[ فهرس لـ أبعاد ذائقتكم الشعرية ] .. ؟!

[صالح العرجان]

الكثير من القصائد الجميلة تسكن المدى من حولنا وربما هيا تعيش بيننا
فكرة هذا المتصفح لا تحتمل أكثر من أن تكون القصيدة مكتمله النصاب شعرا وابيات حيث لا يسمح بوضع مقتطفات لان هناك متصفح للأخت ميرال معني بها

وهذا أول المطر :-

فرحت لـك .. وأنـا معاليقـي حطـام
والصدر .. مـن مـا فيـه بيّـح كنينـه

فرحة يتيم ٍ .. ليلـة العيـد مـا نـام !
خـالاتـه , وخـوالـه .. مواعديـنـه

مواعدينـه بشـت .. وشمـاغ بـسّـام
ويلّعبونـه .. فـي مـلاهـي المديـنـه

مانـام .. واحـلامـه تـحّـراه قــدام
كنه يطـول أحلامـه بـ( راحتينـه ) !

صبحه تجّلا نـوره بـ/ عيـد الاسـلام
وقبـل يـروح المسـجـد : ملّبسيـنـه

جده مـا بيـن العيـن والجيـم والـلام
خلّـيـه يافـلانـه .. ولا تأخريـنـه !

تراقبـه بـ/ عيونهـا .. حـب وهيـام
وعيونهـا .. ممّـا تكـنّـه / حزيـنـه

"يعرض لها الماضي مثل عرض الافلام "
لـ.. ماضـي ابـوه وغـلاه وحنيـنـه

يرجيه لـ( سنين القسـا ) درع وحـزام
وجنـب ٍ علـى صكـات بقعـا يعينـه

ابـو ثـلاث أعـوام .. والا 4 أعـوام
يغار منـه البـدر .. مـن كثـر زينـه

صلّى وجاء وأمر الله اللي قضـى تـآم
ماهـوب داري عنـه .. زينـه وشينـه

بشتـه عليـه .. مهنـدم ٍ خيـر هنـدام
واللـي بـ/ عمـره .. كلهـم محترينـه

يوم اطلعـوا للشـارع انقسمـوا أقسـام
وأهـم مـافـي القـصـه ؟ ملّعبيـنـه

تداعـب رموشـه .. ذعاذيـع الانسـام
ويابردهـا .. يـوم آيبـسـت شفّتيـنـه

وعلى تـراب الأرض بأصبعـه رسّـام
أمـا رسـم لـه طيـر .. والا سفينـه

العيد طعمه كـان فـي الشـارع العّـام
ماهـوب عـن رغبـاتـه .. مقيديـنـه

رجـع ولكـن فرحتـه ضايعـه ( دام :
كل ٍ مشـى ) وأخـذ ولـده بـ/ يمينـه

صاروا خواله في نظـر عينـه اصنـام
آحيـوا بـ.. داخلـه الجـروح الدفينـه

ولا عنده الا أمـه ونـاب القهـر سّـام
جاهـا يبـي منهـا اليـديـن الأميـنـه

شعوره اللـي حـس بـه مثـل الإلهـام
وأول سؤال في بالـه : أبـوي وينـه ؟

سؤال : لكـن كـان مثـل النبـا الهّـام
لازال باقـي فـي المسامـع .. رنينـه

جته تعـدي , ماهـو تخّطـي بالاقـدام
وشالتـه بيديهـا .. وحـبّـت جبيـنـه

أبوك : جاء البارح وقبـل الفجـر قـام
وشرى لـك ألعـاب , وهدايـا ً ثمينـه

تراه حبّك وأنت غـارق فـي الاحـلام
وراح لـ.. دوامه , والشغـل مرسلينـه

لحظه .. وهو بيـن الحقايـق والأوهـام
والدمـع الازرق حايـر فـ.. مقلتيـنـه

يمّـه : تـرى مانمـت والعالـم نـيـام
ماجـاء .. ولا لمسـت يدينـي / يدينـه

مدام رقمـه معـك مـن بيـن الارقـام
بـ.. أكلمـه , يـوم إنـك تكلميـنـه !

طاحت ما كن آلها من الصدمـه عظـام
ولاعـاد فيهـا صبـر .. ولا سكيـنـه

قالـت بـدون شعـور وإدراك وإلمـام
أبـوك ! فـي تـراب القبـر دافنيـنـه

العام مات .. ومـتّ مـن موتـه العـام
وكنـي بعـد مامـات عنـي سجيـنـه

أبـوك جنـدي للوطـن ضـد الإجـرام
عـطـاك عـمـره دون داره وديـنـه

تفجّـرت مـن تحـت رجلينـه ألـغـام
ولاعاد لـي بعـده حصـون ٍ حصينـه

بكّت .. وطاح الدمـع مـن حـر الآلآم
وبكى وطاح الكـون مـن مـوق عينـه

كـل ٍ عذلهـا .. بيـن عاتـب ولــوّام
تصّبـري .. خلـي ضلوعـك متيـنـه

ماهو صحيح ان الضروره لهـا احكـام
اكبـر خطـاء يـوم إنــك تعلميـنـه

بـكـره تنسّـيـه الليـالـي والايــام
هو فيـه أحـد ينسـى حـدا والدينـه ؟

طير السعـد فـي عالمـه مابعـد حـام
والله يعـلـم وش تـخـبـي سنـيـنـه

أنـا كـذا ! ساكـت وصابـر ومنضـام
لكـن كـان الفـرق بيـنـي وبيـنـه :

الدمـع لـ.. عيـون الأرامـل والايتـام
ودمـع الرجـل ذل وهـوان وغبيـنـه

 

[بندر الصقر]

عزالله اتعبت الذائقة بعد هالقصيدة يابو عبدالله ..

هذي القصيدة كنت ناوي احطها من يومين بس مالقيت لها مكان / .. تعجبني ..

[poem=font="mudir mt,5,blue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الا يا ذيب ياذيب الخلا يالسبع يالسرحان = غدت كل الأسامي مابقى منها ولا تيّه
عقب مانتب على روس الطوال وترقب الرعيان = ولا ياطى على جرّتك غير الداب والحيّه
غديت بوسط شبكٍ من وراه اسير للقضبان = تحت صفر السلاسل ليّةٍ من فوقها ليّه
وعشاك جناح ديكٍ جايدٍ والا بعد حرقان = عقب مانتب على فطاح الهرافى الغضّة النيّه
وعقب مانتب تحوّل في توالي الليل للمرحان = وتجي صفر العيون ولا تخلّي بينهن حيّه
واليا منّه سمح خاطرك والا قاموا العربان = زبنت اقصى الوعر تسحب عشاك وتلهث شويّه
وقعدت تمزّع جنوب الخروف وتلحس الذرعان = وتسمّع في نواديس البنادق والشواويّه
واليا منّك سريت ورحت يرمونك بلا نيشان = يقولون الخلا .. لولا الخلا ماحصّلن شيّه
واذا بان النهار تخم عمرك مهرفٍ عجلان = وقعدت تدير طيّاح الحصى وتدوّر الفيّه
هذا ذيب الخلا اللي حشمته في الضلع والوديان = مهوب اللي بوسط الشبك لاروحة ولا جيّه
شروك دعايةٍ عند المحطة تِضحك الورعان =عقب مانتب حليٍّ للأواليد الشقرديّه
جداك تجر قنبات الحسايف من ورى البيبان = تحت نور المحطّة بين سيارة ورجليّه
وانا والله زبونك لو يبيعونك وانا الربحان = علشان اطلقك تعتاش في الارض الخلاويّه
[/poem]

 

[صالح العرجان]

بندر حضورك وحده يكفي لـ مزيد ممطر


*
تعال نشرب لضيق الوقت واحراجه
كاسٍ من الصبر فيه أعلن لميلادي

نخب الجفا فالعيون وثورة الحاجة
نخب المساكين واسم الفقر وبلادي

ياصاحبي وان بغيت تعيش قم واجه
أحلامك اللي بدت تستنزف اجهادي

عميا لو انّ الأمل ولّع لك اسراجه
ما كل ضيٍّ يجي عقب البطا بادي !

هذا زمنّا عقد للفرحه احجاجه
والهمّ حالف يروّح بالأمل .. غادي

لا والله إلا بيبطي ماخذا حاجه
صخرة صغيرة وطاحت في بحر هادي

عادي نعيش بعزم في لجة أمواجه
حتى لو نعيش له راضين به عادي !

لكن دخيلك ترا صدري يبي افراجه
مَدّّ القصيد , ورفض يعطيني مرادي !

دقّت طبول الشعر واجتمعت أفواجه
هاك الضلوع الكمنجه/غن يا شادي !




لـ / سماء غازي

 

[صالح العرجان]

الخوف وسيوف الظروف اللعينة
خلتني أسكت وأترك العلم للجاي .. !

غصباً علي لو قلت ما تملكينة ؟
قلبي ولا يرخص على كل شرّاي

لا ياخذك من جانب الود لينة
هذا هو أغلى ماملكتة بدنياي .. !

مثل البحر مهما عطى للسفينة
يبخل على اللي يشحذة شربة الماي

لكن أنا ماهو الذي تنشدينة .. !
ماينفعك في واقع المر ّ معناي

أعيش حزني وابحثي ياحزينة
عن واحد ٍ ماعاش وضعي وبلواي

لا تعشقين مهددٍ تفقدينة
هذا أنا والله علم وين مسراي

جرح أرتحالي ما تضمة مدينة
عايش غريب وموطني موقع خطاي

لـــ/ سليمان المانع

 

[صالح العرجان]

ويخنق شاعرك بإيـده زمانـه وآكبـر أحلامـه
ويشطب كم سنه غصّت بحلق أوراق هـالدفتـر

يسابق لحظته / ضعفه / حنينه / شوقه / آلامـه
يخاف تحاصره كل الجروح ويصرخ بـما أقـدر

يحـاول يكتـب الفرقـا ويـدّه تخـذل أقلامـه
يبي ينساااك مو أكثر / يبي ينساااك مـو أكثـر

ملامح صورتـك فـي كـلّ وجـه يمـرّ قدّامـه
كذا من وين ما صدّت عيونه .. صورتك تظهـر

يبـي ينسـاك لكنّـك تركـت لخطـوة أقدامـه
حنين يخيّـب ظنـون المسافـة لا بـدت تكبـر

يبي ينسـاك لكنّـك زرعـت فـعظّـة إبهامـه
يقين يبـدّد أصـوات الندامـة لا بـدت تجهـر

نعم هذا الشعر ما يكسـره غيـر إنّـك إلهامـه
ولكنّه أبد مـا يـوم فـي غيـرك قـدر يفخـر

يقوله والدمـوع اللـي تلبّـي شهقـة أكمامـه
تتمتم للسنين المقبلـه : وش باقـي بنخسـر؟!

ما دام إنْ شاعـرك لا هيجنـة الأقـدار بأيّامـه
تشتّت في صـدور الراحليـن بسكّـة المهجـر

قدره إنّـه لهالماضـي يعيـش يغفّـي أوهامـه
قدره يموت مـن كسـرٍ بجوفـه ماهـو بيجبـر

قدره يجمّعك مـن هالأغانـي صـوتٍ / آثامـه
تصحّي كل عرقٍ قـد توسّـد صـدر هالخنجـر

أمانه وإنت تدري بـإنّ دفـن الميّـت إكرامـه
تعال إدفن بقايا شاعرك فـي صـدرك الأطهـر

لأن الموت هو أصدق نهايـة لشاعـرك دامـه
يبي يهواك .. ما يقدر / يبي ينساك .. ما يقدر !



لـــ/ سعود الأسمري

 

[منتهى القريش]

تعـبـت أكـذب عـلـى نفـسـي وأردد لأجلـهـا : لا باس
تعبت أستنطق حظوظـي .. عبـث هـذا المـدى كلـه !

عـبـث هـذا الـمـدى لـيـلٍ أحـس إنه عـديم إحـساس
تضـايـق مـثـل صـدرٍ ضاق حـتـى مـات مــن غلّـه

يـقـولون الـسـجـن : غـرفة وبـاب وثـرثـرة حـراس
وعـمرٍ مـن ملل وأحلام مخـنوقـة ومعـتـلّــة

وأنا سجنـي ضلـوع الصـدر وإنـسَ أصحابـي الجـلاس
وحـيـد والـنـدم شـخـصِ يمـون أكـثـر مـن الـشـلّـة !

أحــس إن الـنـدم شـيـخٍ عـزيــزٍ مـا إنحـنى له راس
تـعـوّد يـتبـع المـذنـب بـتالي الليـل ويذلـه

لــك الله يـالـشـعـور اللـي غـدا لـلـصـادقـيـن لـبـاس
مصـيـبـة لاعتـبـرنـا الـصـدق فــي هـذا الزمــن زلــة

تعـبـت أكــذب عـلـى نفـسـي وأردد لأجـلـهـا : لا بـــاس
تعبت أستنطق حظوظـي .. عبـث هـذا المـدى كلـه !

عـبــث هـــذا الـمــدى شـعــرٍ كتـمـتـه وإنـتـثـرت أنـفــاس
بـقــايــا مــن حــكــايــة نــور/ نورٍ يـقـتفـي ظـله

علـى طـاريك يا الـمتـرف وليـل رموشـك الـنعاس
يطير من الحكي همسٍ خجول يقول لي .. قـل لـه :

سـمــاه أرحـب من الـتـرحـاب ولا إسـتـرسـل الـمـيـاس
عـســى مــا ضــاق تـرحـابـه فــي تـرحـالـه وفي حله

تـريـث .. يـا ضـمـا عـمـرٍ يبـلـل مـــن رجـاي الـيـاس
عـلـى درب الـسـنيـن خـطـاي فـيه تـضـيـع وتـدلـه

نويت أطلق من ضلوعي ، سراحي ، وأسكن الكراس
عـسـاني في ثـراه ألقـى ولـو سطريـن مـبتلة

أسـافـر والـنـجـوم حـروف وكـفـوف الـشـفـق أقـواس
وأرتـب فـي السمـا شـئ بعيييييـد هـنـاااك وأوصــل لــه

بـكـاسٍ فـارغ نـصـفـه/ ونـصـفـه يـمـتـلـي بـه كـاس
فــراغٍ مـمـتــلـي ولا كـثــيــر وأكـــثـره قــلـه ؟

هنـا كـان الحكـي أعمـق .. هنـا لـو للـصـدق مقـيـاس
عــرفــت إن الـثـمـن أتـفـه مـن أتـفـه شـيٍ تـمـله

خـسـارة ربـــح مـــا تـعـنـي بـعُــرف المنصـفـيـن إفـــلاس
ولا تـعـنــي بـقـلــب الـمـؤمــن إلا : ( مــــا كـتـبــه الله )

كـــأنـــي مــــــا فـــقـــدت إلا مــكـان تـحـتـويـه الـنـاس
وأنـــا الـلــي مـــا لـقـيــت إلا زمــانٍ كـنـت أبــرحــل لــــه


للشاعر : محمد الأسمري

أبو عبدالله .. شكرا لهذا المصتفح الجميل كـ روحك ..

 

[صالح العرجان]

أم صبا يا هلا وغلا

*


هذا ماهو شيب .. لا تبكين .. ماهو شيـب يمـه
لا يهولك منظره في راسي وتبكيـن .. عـادي !

لا يغـرّك لونـه الأيبـض .. ولا يفجعـك كمـه
صدقيني ماهو مـن الشيـب هـذا اللـون بـادي

تذكريـن .. اصابعـك لمـا تبعـثـره وتلـمـه ؟
يوم كنت اوسده رجلك .. واروّض لـك عنـادي ؟

كل ما مشيتي اصبـع بيـن شعراتـي تشمـه ..
لين صارن بيض من كبر الغلا وطهـر الايـادي !

شرّعي لـي حضنـك الممطـور بالمسـك ابخمـه
خمة ٍ تبرا بها روحي مـن جروحـي .. وانـادي

ما ابي مْن الناس : غير اذكـارك وريحتـك لمـه
ولا ابي مْن النور : غير سراجك العن به حـدادي

وما ابي مْن العز : غير اللي تحـت رجليـك قمـه
ولا ابي مْن الأرض : غير جلالك اعلن به بـلادي

ودي ارجع ( طفلك المغمور ) واللي كان همـه ..
يصعد / اطول نخله .. ويشرب / من حثال العوادي

يغسل نعاسه ( باذان الفجر ، واصـوات الأئمـه )
ويونْس الشيبان لا رتّل لهم : ( قل يـا عبـادي )

ويسرق اول ( خبزه لصاجك ) ويخفيهـا بفمـه !
قبل ما يصحى حدا اخوانه .. ويحتـد التمـادي !

طفلك : اللي ذنبه انـه مـا غسـل بالدمـع كمـه
لين صار الكم الابيض من بطا دموعـه رمـادي !

ما يخاف الا : بكاك ، ودعوتك : ( حمىً تحمّه ) ..
لا ركض جنب القليب وسمـع نبضاتـك تنـادي !

ولا كشخ ( بشماغ ابوه ) وشفتي الانظـار يمـه :
تغصبينه / يشرب ( القروه ) بخـوف ٍ لا إرادي !

ودي امسح دمعة ( استاذي الفلسطيني ) واضمـه
لا بكى في ( حصة التاريخ ) مـن ظلـم الاعـادي

واعتذر له عـن سخافـة جيلـي وخـذلان الامـه
واتعلـم منـه كيـف اروي يقينـي باعتـقـادي

واسأله ليـه المجاهـد عندنـا مهـدور دمـه ؟؟
ومن ربط حدوتة الإرهـاب بالفكـر الجهـادي ؟؟

وليه نسمع بألف دعوة صلح مـع راهـب وعِمـه
والف خنجر يشهر بوجـه المطـوّع فـي بـلادي

ودي ارجع طفل : بعض عيوبه اجمل مـن شيمـه
يوم كان اصغر رفاقه عمـر .. واكبرهـم مبـادي

ودي افتـش بتاريخـي عـن احلامـي المهـمـه
قبل ما تهزم جيوش اليـأس صبـري واجتهـادي

ودي اوشي بحزنـي الحاضـر لماضيّـي وانمّـه
يمكن انقذ جمرة سنينـي مـن المـوت برمـادي

بس وشلون اقدر ارجع ؟ ليه ما قلتي لـي يمـه ؟
ليه ما قلتي لي ان الشيـب مشتـاق لسـوادي ؟!

ليه فهمتينـي ان الخـوف مـن بكـره مذمـه ؟؟
ليه خليتيني اكبـر واحمـل ذنـوب اعتـدادي ؟؟

وين اعيّن خير يمه ؟؟ والأمل من غيـر يَمـه !!
الحطب - يا ميّّـه - قليّـل وبـرد الليـل سـادي

كل ما غرسـت غصنـي سافـي الحرمـان دمـه
واشعر اني وردة ٍ مزروعـة ٍ فـي بطـن وادي !

وانا والله ، ما رضيـت بهالعنـا مـن قـل همـه
ولا كبا غير الدروب اما انت وافـي يـا جـوادي

احمـد الله جاعـوا عيالـي وانـا شبعـان ذمـه
ما زرعت الا الوفا والناس تاكـل مـن حصـادي

مـا عرفـت الاي خـال لخالـه وعـم ٍ لعمـه !!
يوم ما ياسع همـوم القـوم غيـرك يـا شـدادي

وانتي يُمه .. لـو بكيتـي شيبـي وهوّلـك كمـه
قلت يُمه : ماهو من الشيـب هـذا اللـون بـادي

تخبرين ( الثلج ) لا منه تكدّس ( فوق قمـه ) ؟؟
هذا ثلج وراسـي القمـه .. فـلا تبكيـن عـادي .. ؟!




لــ/ خلف الكريع

 

[صالح العرجان]

حصان الشعر [ تركي حمدان ]

{ لا تحايد }



لاتحايـد .. لاتحايـد .. ولـو هـي بالعـنـاد
العنـاد ارحــم ولا الوقـفـة المستنـكـرة

الـف درب ٍ تستفـزك .. ولااظنـك جـمـاد
والله ان بعـض الجمـاد يتخيّـر مكـسـرة !

والشجـر إنسـان .. لكنـه اوغـل بالحيـاد
قل معي : ملعون شخص ٍ تشبّـه بـشجـرة !

كيف عقب الطيش والعيش في جـرح وضمـاد
يصبح اللـي لا رمـوه بحجـر طـش ثمـره !؟

عاد وان قلت: " الشجر جاد " قلنا: كيف جاد ؟!
دون أن يملك علـى منـع جـوده مقـدرة !؟

من عجز عن بخل .. ما للكـرم فيـه امتـداد !
مثل ما القدرة علـى الثـار سـاس المغفـرة !

يارفيقي واستمع لـي .. وخـذ علـم ٍ وكـاد
لايـغـرك مايقولـونـه اهــل البـربـرة !

انتهـى الماضـي وجينـا مـع علـوم ٍ جـداد
تنتـمـي للعـقـل ماتنتـمـي للمقـبـرة !

الكرم .. لـو كـان بـذل النفايـس للعبـاد
كـان مـا سـت الصبايـا تسمـى الجوهـرة

الكرم : أن ترخص الشمع فـي عـز ّ السـواد
الكرم : أن تمنـع الدمـع عـن وجنـة مـرة

والكريم : اللي عطـى النـوم لعيـون السهـاد
والشجيع : اللي غفـى مـا تذكـر خنجـره !

والله ان اللـي يحسـب الشجاعـة بالـزنـاد
مثل من يحسـب حـلاة الحديـث الثرثـرة !!

وانت تدري قلـة الهـرج مـن كثـر الرشـاد
غير شِعري لـو كثـر .. بالرشـاد استكثـره !

إيه شاعر واطلب الصفـح عـن ذنـب المـداد
في بلاد ٍ سـاوت الشعـر باكـواز الـذرة !!

والله اني ما حرثـت الـورق وارجـي حصـاد
مير شفت الارض تـرزح تحـت ثقـل صخـرة

واذكر انـي شفـت قلبـي وعشقـه بازديـاد
واذكـر انـي ليـن هالحيـن فكـري بعـثـرة

لجـل هـذا أكتـب الشعـر .. واذم الحيـاد
ولجل هذا قلت هالشطـر " ليتـك تذكـره " :

" الشجر: انسـان .. لكنـه اوغـل بالحيـاد "
قل معي : ملعون شخـص ٍ تشبّـه بشجـرة !






ما زال الشعر يصهل