أنا المولع فيك يا بنت الأجـواد ...... قـلبي تـولـع فيـك منـذ الـطـفـولة

[راشد لايح]

بسم الله الرحمن الرحيم

السلام عليكم ورحمة الله وبركاته

أول / شي أحب أبارك لكم بقدوم شهر الأجر والثواب شهر رمضان الكريم وعسى الله يتقبل عملنا وعملكم فيه .

ثانياً / احب أن أشكر الشاعر سعد سيف على ما يبذله من جهد اتجاه هذا الصرح الشامخ منتدى أبعاد أدبية

وعساه دايم على الخير والقوى اللي بكل أمانه ما قصر معايا والله يقدرنا على رد الجميل .

ثالثاً / يسعدني بل يزيدني شرفاً أن أكون واحد من أعضاء هذا الهرم العالي الذي يتميز عن غيرة بالأسماء

التي يضمها من شعراء وكتاب وكل القائمين على هذا الصرح الشامخ وأتمنى أكون واحد من إسرتكم المتواضعة

وهذا أول مشاركة لي عندكم بالمنتدى أتمنى أن تحوز على رضاكم وترضي طموحاتكم .

[POEM="font="Simplified Arabic,4,black,bold,normal" bkcolor="transparent" bkimage="./images/backgrounds/39.gif" border="double,4,gray" type=1 line=0 align=center use=ex num="0,black""](( بنت الأجواد ))

(( بنت الأجواد ))


أنا المـولـع فـيك يا بـنت الأجــواد = قـلبي تـولـع فـيـك منـذ الطـفــوله
ردي عـلى فـرقـاك ماني بمعـتاد = ردي تـرى قـلبي ذبحـني فـضـوله
بعـدك تقوهيت القهـر هجر وبعـاد = وأرخـصت روحٍ في هـواك مهبـوله
بعـدك فلا والله هنى لجفني رقاد =ا نتي هـنا عمـري وزهـرة فـصـوله
انتي لك بـروحي بساتـين وبـــلاد = حبـك يـا روح الـروح مـحـدٍ ينــوله
أحبـك أكـثر مـن بـلايـين الأعــداد = وأكـثر مـن هطول المطـر يازعـوله
وين الوفا ياجاحدة صدق الأوعـاد = ويـن الـكـلام اللي مـضيـنا نــقــوله
فـيما مضا كانوا لنا النـاس حسـاد = واليــوم نالــوا منـنا فـي سـهــوله
تـذكري قـلبٍ غــدا بـعـدك رمـــاد = بعــدك تـكـسر مـن عـنـاه وذبـوله
قـلبٍ تـناسينه علـى الـود معـتـاد = اللي بزمـان أول نـشلـتي خـمــوله
واليـوم أنا جيـتك صريـحٍ ومنقـاد = أتـبع نـدا قـلبي وأبرضي فـضـوله
ما همني هـرج العواذل والأوغـاد = لأنـك أمـل عمـري وحـلم الـطـفـوله
جيـتك ونار الشـوق بالقـلب تـزداد = فـي خـاطـري شـين لـزومِ أقـــوله
حنا ترى اكبـر من خـصام وعـنـاد = وأثـبت مـن صـدوف الزمـان وميـوله
حنـا ليالـي حبـنا كـانـت أعـيــاد = تاريـخـنـا بالـحـب مــحــدٍ يـطـــولة
وخـلي التغلي عـمره اليوم مافـاد = لـو فـاد قـولـي مـنهـو اللي يقـوله
وخلي الوصل ما بيننا اليوم ينعـاد = يا إم العـيون الـناعسـه والخـجـوله
ردي عـلى فرقـاك مـاني بمعـتاد = ردي تـرى قـلبي ذبحـنـي فـضـوله
بعـدك تقهويت القهر هجر وبعـاد = وأرخـصت روحٍ في هــواك مهـبـوله

[/POEM]

وسلامتكم

أخوكم راشد لايح