صباح الكادي جميعا
مصافحة أولى خجولة
...........................
انت وينك؟
ما دريت شصار فيني
من غيابك؟
من غيابك ..
كل شي فيني تغير
صرت اشوف الكون أغبر
بالسنين الناس تكبر
وانا اكبر .. بالثواني
بالدقايق .. صرت اكبر
انت وينك؟
كل يوم يدق باب البيت زاير
ويلمح بعيني .. طموحك
وامنياتك ..
وعزة النفس وشموخك ..
لو يدق الباب زاير
يذكرك من لون عيني
حتى ربعك
شبهوني فيك باجر
ما دروا اني بدونك
حيل اضعف من ظنونك
انت وينك؟
وين اودي هالدفاتر
كل كلمة تجر كلمة
ودّها مثلك تهاجر
لا .. على طاري الدفاتر
هالشعر .. كله حبيبي
من اسمعه؟
وهالقصايد بالدفاتر
من يهز راسه إذا جابت جروحك
من يقارني ببوحك؟
من اسمع له قصيدة فـ بابا جابر؟
في حضورك ناشبوني بحب قلبك
أربعة وعشرين شاعر
وفي غيابك ..
ألف شاعر
انا اصغرهم ولكن ..
انا اصدق بالمشاعر ..
انت وينك؟؟؟
ما وعدت اني اذا يبت الشهادة
تطبع الديوان ..؟؟
وانا قلت حاضر
ما وعدتك ؟
اكتب بصفحة بداية
( لعين ناصر)
؟؟؟
انت وينك؟؟
..............
صبا
آخر المشاركات
12-14-2006, 06:50 AM
لـ عين ناصر
العرض الشجري