عبدالمجيد الزهراني

[ميــرال]

استاكوزا

ياخي ليش

واحد يتعشّى استاكوزا

وواحد جبن

وكسرة عيش

يعني اللقمة

فيها جوع

وفيها تخمة

يعني الدنيا هذي لناس

وماهي لناس

فيها فوق

وفيها تحت؟

الله لوبافهم هالدنيا

كان ارتحت!

 

[عبدالله العويمر]

اختيار جميل

كل الشكر ياميرال

 

[ميــرال]

عبدالله
اشكر وجودك وذوقك

 

[ميــرال]

ماتغيرتي ابد بس تغيرتي كثير

كنتي اللّي تقلبي الدنيا عليّه

واقلب الدنيا معاها , موعليها

كنتي اول بنت , امسكها , وتمسكها يديها

صرتي كلمة

ماهي كلمة

صرتي نظرة

ماهي نظرة

صار ماعندك مشاعر

صار ماعندك ضمير

ماتغيّرتي ابد

بس تغيّرتي كثير !

 

[ميــرال]

قصيدة طويلة جداً

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قال : اشوف الشعر في صوت المطر= قلت : اشوف الشعر في صوت الذباب
قال : شعرك بس لتخريب الشعر= قلت : لا , شعري لتخريب الخراب [/poem]

 

[ميــرال]

الدور العاشر

احنا ناس الدور الأرضي :

فينا الطيب

فينا الحافي

فينا الداشر

ياسكان الدور العاشر

لكن والله نحسّ ونفهم

نأكل

ونجوع , ونتكلم

يعني بالضبط احنا ناس

فينا همّ

وفينا احساس

صدق احنا مانسوا شيّ

ونلخبط ترتيب الشارع

ونشوّه ترتيب الحيّ

لكن :

لكن احنا الأقرب

للأكثر حزن

وللأغرب

للأقرب حزن , وللأبعد

نحيا من غير التكييف

ومانعرف للأزرار المصعد

مانعرف وشهو الدولار

ماندري وش معنى :

فرنّك

احنا نعرف باب الله

لكن نجهل باب البنك !

 

[ميــرال]

احزان مدينه حدوديه

في البقالات البليده

اللي ماتخرج بضاعتها لشّم الشمس

كنت اقرا الجريدة

لكن اقراها بتارخ امس

في سواليف الأجانب

كنت اشوف اوطانهم تقفز من اقفاص الحكي مثل الارانب

في كتابات ( النيون ) اقرا الأسامي

ذابله مثل الحنين

مايله مثل الانين

موجعة مثل الأشعة

وقت تكشف عن تشوّه في الجنين

بارده مثل الثلاثين

في آخر شهر

في شتا هذي المدينة

تنبت اشجار الزكام

في صناديق الخضار

الشمس تتحوّل لباذنجان تالف

والغلابه يحسبون العمر والجرجير بالكيلو

في الصنادق والعماير

يلبس الناس الأماني والبطاطين الثقيله

يطبخون الرز والاحلام

يشرون الأثاث بقيمة التقسيط

يعطون الاواني والاماني

سعر سلعة تالفه

يستهلكون الموز والحزن الرصاصي

ينشرون ايامهم في الشمس من قبل الملابس

يذرفون الما

من العين الحزينة

او من الخزّان
[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
في أول البرد ، في آخـر بطاطينـه = أرخيت كل الستايـر ماعـدا عينـي
للخالديه فـ نـص الليـل تخمينـه = آخمن القـاك والعـن جـد تخمينـي
نعسان ذا الشارع الـقافـل دكاكينـه = وشلون ابكسر حديـد ابوابهـا فينـي
الحين كيفك ؟ واقول : مطيّن بطينـه= بالله من ذالسؤال الصعـب فكّينـي
بي طفل بشويش لاجيتـي تضمّينـه = بشويش غطّيه ، لا ، بشويش غطّيني
وحدي ، وغرفة رقم ، واشجار للزينه= واسلاك هاتف بكلّ اجحاف تلغينـي
جرس منبّـه ويكبـر بينـي وبينـه= سؤال : من قـال للثانـي تصحّينـي
قبل امس قادر أعلّق ثوبي اش زينـه= واليوم ثوبي بحـزن يعلـق يدينـي
سألت : والحيّ هذا ليـه ناسينـه = أهله ؟وكمّلت : واهلي ليه ناسينـي [/poem]

في مقاهي كنها ليل الحدود

انفخ الدخّان يصعد

يرتطم فـ السقف حزنه

يرتطم فـ السقف حزني

وحدي اسهر في ظلام الأسودين :

- الجراك

- الليل

 

[ميــرال]

اضاءات في ليلة فندقية !!



(1)

نوال ...واكتبك : بنتٍ تدخل امرايه

فـ..المشط تصعد....وحلم المشط : ينزل به

شوفي : حرقت اصبعي من نار غلاّيه

والشاي ....لو بارد الفنجال : أكمّل به

طفّايتي : يتم.........ماهي بسّ طفّايه

سجايري : حزن...........من قال انها علبه ؟

أدخلك : طالب تلعثم في حروف آيه

واخشاب كل الكراسي ..بارده...صلبه

قولي : عرفني ولد صايع .....بلا غايه

قولي : ولاني نوال ان ما أهبّل به...!

( 2 )

ساعة جدار : معلّقه........قل : بعيده

سكنت هالغرفه ...وهي جات بعدي

دولاب فخم....وكم ملابس جديده

أكشخ بها ...وآقول من عاد قدّي

نفس الزمن...والأكل...نفس القصيده

قالت : وش اللّي فيك ..ونسيت ردّي !

والصفحه اثنعشر ..بهذي الجريده

اشعر بها ...لكن شويّ وتعدّي

والله..وغصّة هالسرير الوحيده

أنه سرير اثنين....وآنا لوحدي !!

( 3 )

نوال...لاتسكتي...وتكلّمي واجد

تكلّمي : أكذب الأشيا...هو الأصدق

حزين انا ...وأسألي لو صاحبي ماجد

عن وحدة الساعة خمسة الفجر...في فندق !

( 4 )

يعني متعكّر مزاجي....وآه كم حاجه تعكّر

يعني موناقص كلام الناس....موناقص قرف

قل : حزين الليل...قل : ليل الوحيد اللّي يفكّر

كم من الراتب يوفّر...كم من الراتب : صرف

مايجيك الاّ انت...تفتح باب هالغرفة...تسكّر

ياوحيد تعدّ .........كم حذيان قدّام الغرف...!

( 5 )

وربي ....واتصالات الرسبشن ...وآخري....ونعاس

تذكّرني نوال بشيّ.......كنّه شي يشبهني

كذا : يتحرك المعجون في وجهي....كذا : الأمواس

أثاريني كبرت ....وما لقيت اللّي ينبّهني

تقول أمي توجّهني : ولد اصحك تسبّ الناس

لقيت الناس لكنّي ...... فقدت أمٍ توجّهني !