لا صرت مهبولك أنا كيف بنْلام؟

[جارالله الشدي]

السلام عليكم ورحمة الله وبركاتة

يسعدني ويشرفني بأن أكون أحد أعضاء هذا الصرح الشامخ

وأشكر القائمين عليه على كل ما يقومون به من جهد رائع لخدمة الأدب

كما أشكرك الأخ العزيز / ناصر بن حطاب على هذه الدعوة

لهذا الصرح الذي يجمعني مع صفة الصفوة من الشعراء والكتاب

ولكم مصافحتي الأولى التي أتمنى أن تنال إعجابكم

وأن ترتقي لذائقتكم ..

[poem= font="monotype koufi,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمبير حبي يا هوى البال مفصول = يعني معك قدّام .. قدّام .. قدام
شاعر عشانك صاير اليوم مهبول = من طنخته ياخذ من أفعال صدّام
اللي قلب معقول الى غير معقول = وآخر شجاعٍ بالعرب مات منضام
تاريخ فعله ينضرب عرض بالطول = مصيّح أمريكا وعبّاد الأصنام
ومهجّد الكّفار لا حول .. لاحول =من سبتّك جبت السياسه والأوهام
آبتغزّل وإنقلب باقي القول = ماهوب قصدي للسياسه والاعلام
أبقنعك إني معك سيف مسلول=عونك .. عضيدك .. رمح .. درعٍ لك حزام
وافي على عهد المحبه ومقبول=ستر الهنوف وعون بالطيب .. ضرغام
لو تطلبين الهول هلّيت هملول =ولو تطلبين الحلم .. حقّقت الأحلام
مجنون في حبك وفاعل بي فعول=موسمٍ كبدي وقلبي من العام
ياسالبه عقلي مع عقول وعقول = لو شافك الصايم فطر يوم .. ما صام
جيتك بقلبٍ من على الكف مشيول=مقدمّه لجلك غلا .. شوق .. وهيام
يصول في حبك وماخذ كذا جول=وأتعبت في سيره مشاوير الأقدام
والجسم كله جالك بنعش محمول = لنّك حياة الروح والحظ لا قام
والبال ماهو من محيّاك مشغول=مشغول فيك أيّام وأيّام ما نام
وأنتي غلاك اليوم لو مرّت فصول=يزيد .. ما ينقص مع مر الأيام
ومحدٍ علي ذا الوقت يا بنت مسؤول=غيرك ومحسوبٍ مثل حسْب الأيتام
ومن لامني لا صرت أنا فيك مهبول=لا صرت مهبولك أنا كيف بنْلام؟
[/poem]

وسلامتكم جميع

ملاحظة : أتمنى عدم التعرض للشهيد صدّام حسين
بهذا المتصفح بأي أمر مسيء خارج عن نطاق القصيدة
والقصيدة تعبر عن صاحبها وليس بلسان الغير ..
أخوكم / جارالله الشدي