بـ ذمتك ما قلت لي .. صدر الشمالي ..

[مشاري الشليمي]

أحبائي ..
أبعاد الادب ..
وأدب الابـعاد ..



إليكم ..








[POEM="font="Simplified Arabic,5,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بـ الله قلي عقب ما فارقت شـ لي رجعك .. = مو قلت لي ما راح ترجع حتى لو طال الغيـاب ..!!
مو قلت لي عن سكة التفريق محد ٍ يردعك .. !! = مو قلت لي عن شوفتي تايب ولا فيها عتـاب .. !!
بـ ذمتك ما قلت لي .. بـ البعد أبسهر مدمعك .. = بـ ذمتك ما قلت لي واجد تمنوني شبـاب .. !!
و بـ ذمتك ما قلت لي .. دمعك سبايب إصبعك .. !! = وبـ ذمتك ما قلت لي .. ساعات عمرك في خـراب ..
وبـ ذمتك ما قلت لي .. أبقتلك في مخدعك .. !! = وبـ ذمتك ما قلت لي .. تراك خسـران الحسـاب ..
وبـ ذمتك ما قلت لي .. كاس الجفا بـ أجرّعك .. !! = وبـ ذمتك ما قلت لي .. إني أنا مثل السـراب ..
وبـ ذمتك ما قلت لي .. الحين أنا بـودعك .. !! = وبـ ذمتك ما قلت لي .. بـ الحب بـ أعلن الانسـحاب ..
وبـ ذمتك ما قلت لي .. مجنون منهو يتبعك .. !! = وبـ ذمتك ما قلت لي .. علي تتلفت رقاب ..
وبـ ذمتك ما قلت لك .. لا غبت ماراح أقنعك .. !! = وبـ ذمتك ما قلت لك .. بـ البعد خذ معك الزهـاب ..
وبـ ذمتك ما قلت لك .. تبطي وترجع لي معـك .. = حبك وشوقك وإنكساراتك .. وقلبك به صـواب ..
وبـ ذمتك ما قلت لك .. لا يمكن إذني تسمعك .. = ما دمت صامل عـالهجر .. قدرك تساوى بـ التراب ..
طلعت ما تقدر على بعدي .. ولكن مطمعك .. = تبي تعاندني لـعانه وإنت ما حولك ثـواب ..
توني عرفت الحين شنهو عن غيابك رجعك .. = من بعد ما قفيـّـت لين إنك تعديت الهضـاب ..
الحين يا دوبي دريت إن اللي يقدر يردعك .. = ( صدر الشمالي ) يردعك .. واسـع .. ولا يحمـل عتـاب ..[/POEM]

 

[محمد السالم]

يا سلام

يا صدر الشمالي

دائما مضرب الأمثال في كل سمو



أنا اسمت القصيدة (القصيدة الذمية )

 

[سامي العمر]

مشاري
هنا وفي ذمّة الكلمات التي قلتها والمليئة بالصدق
قرأنا شعرا جميلا بالفعل حتّى وصولك للكلمة صاحبة الذمّة
تحيّاتي

 

[فالح الدهمان]

مشارى


صح قلبك



دائما


مدهش


وتلقائى




فائق احترامى وتقديرى

الكبير

 

[غنج نجد]

الشاعر الفاخر

مشاري الشليمي

كما انتـــ ... نصوصكـ واثقـه من ابهارنــا ..
والمكوثـــ بمساحتكـ ..
شكرا يعانق بك السحابـــ على هكذا شعر .. مطر ..
وصح الله روحكـ
دولة ورد لقلبكـ .. وصدركـ الشمالي ..

اختك

غنج نجد

 

[عبدالحميد بن ناحي]

الله عليك يامشاري

ذبحني اسلوب خطاب الغائب المغلف بالسؤال

شامخ يامشاري

شكراً جزيلاً

 

[مشاري الشليمي]

المشاركة الأصلية كتبت بواسطة محمد السالم

يا سلام

يا صدر الشمالي

دائما مضرب الأمثال في كل سمو



أنا اسمت القصيدة (القصيدة الذمية )

مشــكور ..

 

[بدرالموسى]

مشاري الشليمي



بذمتك وش سويت فينا

بذمتي انك مبدع

تقبل اعجابي

لكـ التحيهـ
بدر