كتاب الأماني!

[رضا الهاشمي]

‏ان كنت تدري بسبة الضيق أحسن

وان كان ضيقك ماله أسباب هوّن




مهما عليك اهمومك السود يقسن

امسك لك اكتاب الأماني و دوّن




ضايق مزاجك ولا بالك تحسن

ارسم أمل يضحك وبالصبر لوّن




مثل السفن الاحلام ياليت يرسن

في واقع ن وافي ولا هو يخوّن




‏والخيل ما ينقاد من دون مرسن

واكلاب من ضروك خلهن يعوّن




كيف الليالي بدر الآفاق ينسن

ان كانت انجوم الليالي يضوّن




يبطي العنا واغيوم الأغبان يخسن

لو في سما الأقدار يا صاح نوّن