سِلاَلهُـم،،

[خالد صالح الحربي]

ــــــــــ
نَص: الطِفل المُشاغِب لـْ رِدّة السفياني:
ـــــــــ

في سرى الطابور الأول وقّف الطفل المشاغب يفرك ايدينه ونادى:
ليه ياستاذي الكريم ارسب وانا اللي حافظ التاريخ وانشودة بلادي؟!


من بداية عامي الهجري وانا سارح وخطواتي ليا فصلى تهادى
الحقيبة في يدي اليمنى تهز وفي يدي اليسرى تفاصيل امتدادي


كل حرف تكتبه كنت اكتبه مثلك مع التشكيل دونه ماتحادى
كل ما اقلك أنا يا استاذ ثار الصف والمقعد شرب صفق الأيادي!


اعرف اقرا واعرف اكتب واعرف استثني السؤال من المنادى
اكتب اسمي واكتب اسم ابوي بعد اسمي على الترتيب ماخنت المبادي


واعرف ارسم كم رسمت اصحاب دربي في ضحى القرية من الوسمي( صرادى )
ينشدون اشعار مسعود اليتيم اللي ذراه الحب في شفة هنادي


ليه ياستاذي نجح سامي مع التقدير وانا وسامي ندادى ؟!
والوحيد الفرق ما بيني وبينه .. كنت انا ثاير وسامي كان هادي !


كنت انا الأول في رفع الصوت وأوقاتي تمر خيول واسرجها فرادى
مـ انكر إن الفجر صحيته وهزيت المدى لكن ما بعت اعتقادي


ابتهل وانوي صلاة الفجربعد الوتر واصلي وأصوم أول جمادى
وانتشي وآرتب احزاني وافتش عن طريق يردني قبة سهادي


قلت له ياطفلي المسكون باوجاع التمرد والتوسّل : لاتمادى
كل مـ استيقظت من صحو السبات الرخو سم ونام .. محظور التمادي !

 

[خالد صالح الحربي]

***
ـــــــــــــــ
نَصّ : يوم غبتي ، لـْ خَلَف الأسلمي:
ــــــــــــــ

يوم غبتي صارت الدنيا :








































.

 

[خالد صالح الحربي]

*
ـــــــــــ
نص: يا إلهي/ لــ صالح العلاوة
ــــــــــ

قلت: يمكـــن بكــره أجــمل زادنــي بكـره تشـــْوه
......... هـــذا أنا مطفــي علــى ضـّو الأوامـر والنواهـــي


هــذا أنا مصبــاح ماحــو له فـــراش يلــــم ضـْوه
........ انتــبه مــــن غفلتــــي واغفـل علـى كــثر انتباهي


الحيـــــاة بـــدون معـــــنى ضَــعف يثنينــي بقـــوْه
......... وانكــــساري والحيــــاة ابـدون معنا عذر واهــي


مــــن زمـان أعيـش مهمـل يعنــي الإهمال تــــوْه !
......... مــن زمـان وفـي عيون الناس يخـــذلني تباهــــي


ادري إن الصمت لعــــــنه لاكــن أتعـــودت جـوْه
.......... خايف اهذي واحرق اليابس والأخضر من شفاهي


يا حبيبـــي كــــل شــــيٍ تكـــــره اتســـويه ســـوْه
........ أنت لاهــــي والمــــرح ما يسكـــن إلا قـلب لاهي


لا مَـــدينتنا مِـــــدينتنا ولا الشــــــــارع تفــــــــوْه
........ عـن طموحـات البسيـط وياهـي أطموحـات ياهـي


المــروة علمتنــــي كـــــــيف أعـيش أبلا مـــروْه
....... واحـــــلم أبكــل اتجــاهات الضيـاع إلا اتجـــاهي


اللعـــاب يسيــل لهفــة والتغــاضي هـــوْه هــــوْه
...... أي وحـــدة.. أي حــــالة حـــــزن هــــاذي باإلهـي


قبــل أجــاوب من ورى قلبـــي سؤال القلب جوْة
...... تطفــــي سيجارة مـن الحيـرة ويبرد كوب شاهي


كـــــــل وقت يمـــر مُـــر.. وبينـي وبين التشـوْه
...... وقفـت كـل الوجيـــه المتخــمة شعـــر ومقـاهــي

 

[خالد صالح الحربي]

*

ـــــــــــــــــ
نَص اخضرار شاحب / للجازية :
ـــــــــــــــــ

يا بنت جاك العيد فزّي لهْ ..
________ خذي علومه .. و اكرمي نَزْلهْ ،
عدّي القصايد له و غنّي لهْ ،
________ من عام .. ماذاق العسل نحلهْ !!

من عام ..
و احساس الورى باكر ..
يحلى عن اللي كان .. ماضي له !
من عام ..
ما عاد الفرح فاكر ..
اللي عليه .. وناسي اللي .. لِهْ !
..
في ليلة ..
.. في مثل هالليلة ..
نام الأسى في محجر الجادل ..
خذ راحته غنّى مواويله ..!
________ مسجى هناها .. ما ينبّه له !
يغني عن الإيجاز .. تفصيله ..
________ ما شابه الليعات .. تشبه له !
والمحجر اللي مسبلٍ همّه ..
..... لا ما فتح فمّه .. ولا جادَل ..!

في ليلة ..
في مثل هالليلة ..
ضج السؤال .. وصاح ..
..... وش حاصل ؟!
رد الجواب .. وناح .. ياحليله ..
إمش إمش .. خلنا نشوف وش ناصل ..!
والدرب طال .. وآخر المشوار ..
الله أعلم .. وش يخبّي لهْ ..!
يا عيد عدت ويوم عدت .. آبيك ..
________ يمطر خفوقي غيثك الليلة ..
تحكين فرحة .. أو انا أحكيك ..
________ يالله بلا هَمّ و بلا نيله .. !!

في ليلة ..
.. في مثل هالليلة ..
أنا أنا .. والكحل .. والشّيلة ..
دخيلة في وجه هاك العيد ..
أقلّطه بين المحاني .. بيد ..
أوشوش " الحمد " .. وأفلّ الهم ..
الحمد لله .. ما تشيله .. إيد ..!
يا عيد يومك عدت لي يا عيد ..
لا تختزل فيني الفرح .. تكفى ..
.. ما اخترت أنا الأوجاع .. لي منفى ..
_______ بس أدري إني .. حين غرّة حزن ..
.... صحت بقهر ..
... يا صاح عزّي لهْ ..!

* ورقة قديمة
من محفوظاتي

 

[خالد صالح الحربي]

تَعرِيف اللّبَاقَة :

أيه سامحني لأني ما سرقتك للمطر يوم الجفاف : اللي سرق منك عيونك انت سامحني ومني لو تبي أني اغني : قول( غني ) يا صديقي ما ذخرت إلا ربابة صوتها يشبة قنيب الذيب في ساعة مجابه ، ما ذخرت إلا ربابة كنها واحد نخى كل القرابة ، ما ذخرت إلا ربابة كنها دعوه من أفواه الصحابة ، ما ذخرت إلا ربابة كنها تسقط وانا ( سلم موسيقي ) يا صديقي قول : سامحتك لأني ما قدرت أهضم معك حق الصداقة قول : سامحتك لاني ما خذيت إلا مغفل أزعجه يوم إنعتاقه قول : تعريف المدينه ( شخص في شارع مغفل ينتظر شيٍ يدينه ) قول تعريف الشوارع : أنها عِرْق المدينة ، وأنت في هذي المدينة ما معك إثبات واحد يثبت انك منولد وسط المدينة ! يا صديقي قول سامحتك لانك ما عطيت إلا عيونك ساعة الضيق لعيوني . قول سامحتك لأنك ما زرعت إلا التعقل يوم ارعبهم جنوني قول ما يطري فبالك ، قول للطين وعيالك أنك شويّة واحزانك كثير ، قول لطفال المدارس أنك الحارس وأحزانك مدير. تدري أصعب شي في هذي المدينه : أنك تدور ولا تلقى زبالة للأجار . تدري اصعب شي في هذي المدينة : انك تشابه ولدهم بس تعريفك (( حمار )) قول تعريف الأناقة : أنك تغازل سميرة بنت جارك في لباقة . قول تعريف الحقيقة : أني ما أسوى تضيع في وسط حزني دقيقة . قول تعريف الحروف : أنك الكاتب ويقرا لك خروف . قول تعريف التـّصوف : أني لو أركع بواشنطن أخوّف . قول تعريف الصبابة : أني البارح تعلمت الربابة ، قول ما يمكن تقوله : يا صديقي : ما بأيدينا خلقنا (( شعراء ))!

لثَامِر الحَمْدَان

 

[خالد صالح الحربي]

:
ـــــــــــــــــ
نَصّ [ جِسْم ] لـْ.. فَهَد المرسل :
ـــــــــــــــــ

تبـدأ الأرض تّهـاوى فـي جحـيـم الرغـبـة
ـــــــــ وتصطبغ وجنات هـذي المنطقـه بالأحمـر

يهمس الشيطان بلسان المسـا : لا تأبـه!
ــــــــ كلنا - فـي لحظـةٍ مـا - نعشـق المستعمـر

اجلسـي جنبـي هنـا يــا قطـتـي المرتعـبـه
ـــــــــــ امضغي شيّ من الهامي المريض الأسمر

كل يوم يموت جسم لي واجـي مـن عقبـه
ـــــــــ اخلـق الاشيـا واسميهـا علـى مـا تضـمـر

ابعثينـي فــي ربــوع الـلاوجـود الخصـبـه
ــــــــ ابـنـي العـالـم مــن الـلاشـئ حـتـى يـثـمـر

واغمضي عينك .. لعلي ما احـس بغربـة
ــــــــــ واغرسي مخلبك في قلـب الظـلام المقمـر

قولـي انـي شاعـرٍ مجنـون يقضـي نحـبـه
ـــــــــ وان نفسـي رغـم هــذا فاعـلـه مــا تـؤمـر

آه لا تـأبـه عـزيـزي بالـسـمـا .. لا تـأبــه
ــــــــ كلنـا فــي لحـظـةٍ مــا نعـشـق المستعـمـر

 

[خالد صالح الحربي]

ـــــــــــــــ
نَصّ [ طَنَا يَا عَبْس ] ، لـْ..مسَاعَد الرّشِيدي :
ـــــــــــــــ

ادخل على الله واسلم الامر تسليم
ـــــــ واستغفره واستذكره واستميحه

وضح النوايا والمساري مجاهيم
ـــــــ والحلم غالي واليالي شحيحة

سادت مفاهيمٍ وبادت مفاهيم
ـــــــ ويح الزمن يابنت الاجواد ويحه!

خلّي علوم أممسّسين المرازيم
ـــــــ واخذي علوم مصمصمين القريحة

حنّا طنايا عبس يامذير الريم
ـــــــ حنّا مقابيس الوغى يامليحة

حنا سلايل قاسم الخيل و دليم
ـــــــ وزعاتنا يوم المكايد : رجيحة

بدوٍ حفايا مَـ..انصفتنا المقاسيم
ـــــــ و بصدورنا عزٍّ تطارخ فحيحه

نرعى رفيق البرق في ساقة الغيم
ـــــــ ومن يستبيح حدودنا مانبيحه

وِ لـْ ياترع في هرجته دَفْش وبْهيم
ـــــــ خطو الهبود اللي تكابر فطيحه

عن ساقط الهرجة نطق الملاطيم
ـــــــ ومن طاح فيها مارحمنا مطيحه

نكبر عن الطفسة ونجزع من الضيم
ـــــــ و نموووت ما ناطا شليل الفضيحة

نزوم زومات الرجال المحاشيم
ـــــــ و نهدّ هَدّات النمور الجريحة

ربع على درّ المنايا : مفاطيم
ـــــــ من هازنا زاغت عجوزه تصيحه

الـ..يَا تغشلينا عسير الشغاميم
ـــــــ لومك على اللي مايبرهن مديحه

وإن لولشنّْ مْحشمات الملاثيم
ـــــــ والموت حثرب بالحناجر ضبيحه

جينا من اقصانا سحابٍ مراديم
ـــــــ كلٍّ يذكّي حروتة عن نطيحه

يازين دَحّ قفوشنا له ترانيم
ـــــــ والعَجّ واقف والفعايل صريحه

كان المنايا سوقها مابعد سيم
ـــــــ والخوف برّك بالقلوب الكسيحة

حنّا زباينها عليّ الملازيم
ـــــــ علمٍ يقرّيه النصيح لنصيحه

واللي بنى بيته نبيّه ابراهيم
ـــــــ إنّا طريق المستميت لضريحه

بني رشيد ان عَتّم الجَوّ تعتيم
ـــــــ ماللردى فينا ملامح وْ لِيحه

أجسر من الرعاد واكرم من الديم
ــــــ سُمر الجباه اهل الوجيه الفليحة

خويّنا نقريه عِزّة وتحشيم
ـــــــ دخيلنا دونه عن الموت صيحة

يابنت ما حنّا فقارا معاديم
ـــــــ لو ما سكنّا بالقصور الفسيحة

تجّار لو حاشت يدينا ملاليم
ـــــــ وِ مْن الغناة قلوبنا مستريحة

ما نستضيق ليا لفونا معازيم
ـــــــ للضيف لونذبح حدينا ذبيحة

دايم ايدينا للعطايا مواليم
ــــــ لا خانت الفزعة وجيهٍ كليحة

طال القريض وْ مِقبل الودّ ومْقيم
ـــــــ والبال عيّا طارقه لا يريحه

اقولها وابصم على القول تبصيم
ـــــــ والعلم بين زايفه من صحيحه

ماهو قصورٍ بالحرار الصماصيم
ـــــــ كلٍّ بدرب العز كِدْ هب ريحه

مدحي لربعي مايذم الأكاريم
ـــــــ ولا يستشك الا خبيث الشريحة

والحق واضح للرجال المفاهيم
ـــــــ والحقد يخرث بالنفوس القبيحة

والشر من جيّة معزّي و هو نَيْم
ـــــــ واليوم وحدة والشريعة سميحة

*
تَمّ المجيء بهذا النّص تحديداً / لسببين :
الأوّل لكمّيّة الشِّعر الّتي فيه ، رغم أنّهُ يبدو تقليديّاً للوهلة الأولى ،
ولكنّهُ مساعد الرشيدي إذْ يَكْتُب .. يا ذوّيقَة الشِّعْر الحقيقي .
والثّاني أنّي وجدتهُ في أحد المنتديات منقول بـ 34 خَطأ إملائي !!

 

[خالد صالح الحربي]

ــــــــــــــــــــــ
نَصّ [ لَمْيَا ] ، لـْ..إبراهيم السَّمحَان :
ــــــــــــــــــــــ

لميا .. وتنشا العاصفه ، لميا .. ويتحـرك سكـون
ـــــــ وتنشق وسطـه سكـة طـول اجتـلادي طولهـا
لميا .. ويارمح ترك فـي خاصـرة حلمـي طعـون
ـــــــ من كلمـة عنـي سترهـا قلـت : تكفـى قولهـا
لميا .. وتصورت السنابل لـو تضلـع وش تكـون
ـــــــ لميـا لقيـت ان السنـابـل تجتويـهـا حقولـهـا
لميا .. زهر يشرب نهر . لميا .. قدر ، لميا .. جنون
ـــــــ لميـا .. بحـار يشتكـي مجهولـهـا مجهولـهـا
لميـا .. وللريـح اتجـاهـات تمـهـد للطـعـون
ـــــــ لـو تلتقـي .. ذبـت ركـاب القافلـة محمولـهـا
لميـا .. ويافنـانـة بيدينـهـا العـالـم فـنـون
ــــــ تكتـب وترسـم وان تغنـت كلهـم يصغـوا لهـا
لميا .. غريبه تهدي عيونـه وينبـت لـه عيـون
ـــــــ لميا .. وتهديهـا لمـن يعنـوا لهـا يبكـوا لهـا
لميا .. وياعصفورة تنقـر علـى المهجـه بهـون
ـــــــ تدخـل تطيـر ولا لهـا حاجـه بمشـي رجولهـا
لميا .. مساحه للسهر .. لميـا ظنـون مـا تخـون
ــــــ من عقلها .. تحقر جميـع أهـل العقـول عقولهـا
لميا .. واذا هب الشتا تنفـر مثـل صـدر حنـون
ـــــــ وتطعمـك مـن صـوت ينسـي معدتـك ماكولهـا
لميا .. ويابسمة ربيـع غـادرت سجـن السنـون
ـــــــ واستنفرت لـه واجـم الواحـات هـي ودغولهـا
لميا .. ولو كـل كتـب ، لميـا .. محـال يكتبـون
ـــــــ انتـي معـان تبهـر اللـي يقتـرب مـن حولهـا