دعاء .... للسماء

[نواف التركي]

.


.


.



.



[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالهاجس اللي من ثلاثة ليالي = تحدني يمّ القلم والكتابه

ماودّك تفارق وتعتق خيالي = شف لك خليٍ يفهمك طق بابه

قدّر ظروفي ..غربتي وإنشغالي = لاتعزف براسي حنين الربابه

بلشت في رزقي ولقمة عيالي = وعجزت لأمشي في زمان الغرابه

أشيل لي حملٍ يفوق إحتمالي = وبالصدر أكنّه عن غريب وقرابه

لولا أخواني قلت مافيه غالي = ولو ما أمي أقول القلوب تتشابه

ولولا أبوي أن كان ما جيت عالي = في عالمٍ كنّه قوانين غابه

مسّاحة الجوخ العفون الحثالي = في هالزمن صاروا قرومٍ ذيابه

مالك ومال الهم مالك ومالي= مثلي حضوره يكتشف في غيابه

ياهاجسي ماعاد للشعر والي = في ساحةٍ فيها الغثى والرتابه

تقرى العيون حروفي ولا تبالي = ماغيري اللي حس فيه وشقابه

محدٍ سواي يحس وشلون حالي = كم مر معنى محدٍ قد درابه

وكم بيت صغته من قراحٍ زلالي= مرّوه عطشى ما أهتنوا في شرابه

وكم بيت سنّيته على ما طرالي = أمضى من الشلف وبقى في جرابه

خذى الزمان اللي خذاه وبقالي = عمرٍ قليل أوزّعه للغلابه

مع الدروب المقفيه صرت جالي = أطرد ورى الحلم القديم وسرابه

يا هاجسي كان الشعر راس مالي = واليوم أدوّر للدعاء إستجابه

يارب عبدك وأستغيث بسؤالي = رحماك هذا الهم أنا مبتلابه

يا الغافر المنّان ياذا الجلالي = أطلبك عتق من الشعر والكتابه [/POEM]

 

[فالح الدهمان]

نواف




ياسلام





رائع



ترا الشعر مرض نفسى


جد انا اقول كذا محد قال لى



وهالقصيده


رائعه



وانت شاعر رائع جدا

ياعصابة راسى

 

[دعاس الرويلي]

وشكرًا على الشِّعر الشِّعر


يصعد بها الإمتنان على كفوف الحب لِيُبَلِّغُهَا فكرك الراقي




نواف التركي



منذ قراءتي لأول حرفٍ لك وأنا لاأجيد إلا الحب والتصفيق



تقديري لك ولشاعريتك يامبدع

..

 

[نواف التركي]

المشاركة الأصلية كتبت بواسطة فالح الدهمان

نواف




ياسلام





رائع



ترا الشعر مرض نفسى


جد انا اقول كذا محد قال لى



وهالقصيده


رائعه



وانت شاعر رائع جدا

ياعصابة راسى

فالح الدهمان

كل التقدير

لحضورك

المبهج

دمت بخير

 

[سلطان ربيع]

نواف التركي
روحانيه هذا النص / تصعد للسماء
سبكت من الشعر الوعي وألبسته أروع الحلل
فـ إزدان بحروفك أبيات الشعر
فمثلك سيبقى للشعر شاعراً
وللمعنى عراب

دمت بخير يانواف ودام عطاءك لنا

 

[عبدالله سعيد]

:

:


مثلي حضوره يكتشف في غيابه ..!!


أشهد لله أنك ممن نسأل عنهم في الغياب
ونعشقهم شعرا في الحضور




كم بيت صغته من قراح زلالي .. مروه عطشى ما اهتنوا في شرابه

وعساهم لا اهتنوا يا نواف التركي
بيض الله وجهك
وصدقني أنك ممن نعدهم في نائبات الإيداع

:

:

 

[وجدان الأحمد]

يا هاجسي كان الشعر راس مالي
......................................... واليوم أدوّر للدعاء إستجابه

يارب عبدك وأستغيث بسؤالي
.................................... رحماك هذا الهم أنا مبتلابه

يا الغافر المنّان ياذا الجلالي
.............................. أطلبك عتق من الشعر والكتابه

نواف التركي



نقرأ الشعر هنا فنجده طاهرًا شفافًا ومتفرد ..

لا أتمنى أن يتحقق دعائك يا نواف وإعذرني على ذلك ..

فما زال الشعر بخير ما دمت أنت تنيره بحضورك الراقي ..

لقلبك أخي

 

[سعد مسهوج]

اااخ


يا نواف


عزالله انك كاتبها من معناه ..


وانا اطلب من الله انه ما يعتقك من الشعر ..


لانا تعودنا على ابداعاتك ..


فلا تحرمنا هالابداعات ..




ومهي بحاجة رائيي هالقصيدة فعلا ما هي بحاجة رائيي ..




اخوك


سعد العلاطي