أبو ميشو وشهرته على حساب الشباب السعودي !

[بنت السما]

( أسباب فشل الشباب السعودي 2 )

الإنسان الناجح هو اللي تـنعرض عليه الوظائف مو هو اللي يدورها - أبو ميشو .

أحس مخه منتهي تاريخه !
مدري كل هذي فضاوة .. يصور ولده وهو ياكل ويرقد كأنه في برنامج الواقع
ويسجل مقاطع صوتيه له يتمصخر على الشباب !!

آخر مقطع تكلم فيه عن الشباب السعودي وإنهم فاشلين ولازم قبل يتوظفون ياخذون خبرة !! طيب من وين يجيبون الخبرة يا باش مهندس !
أحب أقول : إن شباب السعودية أفضل منه .. لكنهم مساكين مالقوا واسطة وحصانة بنفس الوقت !!!
شخص من الطبقة المخملية يتكلم عن شباب من كل طبقات السعودية .. وكأنه عاش في كل منزل سعودي أو حتى خالط هؤلاء الشباب !
أنا فقط راح أدعي الله إن نعمته تزول حتى يحس بالآخرين .


ملحوظة / توني أعرف إن المريخ يعطي شهادات ! ..
خلااااص نويت إن شاء الله أكمل دراساتي العليا في المريخ :/

هذا الهاش تاق بتويتر : ‎#AboMish0 وماقصروا فيه الشباب p-;


من ضمن التعليقات :

-المفروض الشركات الكبيره زي ارامكو تسوي بعثه او برنامج ،،، يرسلون المتفوقين لابو ميشو يصير ابوهم كم اسبوع ،، لزوم الخبره - وليد الحوشان
-اشوا ان توزيع الأرزاق على رب العباد ولا لو عليك كان متنا من الجوع * اجل اتوظف بدون راتب عشان خبره بالوظيفه الي تبي خبره - منيرة فهد
- اذا صارت الوظايف والرواتب من حسابك الخاص تعال تكلم - ريان الحماد
- فيه شي يضحّك طال عمرك ، ولاّ الخوي قاعد يدغدغك - عبدالعزيز الحضيف

 

[نوف سعود]

هذا الرجل إما أن يكون بجانبة زجاجة ( ويسكي ) ..!
وإما أن يكون بدون عقل ويريد أن يتشدق بكليمات ..؟
/
شكراً كبيرة / خرف مبكر ..
وفي خلق الله نتأمل أكثر وأكثر ..؟!
شكري وتقديري ..

 

[بنت السما]

المشاركة الأصلية كتبت بواسطة مجدولينا

هذا الرجل إما أن يكون بجانبة زجاجة ( ويسكي ) ..!
وإما أن يكون بدون عقل ويريد أن يتشدق بكليمات ..؟
/
شكراً كبيرة / خرف مبكر ..
وفي خلق الله نتأمل أكثر وأكثر ..؟!
شكري وتقديري ..

مع إن موضوعي ما كان بالفصحى .. لكن شكرًا لكِ عزيزتي مجدولينا
اي والله صحيح نتأمل في خلق الله ..

 

[عبدالله العويمر]

مدري كيف تنظرون لكلام ابو ميشو

انا اشوفه صادق
الرجل يمارس اسقاطات ويستهتر بالانظمه والشركات واصحاب الوظائف ومطالبهم التي يطالبون فيها الشباب وعلشان كذا هو يقول لازم تجيب خبره-لأن الشركات ماسكه موال الخبره على الشباب السعودي من اجل عدم توظيفهم-
الرجل ينتقد آليات الشركات ومختلف القطاعات في التوظيف باسلوب ساخرويتكلم بلسان التجار واصحاب المناصب اللي ماعرفوا تعب الشباب السعودي سواء المبتعث او الباحث عن وظيفه بعد تخرجه داخل البيت وكيف ان رجل الاعمال يأتي بأجنبي بضعف راتب السعودي -وفي المقطع عكس الصوره من باب اياك اعني والسخريه-

اكثر من رائع في هذا المقطع الذي سمعته

 

[ميــرال]

اعجبني تفكيره كان يفضفض صح
وانتقادته صريحه وصحيحه

 

[نسرين الأحمد]

ياحليله اجل تكلم عن اسباب فشل السعوديين .. اوووماي قاد :d
والله الفشيله انه يحط ولده بكل مقطع ميشو نام ميشو اعتمر
ميشو معه لمبرقيني طيب مبروك وبعدين ؟!
المصيبه بعض الشعب اذا عرف كلمتين انقلش يالطيييف

خرف مبكر اشتقت لك

 

[روآء الروح]

كلامه سليم ومنطقي ولكن طريقتة ساذجة وسخيفة
يعني شوفوني اعرف افسر الامور محد قدي : (
اقول مع نفسك اقوووى شيء < عصبت هههههه
اللي يبي يوضح وجهة نظره في امر ما يجي ينصح ب اسلوب مستـفز وساخر
ويتمسخر ع آبناء بلده : (
سبحان الله , ولله في خلقه شؤون
شكرا خرف مبكر +)