
هي خياراتي اليتامى
كل ما ناظرت دمعك
الوجع فيني تنامى
وزدت صد
والمدينه خاويه
من دون عينه
والشعور اللي تضخّم
صار اكبر من دُواتي
كيف اكتب
كل يوم
وكل ساعه
وكل لحظة
فاتت بعالم سباتي
جاوبيني
يا حزينه
والقرار اللي خذيته
اني اترك نص حياتي
لجل احيا نص حياتي ..!

 

[سليمان عباس]

اعذريني
كنت وحدي
قبل ما كان الجميع
وباقي وحدي
بعد ماراح الجميع
ما معي إلا انت
بعد اللي خلقني
اعذريني يوم همّشتك
وانا صدري فضا
ثلج وربيع
وحلمي اصبح نجم
في قبضة رضيع
خاف يفتحها
وأضيع

 

[سليمان عباس]

لا تعتذر
عذرتك ولك اعتذر
ضميتك و همّشتني
رممتك و هشّمتني
خليتني وحدي بفضا
نورك معي
وقررت ترحل في ظلام
تهيم في (الليل البهيم الأليلِ)
تصحى وتنام
لحظتك من دوني ضياع
والعام يمسك بيد عام
عطني اش لقيت
هل عشت ما راح بنعيم ؟

 

[سليمان عباس]

ورد ابيض
صباحاتك
ولا فاتك
هواي اللي
جرى بذاتك
احبك يا ربيع ابيض
احبك حيل
غير الليل
ابعدني عن دروبك
وباقي كل تفاصيلي
تحبك حيل
وأتأمل تفاصيلك
واناظر مبسمك شطرين
فيه من الفرح والحزن
وحتى العين
غدت في اختلافك مزن
نضجتي بغيبتك
واحمر رمانك
وانا اهملت
ايه اهملت
بس القلب ما خانك
تعالي واحرثي اغيابي
تعالي نبذر ونمطر
تعالي والبسي ثيابي

 

[سليمان عباس]

لأنك كل ما املك
تعالي
ودي اهمس لك
تحبي الورد ؟
انا لما اشوف
الورد
اشتقلك
ولجل وصلك
زرعتك في جدار النبض
وصار القلب لجلك ارض
تغذيكي من افكاري
واوراقك غدت تبرق
وتتفتح وانا اشرق
وصرتي صفحة
اشعاري




تحبي الورد ؟
قولي لو انا
داري

 

[سليمان عباس]

جميلة بسمتك
من لبست ايامك
ولكن عطني اقلامك
عرفتك من قديم الشعر
تحب تكتب جميع الناس
وتمنحهم من احلامك
تعيش احساسهم بإحساس
تضحكهم ...تواسيهم
وتنسى تواسي
آلامك
عطني شوي
اقلامك
ابي البسك وامشي بك
لذاك الشارع المشتاق خطواتك
بعد ما رحت اعيته
سعاله ازعج الحاره
شاب وانحنى ظهره
يحكي عنك ويماري
رغم كل الوجه اللي
تمره
مالقي علاجه
وماله في احد حاجه

 

[سليمان عباس]

وبعدين معاك ...!
يعني ما تعرف غلاك ..؟

لا تطوّل المكان
بدون روح


ولا تدري
ما يهمني ..!


بس طمني

وروح

 

[سليمان عباس]

يميني ماسكه يسراي
حالت بيني و... ا* وراقك
و ماودي سوى اكتب
( انا بالحيل مشتاقك )
عساك بخير
يا معنى
المطر والنور
عساك بخير
يا أغلى
شعر وشعور
عساك بخير
طمني