تعال واكتب حالتك/لحظتك شعراً ..!

[سعيد الموسى]

المشاركة الأصلية كتبت بواسطة صالح العرجان

مازلت أقول : إن الليالي " مراجيح "

مرّة تشيلك فوق , مرّة تنزّلك ،،!

ماني بقايل طاح حظــي مع الريح !

ماغير قلي , شيمتـك ليش تظلمك ؟

اقسم بربك مانشدنا مــرابيح !

مير البـلا وشلون يدّك وتطعنــك ! ؟
.
.
.

 

[حنان العصيمي]

كان قصدك عذابي لا توصي حريص

الزمن مايقصر وانت فيك بركة

:
.

 

[شمس]

:

لك وحشة ٍ يانور عيني عـن النـاس

ولك لهفة ٍ عطشـى وترجـي حنينـك

يسكن غلاك القلب كلـه والاحسـاس

تنطق شفـاي الوجـد لاشفـت عينـك

زاهي بقربك شامـخ ٍ رافـع الـراس

كني ملكـت الكـون فـي وجنتينـك

ماللحزن في طلـة الزيـن مجـلاس

خذت الغلا برضاي واصبـح سجينـك

اشرب غلاك اليوم عطر ٍ من الكـاس

كـاس المـوده والغـلا فـي يمينـك

اجمل هدايا الكـون قلبـك والانفـاس

كنه سحـاب ٍ ماطـر ٍ فـوق زينـك

لك كل مافيني وقـدرك علـى سـاس

ولك عمري الحاضـر ولـذة سنينـك

في حضرتك طاب الشعر دون هوجاس

ينثـر عبيـر الشـوق بينـي وبينـك

:

 

[محمد الغشام]

,


حزين الصبح والذكرى تحيط من الغياب احساس
... ... ... حكاية ودّ في فجرك , حكاية روح ممطوره
انا هاليوم في بعضي يطيح من الصدر انفاس
... ... ... وانا اتْضايق اذا صدري شهق غيمة ألم / سوره
حقيقه والغياب المر اذا بعض الوفاء ينقاس
... ... ...انا كلي وفاء [ سلمى ] على شانك كتب نوره

 

[بثينة محمد]

الغريبة إن قلبي يبيعني و يجيك عنوة ..

 

[مشعل فايح]

بشويش ادهده ثاير النبض بشويش
عن مسمع الجيران والليل ساكن
اقسى العمر.. انك مدى تعمرك اتعيش
قلبٍ بنبضاته تضجّ الأماكن

 

[صالح العرجان]

اصحاب ضاقت دنيتى ماتبى اصحاب
من يوم صاروا للبعيدين دونـي؟

 

[منتهى القريش]

أستغفرك ذنب
وارتكبك خطايا
واكفر بمن حولي
وتبقى يقيني