[ ~ تحليق ~ ]

[سليمان عباس]

كيف اعتذر
مافات . ما له اذن
او له عين تقرى لي عذر
كيف اعتذر
مافات . ما كان بسبات
واقول من يرجع
بعوّضه اللي فات

مافات مات
ومابقى
الا فتات وذكريات
تعصف بي كل ما امطرت

 

[سليمان عباس]

هات رشفة
بل ....ريقي
لو عطشك امطر
...حنين ....!
لو خفت مرة بريقي
عطني رشفه
بس رشفه
لا يموت اللي غرسته
في غياهب ضيق..... ضيقي
من تشعب في غيابه
كيف يرجع
وكيف ارجع
وصارت الأحزان ... غابه
وابتعد عني طريقي
وما بقت لي لو علامه
وفي ضياعي انتشى يغني ( سلامه)
( في سحابه ..!!)

 

[سليمان عباس]

هي كذا
ذا شكلها
ذا لونها
ذي عيوبها
وذا حسنها
من خارج الصندوق
تتأمل بذوق
افضل كثير
اللي تشوفه وتسمعه
ما تسمعه ...!
وانته بوسط المعمعه ..
...
لو امتلى كاسك
تعب
انهك ذراعك
واتعبه
لا تشربه
ولا تكسره
مادمت قادر تسكبه
بُعده تقى
ياللي انعجنتي بالتقى
كلك نقى
وانتي الاصح من الصحيح
ان جيت اقرى آخرك
لابد اجمع اولك
غمست نفسي بجرح
يشبه جرح عانقني سنين
ولقيت ان الحبر يا كثره
بتلقى يوم منه يكتبك

 

[سليمان عباس]

وانتي تدري ..!والجمال ..
اللي سكن عينك وقال:
( ايه احبَّك بس تعال)
خايف اجتاحك ولا ...
يبقى لباقينا ظلال
اللي بقلبي لك عدد قطر المطر
اللي بقلبي لك غدى كبر السما
ماهمني من كان او ممكن يكون
يا ( نون ) معجون بجنون
اللي اعرفه ان حسنك ماحصل
ماسه وسط كل الرمال
بس خايف اجتاحك ولا ...
يبقى لباقينا ظلال
...
هاتي اغانيك القديمه كلها
واللي حواها من نشاز
بدوزن اللي خانته الأوتار
واحيي لحنها
كل الكسور اللي بحروفك تنجبر
حتى ولو مل الصبر
عندي نفس يعقوب
وهدوء الجبال
بس خايف اجتاحك ولا
يبقى لباقينا ظلال

 

[سليمان عباس]

عندي سؤال
ماكفاكي اني في بعدي قريب ؟
مثل ما ودك واكثر
مثل ما يحلم واكثر
مثل ما يرضيه بغيابه
واكثر
لي مكان ولك مكان
اثنين يجمعهم زمان
وكل اغانينا تنادينا شجن
ما كفاكي اني في بعدي قريب ؟
اجمعك رغم المسافه
وارسمك ويا الثواني الف عام
ولا ازال
هل فهمتي يا ( . . . . )
خايف اجتاحك ولا
يبقى لباقينا ظلال

 

[سليمان عباس]

عن الحاله
يترجم صوتها صمته
وفرقى الروح بوصاله
نقش مغزى
بسطح الما
وحفر في غيمته فاله
عسى تمطر
وتنبت ارضها اسما
ولكن المطر اهمل
يبي يبقى
على حاله

 

[سليمان عباس]

هذه الطفله الكبيره
كيف اخبرها
بان الحبر ..خمر
لا غدى المستقبل المبهم
يفوح
بعطر امس ...
شعر سحر
وشعوذة عزف وشعور
ياخذك لاخر خيال السامري
ان غاب لبّك قام يهذي
باستفاقة بنج خطرف
شي يفهم
شي مبهم
بين صرخه وبين همس
بين وعي وبين غي
ولا نتايج غير هم
لو وعيت وارتميت
بحضن سجده
لا تقوم
قول ما ودك تقوله
ولي ما ودك تقوله
اعترف له بضعف حولك
يمطر الامك بحوله
يجمعك في حضن سجده
حضن ما ذقته من امك
به حنان وبه امان
لا تجرب
روح متيقّن وقرّب

 

[سليمان عباس]

ليه لما تحزني
تصحى المجرة ...

!