ثوب العورة

[محمد السالم]

[POEM="font="Simplified Arabic,5,silver,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

كان الحزن ثوب وقلوب البشرعوره = ارجوك يا حزن خني ليلة عاري

بانام لي ليلة في العمر مغموره = مادمت كل الليالي مشعلك ساري

مادمت لي ثوب والفتحات مزروره = كُل الدلايل تُشر مسلك اجباري

اشربّك شرب المهيم اللي يبس زوره = تفيأ الحوض يشرب والعطش ناري

يا سطوة في الحشى ووجاع منثورة = يشهق بها القلب يشرب حزنه الفاري

من طاري لا لفتني سبّق اطيوره = افز من خلوتي يا حي ذا الطاري

ذا واقعٍ تختزلني جرة اسطوره = يبثني في مداه وتسقط ادواري

ماعاد لي دور كني مشقب الصوره = يزمها راضيٍ ويزمها زاري

كُل المشاعر تشاهق تطلب الثورة = وأنا هنا صامت من عظمي الهاري

يادمعة بالجفن وجله ومحكوره = اخاف يلمس نداها قاري افكاري

اخاف يسقط رذاذ العين في حوره = ويهل له دمعة من فايض اعباري

العام عدا وهاذي هاسنة دوره = وأنا علي أتحشد وحفظ اسراري

ياكبدي اللي من الاوجاع ميسوره = وأنا تغافل وجعها سمت واداري

سيور فيض الحزن يطغا وسيوره = اكون له كعبة ماسنها الباري [/POEM]