~~ مـ ـطـ ـر .. وأشـــياء أخــرى ..! ~~

[عبدالله بن زنان]

.
.

.






حياته ..
بين ترتيب الجروح
تفوح
تترنم غرابه ..!



كتابه ..
كل مايملك وفا دافي
وبعض انفاس
تتمايل على صدره
بخمرة حلم
تهديه الكآبه ..!



من سكن فوضاه
لايسأل عنه غيره
ولايسأل أهو غيره
يكفيه المدى والملح
بضلوعه
تعيد الجرح
طفل ودمع
يعني شمع
ملَ الليل ..
واحضان الكتابه ..!



لا شبابيك الزعل
تهدي أجل
لا ولا تهدي أغانيه الصبابه ..!



وكل باب
يصيرناب
وكل مايطري عليه الحلم
يتمادى ولع
ويعيش دمع
بغصة الحاضر
يسولف لـ اغترابه ..!



هو كذا معنى الحياة ..
من متى تصفى
متى ننسى مساء الصبح
وجموح اقترابه .!



كلها زحمة قدر
وين المفر ؟؟
واحنا على مفرق حنين
نعيدنا أشباه فرحه
مالقت معنى الفرح
ليله
ولا ليله
ثياب الحزن خلتنا
وعشنا يومنا
صافي
ولا شفنا سرابه ..!



كم نقول
وكم نطول
وكم نعيش أحباب
في صيغة ممات
أبعاد
تجرحنا المسافه
والحسافة
لالقيت أقرب قريب
يلوم حالك
وانت في معنى الصبر
تحتال
أوتختال
تتمنى عروقك
ماتعيد أحلامها
وتثور
وتشكل عصابه ..!



مايعيد الما
لعين الما
سوى بعض المطر
لاهلَ بك
وانثال بك
واخترت صمتك
يصبغ الوان الدقايق
وسط لوحة عمر
تهديك أزرقك
وتعيد لأنفاس المطر
همس السحابه ..!






.
.

.

 

[عبدالله بن زنان]

.
.

.






عيني معك ..
وإلا معي ..؟
اللي أكيد ..
أنك أنا ..
وآنا بكل الناس من دونك ..
سؤالي :
من معي ..؟؟






.
.

.

 

[عبدالله بن زنان]

.
.


.




الغرابة ..! صدرها باب الغريب
والسنين الممطرة .. حمَى ألم



لامتى بتغيب فيني ياحبيب ؟؟
ولامتى بتقول / حالم وانظلم ؟؟



عطني حلول الحنين / ولا تغيب
وخذ من اقصاي / الحقيقة والقلم ..!





.
.


.

 

[عبدالله بن زنان]

.
.

.

ممرات الزمن / ساعة عقارب / والعقارب طيش
وانا مابين بعض ارواح .. واقف في شراييني

أدور في شمال العمر / نبضه هاربه بشويش
وادلل في جنوب الوقت .. غربة عزّرت فيني

شروق الحال ملّ الأسئلة .. والنور عاش بـ أيش ؟
وغروب الحنايا / حزن دافي .. دمعته عيني ..!

.
.

.

 

[عبدالله بن زنان]

.
.

.



السما زرقا / وجوع الأرض روح
والليالي زرع .. نبضي يحصده ..



رحت لجموح الغيوم بلا جروح
وجيت وحدي / بس نسيت الأورده ..!



.
.

.

 

[عبدالله بن زنان]

.
.

.

لو كتبنا بالدما عشق العيون ..
ماوصلنا لآخر حدود الهوى

هو صحيح ان الزمن ماهو حنون ..
والقلوب بذمتي ماهي سوى

لكن انت لحالك اللي بس تمون ..
وانت من داءه صنع سر الدوا

انت روح الماااء واحساس المزون ..
يوم صدري من حنانك ما ارتوى ..!!

.
.

.

 

[عبدالله بن زنان]

.
.

.

الشوارع يتيمه والعزا للجروح ..
والحنايا عظيمه والبقا للشجن

كل ماقلت راح الحلم عيا يروح
وكل ماقلت هاتك قال وين السكن

قلت مالك مكان إلا معي وسط روح ..
يكفي إن العروق الشعب وأنت الوطن ..!!

.
.

.

 

[عبدالله بن زنان]

.
.

.

لاتلوم الوقت ياعذب السجايا
القدر مقسوم واحنا صابرين

لو قريت الصمت خذ معك النوايا
لك بروحي شوق ماعمره يلين

أعترف لك : كل مافيني شظايا
وكل ما أملك مداين من حنين

الهدايا عمر .. وافرح بالهدايا
في رضاك تهون بي كل السنين ..!!

.
.

.