مصافحة أولى ،،، { فـــارق التوقـيـــــــــــــــــــــت } ،،،

[حسن العلي]

السلام عليكم ورحمة الله وبركاته

مسائكم / صباحكم خير



هذي مصافحه اولى لكم أتمنى أن ترتقي إلى ذائقتكم وتحجز لي مكان في قلوبكم الطاهرة ،،،،




[poem=font="simplified arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياقريبه يابعيده نالنا الحظ الردي=لي متى نوفي الوعود وفارق التوقيت غير!

لي متى بوصل واشوفك وازهم وتشّر يدي=وما الاقي غير طيفك يبتسم لي واستدير؟

لي متى والخطوه المشلوله الا بتعدي=والأمل فيها مثل ميت على قبره يسير

ولي متى عيني نظرها منجذب صوب الجدي=وش لها وشلـ السما مادامني مقدر اطير؟!!

كم قطفت الصبر من عند الامل غصنٍ ندي=لين يبّس من جفافٍ بالصدر وامسى كسير

اجمعه كني مجمّع لي حطب في موقدي=ويشب من همّ الغياب ويصبح الصدر... السعير

خلتها تحرق من الذكرى غرامك واهتدي=واثرها تجبر خفوقي يصبح بذكرك اسير

ويش اسوي والحقايق كلها بك تبتدي= وقّفتني واجبرتني انتظرها للاخير

غلطتي صدقت حلمك يوم راود مرقدي=وقلت في نفسي يصير،،،اليا كتب ربي يصير

وشوفني من وقتها وانا بحلمك مقتدي=أتبعه ماني بداري انه رماني وسط بير

ياوجودي كني مضيّع بناتي وولدي=واسأل الشرهه من اللي باقيٍ منهم بخير؟؟

وياوجودي لا ذكرتك كل لحظه يابعدي=وجد رجالٍ يحب الخير لكنه فقير

ويابري حالي وأمسي ماقدر ينشد غدي=لي متى بطرد سرابٍ كنت احسب انه غدير؟

ودامها تمحى ذنوب المخطي بذبح الفدي=ليت عاذلنا يتوب وعنّه بنذبح بعير!

بس وش حيلة قلوبن نالها الحظ الردي=وفارق التوقيت عاذل من مُوَاعدنا يغير!

[/poem]






أخوكم حسن العلي

 

[سعيد الموسى]

حسن العلي : أرحّب بك في أبعادك أجمل ترحيب ..
أثق تماماً أنك هذه المصافحة تشي لنا بالكثير من أبعادك الشعرية وإبداعك ..
ونرتقب الأفضل بإذن الله .
.
.
أهلاً بك وأشكرك أيضاً

 

[ماجد عبدربه]

:

حسن العلي /
أهلًا بك وشعرًا كما يليق بك ..

هذا النص ينبؤ بما بعد ..
ويكشف ما خلف ..

ننتظر بشوق لملامسة نبضك/حرفك ..

 

[علي الحسني]

حياك الله أخي حسن العلي

أهلاً وسهلاً ومرحباً بك

ومرحباً بإطلالتك الأولى الرائعة

مع أمنياتي لك بدوام التوفيق ومزيداً من التألق

 

[عبدالإله المالك]

الشاعر \ حسن العلي

لأن الجمل الشاعرية مرتفعة ومتألقة في رؤىً عالية وكثافة متميزة .. كنتَ أنتَ وكانت هذه القصيدة .. الوارفة الظلال

 

[صالح الحاتمي]

حسن ان ما قرأته هنااا

يبت عن شاعر احتضن في

دواخله نقاء الشعر

وعفة التألق

نص فعلا متميز ويستحق أن يكون في القمه

سأكون بانتظار الجديد دائما

 

[عبدالناصر السديري]

حسن لك أسلوبك العذب السلسل الجميل الذي ييحاكي لغه القلوب


كنت هنا في بٌعدك الاول

أسجل اعجابي بحضورك

 

[إبراهيم الشتوي]

حضور أول معشوشب بالحبور ..

فأهلا وسهلا بك في أبعاد أبداعك ..

مشرق مغدق أخي حسن .