اوراق مبعثرة!!!

[محمد علي الثوعي]

للوطن أغني!!


بيومك ياوطن حنا نغني لك فرح وسرور
رقصنا سامري عرضه ودحيه مع دمه

وطنا لك شموخ المجد بيرق عزنا منشور
يرفرف بالسما عالي ولا ينزل من القمه

وطنا ماتعيش الضيم دايم بالعطاء معمور
جميع الناس حولك ياوطنا اليوم ملتمه

ورثنا حبك اللي بالحنايا من قديم عصور
على عهد الجدود اللي تعز الدار وتضمه

عقب ماكنا اشتات ٍ مثل عقد ٍ غدا منثور
وحدنا معزي بالفعل دولة غدت امه

خرجنا من دهاليز الجهل شفنا طلوع النور
تعلمنا العلوم اللي تفيد الشعب وتهمه

وصار الخير متواصل ملكنا بالعدل منصور
ترى سلمان من قاد الوطن والعز في دمه

عضيده.بالزمن سيف ٍبوجه المعتدي مشهور
جدير ٍ بالثقه. من. قاد شعبه. .عالي. . الهمه


محمد الثوعي

 

[محمد علي الثوعي]

غنائيه

فكر معي. في حل
.......دور ..على ..مخرج
وضعي معك مختل
.......ساكت ..وانا محرج

حبست في صدري. كلام
.......ودي ..اقوله .. وأستريح
واطيّر. . اسراب. الحمام
.......من قلب شاعرك الجريح
انااااام لو ليله ..انااااام
.......محتاج ..للراااحه ..ذبيح
ظلام ..قلبك ..ياحرااام
.......والوجه.. ما مثله. .. مليح

فكر معي في حل
.......دور ..على . مخرج
وضعي معك مختل
.......ساكت ..وانا محرج

علمتك ...الحب..العظيم
.......وش لون بالله... تجهله
اقرا...ف دفترك ..القديم
.......الحل .. واقرا المسئله
اهيم ..في .حبك ..اهيم
.......والحب اكبر. . مشكله
مرات احس اني غشيم
.......مشيت درب" ما اقبله

فكر معي في حل
.......دور ..على. مخرج
وضعي معك مختل
.......ساكت.. وانا محرج


محمد الثوعي

 

[محمد علي الثوعي]

جاملت .. لكن.. مايفيد ..المجامل
لاصار من جاملت ماعنده احساس

رجل ٍ عقيم .الفكر. بالفعل .خامل
عايش حياته في متاهات وافلاس

من .باب .تحفيزه .لحسن .التعامل

الطيب .بذرة خير .والناس .للناس

قدمته .في. موقف .عزيز ٍ وشامل
علم ٍ .يشرف .فيه .رفعه .ونوماس

ادري . قليل. الحيل ماهو بصامل
عيّا. عن .المعروف والعرق دساس


محمد الثوعي

 

[محمد علي الثوعي]

قالت احبك. قلت .. ياباشة. .الغيد
ادري .. ولكن .. . مجتمعنا ..منعنا

قالت. احبك..قلت.. سور ..التقاليد
سوى.. حواجز. .. بيننا. ..وانقطعنا

في. سابق ... الايام .. كنا. .اجاويد
احباب. من نزف المشاعر ..صدعنا

عذبنا... شباك ...السهر .. بالمواعيد
ياكم ...نسولف ... ليلنا ... ماشبعنا

امالنا... مركب..سفر ..طافت.. البيد
عزم..الشباب. اللي تحدى. ودفعنا

واليوم. من كثر..العتب..والمناقيد
ماعاد..نسأل. عن. سبايب .. وجعنا

احلامنا .. شابت. .وكانت. .مواليد
والياس .. دربه...ياعيوني ...جمعنا

يمر... يوم ...العيد ... ماكنه ..العيد
وين..الفرح..والحب . ياعيد ..ضعنا


محمد الثوعي

 

[محمد علي الثوعي]

‏‎#بوح_آخر_الليل


الاصيله في عيوني مرتفع عندي شرفها
.....بنت عود ٍ من قبيله. تشعل الدنيا. حرايق

ماتحب الا العلوم اللي تشرف من عرفها
.....مامشت درب الدناسه ولاتساير كل بايق

شيخة ٍ بالعقل تحكم والتقدم ماجرفها
.....ثابته .عند .المواقف. عابره كل العوايق

‎#محمد_الثوعي

 

[محمد علي الثوعي]

يقول اللي ..تدبر ..في زمانه
..........يعبر عن.. شعوره..في بيانه
كتبت الشعر واحزاني.. كثيره
.........واغني.. من ضميري..ترجمانه
اعده كالذهب.. يعجبك. سبكه
..........جديد وخالص ٍ.عندي ضمانه
أفكر في زماني ..ويش. صاير
............تغيّر... حالنا.. ما به طمانه
يوصينا ..رسول.. الله ..محمد
..........ولا نتبع .. وصاته.. من لسانه
اشوف الجار .مايدري بجاره
..........يروح والا يجي.. كل ٍ بشانه
وابن عمي.. قطعني. ماقطعته
..........ازوره. غصب.. ما فيها .ميانه
ولو. عينه.. ضريره.. ما تبيني
..........اغض الطرف.مانرخص.مكانه
ومن يسعى.. بشر ٍ. .ما نريده
...........ولا نقبل ..كلامه ..والخيانه
يفرق بين ..الاقراب.. السعيده
..........ولد عن والده.. ينشد.. حنانه
فكم .بيت ٍ..من افعاله ..تهدم
..........حفر..للساس..معدوم. الامانه
ويبقى الطيب بين الخلق حاضر
..........وخيرالناس من قدم.حسانه



محمد الثوعي

 

[محمد علي الثوعي]

موقف استفزني فكتبت هذه الابيات بالحال!


*في خاطري لك هرجة ٍ ماتضرك*
*تنفعك لكن لا تقفّل اذانيك*

*الضيق بالدنيا مايوم ٍ يمرك*
*عايش بنعمه واحمد الرب واليك*

*لاشفت رجل ٍ حالته ماتسرك*
*لبسه قديم وعيشته ماتحاليك*

*لا تنهره وتقول يا كبر شرك*
*لاعاد اشوفك قدم عيني واربيك*

*احذر غرورك للمهالك يجرك*
*الفقر ماهو عيب والمال مطغيك*

*دنياك يابن الناس صارت تغرك*
*نسيت حالك قبل ما الله يغنيك*


*‎#محمد_الثوعي*
‎

 

[محمد علي الثوعي]

في حفل الشيخ ساعد بن عليان الفاضلي البلوي هذا المساء الجمعة ١٤٤٤/٣/١٨والذي أقامه على شرف قبيلة مطير حمران النواظر في مدينة تبوك.قصيدة المشاركة!

بسم .. رب.. الخلق.. نبدا ..ذاكرينه
.......الإله .. الفرد ..من .. ساق ..المخايل

نحمد الله ..حمد ...منهم ..شاكرينه
.......من هدا .المسلم .على فعل الفضايل

بعد.. تقدير ..الرجال .اللي ..فطينه
.......مكرمين ..الضيف ..ذربين .الفعايل

والشعر.. عن ..كل.. زله. .محتصينه
.......مارضينا ..بالخطأ ..والا. ..الهزايل

يارجال.. الطيب ...حنا. ...خابرينه
.......العرب ..تعرف ..تفاصيل ..القبايل

في. جنوب ..المملكه .والا..المدينه
.......في تبوك ..الورد ..والا بعد..حايل

شرق .. والا .غرب ..كل ٍ .. عارفينه
.......نرفع ..التقدير..في ..كل الوسايل

في .ضيافة .صاحب ..اليد .الثمينه
.......ماقصر..عن ..واجبه. للمجد طايل

ساعد ..اللي ..حر ..وعروقه متينه
.......طيّب. المنسب ومحمود الخصايل

فاضلي.. والفعل ..واضح .شايفينه
.......مركزه دايم .من .أصحاب الاوايل

من.. قبيله.. من.. زبنهم ..محتمينه
.......في .بلي ..تاريخ ..وأفعال ودلايل

بالغلا ..حمر..النواظر ....ضايفينه
.......مرحبا في .مطير .بنساب وسلايل

كم .عقيد ٍ. وسط..داره .كاسرينه
.......متعبين .الخيل .مع .صفر الاصايل

وانا من.ربع ٍ .على .الاعداء مكينه
.......من. عسير ..اللي. تأدب .كل عايل

مدركين .. الّحق ..حنا .. مدركينه
.......يا رجال.. العز ..ياعيال ..الحمايل

السفينه ..بامر... ربان .. السفينه
.......ماتهاب. الموج ..الازرق. والهوايل

اليدين. ..اللي ..تصافحنا...ثمينه
.......والقلوب.. اللي.. تعادينا ...غلايل


#محمد_الثوعي