إعتكاف !

[سعيد الموسى]

بسألك عن ثالث سنين العجاف !
ـــ ممكن اغصان الثمر تنده بشر ؟
مارسمت الريح في وجه الغلاف !
ـــ بس أنا بفهم وش العذب الأمّر !
ارتكى ثم أرتقى قال : وتخاف ؟
ـــ يابنّي العسر يتلاه اليســر !
قلت انا ماجيت وايديني رهاف !
ـــ ربي الرحمن وقلاعي ذكِر !
رد لي : والرد فحوى إختلاف !
ـــ يابنّي الناس : مافيهم غجـر ؟
قلت لو فيهم وكم فيــهم ضِعاف !
ـــ ليش أحس الصمت يشبه للغدر ؟
التفت يمّي وقال : اسكت بقاف !
ـــ كنه اللي قال : تسمح تنثبر ؟
.
.
.
.

من خلال الشعر ... ياناس الخلاف ؟
ــــ ارحموا أمّة محمد يابشر !
مانقول : السنبله تعني عفــاف !
ـــ بس نقول الدين يدعو للطهر !
للمعازف للحجاب وللسخاف !
ـــ ثالث سنين العجاف ولا مطر !

 

[سعيد الموسى]

وتمرني
بعض الوجوه !
تنشد
عن التين وعدم !
ياماسك التين !
انقطف !
والشوك
مايرحم يدك !
وتمرني
مثل الضباب !
مايرحم الشوف
السراب !
ياثقلها ....
وخزة يدك !
ياكثرها وجوه الكذب !
تنشد عن الزمزم !
شفاء !
وانشد عن الوتر !
ودعاء !
مامرّت يدين المســا !
إلا وانا حابس
يــِدي !
الله ولا بعض الـبلاء !
والله ولا سمعة رياء !
ماكنت احسب إني كريه !
والشاهد الله ...
ماحسبت !
ماكنت اضن إلا نزيه !
أشمخ
من وجوه الكذب !
أبراي لله .... وأحتمي !
مليان به زمزم ...
دمي !
مليانه اطباعي شموخ !
ولاني بعد نسل الفخوخ !
أبراي لله ...
وأحتمي !
مليان به زمزم
دمي !
تنعتني وجوه الكذب !
بالقذف ... وبليا سبب !
ماينعت الشهم ... الأبي !
إلا لمن دونه ...صبي !
ياثقلها ...
لو تلتفت !
واقدامك بوحل اثبتت !
لا الناس ترحم شيمتك !
ولا صوتها
ياصل فمـــك !
في ذمّة جروحي ...
قهر !
إن الوجوه اللي حكت !
أسقيتهم
طيبة .... فرات !
وردوا لك ايدينك ...
رفــات !
ماكنها إنمدت لهم !
أو طبطت في عيبهم !
أو ساندت في
هزلـــهم !
ياوجه ٍ أضناه الخداع !
يابايع الروح بقناع !
ياملتقى كل الشتات !
يازفرة التتن الحرام !
في ذمتي ... لا ذمتّك !
شفتك صغير ... وقلت لك !
لاتطلع اكتاف الكبـــار !
يرمونك لــقاع البحار !
هالشوكه اللي وسط تين !
ماصابت إلا كذبتك !
تدري وش اللي يجبرك !
ماني بقايل معدنــك !
لكنّها ... كتوفي ثقال !
قلت: أحتمي واطلع بها !
تطلع بها ؟ بدري كثير !
اول تعلّم .... تحترس !
ثم أوعدك ... بقطف يدك !
ماني من أرباب الرياء !
ولاني بعد قاذف نساء !
كم يلزمك في زفرتك ؟
او بااختناقة شهقتك !
ورب التين
والزيتون !
ورب البيت والزمزم !
ماقول انا يمكن غلطت !
إلا أني أعطيتك [ حجم ] !

 

[سعيد الموسى]

شوفي نفسك بالمرايه !
إنتي أردى روح
سوداء !
لو ظهر لك بعض
بعضك !
أدخنة وتـراب فاسد !
ماعليـه
إن كنتي أغبى !
تمره
لمليــون طير !
شوفي أشكال السكك !
.... وأبحثي عن شكل
وجهك !
.
.
كل مايشبه غرورك !
ــ بؤرة الليل الرخيص !
أحتمي خلف المرايا !
وأرسم أضواء الكسوف !
ماعليه أن طعت نبته !
وأكبرت
والثمر فاسد !
أسهل الخوف
... أبترك
والربيع
... يجيب باكر !
.
.
أبحثي عن بيع .... مبدء !
وحيكي قماشه
لــ وجهك !
أرخص الشعر ... الثمين !
لو قريتي ثلث بعضه !
أحرقه
... لجله مناسب !

تنبيه :

لافته ... أسف لأني ! ماأعتبر ... هذا شعر !

.
.
ابحثي عن بار
... يُقرأ !
غير مايحمل شعوري !
أبحثي عن عار !
يُكتب !
غير ماخطّت يِدي !
ماني الشخص المناسب !
للفراغ ...
وقوس ..... [ نقطه ] . !
أمليئ قوسك
.... بكاسك !
والف كذاّب
... بيجاوب !