رسـائـل لـ لـ يـاسـمـيـنـة

[صالح العرجان]

يابنـت ياللـي مالـك أشبـاه ياللـي
مكاحلـك سـودا ورمشينـك طــوال

و وجهك بشوش وحاجبـك مسفهلـي
وخصرك نحيل وقـدك أهيـف وميـال

وعنقـك طويـل ونافـر ومستقـلـي
وصدرك هنا فنجـال وهنـاك فنجـال

وسوالفـك معهـا البشايـر تهـلـي
اعذب من النسمات واطيب من الفـال

وطبايعـك لايابعـد كـل مـن لــي
احلى من احلى شي يطري على البـال

اطهر من القلـب الخشـوع المصلـي
واصدق من الضحكه على وجيه الاطفال

فنتـة حـلا مافيـك شــيٍ يمـلـي
من جرتـك فـالارض لا حبـة الخـال

ويقـي مـن رواق الحنايـا وطـلـي
علـى مكـانٍ مانـزل فـيـه نــزال

ضلـعٍ يرحـب بـك وضلـعٍ يهـلـي
تربعـي وسطـه مـن الجـال للجـال







من الجااااااااااال للجااااااااااااااال ؟!!

 

[صالح العرجان]

،،


من دقــّـق .. بعقدة . حجاجي .. تهجاك
يــا قلب .. عن عين الملامه . حميتك

تدري : وش اللي ... صار من بعد فرقاك ؟!
حتى المرايه .. حين اجيها .... لقيتك !!


ما صار .. صار .. وكــل ما صار .. يفداك
ارجع لـ قلبي .. لا .. أرجع .. لـــ بيتك

 

[صالح العرجان]

حبيبتي .. وشلون .. اصبحك .. بالخير
وانتي.. صباح. الخير والخير كله

صبح الندى والعشب والغصن والطير
صبح الغيوم..اللي علينا..مطله

انتي صباحات السعد والتباشير
على وجيه<ن>بالرضا مسفهله

دامك صباحي وين ما اروح واسير
والله ما ادور فوق راسي مظله

جيتي ووقفت لك ضلوعي جماهير
يتل منها شوقي اللي يتلَه

وما دام جيتني فانا حالي بخير
لو كان جرحي ما استرته الاجله

جيتك هذي غير .. وإنتي بعد غير
جيتك مثل الوسم لا جاك حله

تزهر بها قيعان قلب مداهير
وترد معها روح خل<ن> لخلـه

يا مرحبا يا اغلى واعز المسايير
واغلى المشاعر بيت اهلها تدله

عروق قلبي لك دلال<ن>مباهير
صبيتها ... دله ... ودله ... ودله

تربعي بين الحشا والازارير
واخذي على..ترويقة البال.. فله

والا اصبري بطير القلب تطيير
وانتي تعالي واجلسي.. في محلَه

سقت الغلا لك والنويا مغاتير
ولا همني .. حقد القلوب .. المغلَه

مدري صباح الخير والا مسا الخير
مير الوكاد .. فوجهك الخير .. كلّه

 

[صالح العرجان]

انا لو مر يوم .. فيه ما قلت اعشقك .. واهوااااك

احس اني جحود لخالقي .. في نعمة .. شفاااهي ؟!

 

[صالح العرجان]

اقبلت ياوجه الغـلا .. حـيّ هالـزّول
زول ٍ تغيب عبـاد ربّـي ليـا غـاب


تطلع طلوع سهيل مـن حـول لا حـول
وتشّخص لك عيون .. وتلافت لك أرقاب


ومن يوم جيت الله وكيلك على iiطـول
سلامك عتاب وسواليفك عتـاب


طوّل علي بالك عسـا عمـرك يطـول
ماكل موقـف تنشـرح فيـه الاسبـاب


عطني يدينـك وأنثـر الليـل مجـدول
خلّه يطير أسراب .. ويعـوّد أسـراب


وأضحك وفرّق جمرتينك عـن اللـول
بفتح لك سموعي قبل ما افتـح البـاب


خمر الكلام اللي من شفـاك معسـول
أبيه يـدرج فـي عروقـي وينسـاب


سوالفك فيهـا مـن السحـر مفعـول
تأثيرها علـى الجـوارح والاعصـاب


بأملا عيوني مـن تهايـاك وأقـول
ياوجه صبـح ٍ لبّـس الليـل جلبـاب


عذر القصيد إليا قصر عنـك مقبـول
أوصافك أكبر من مدى شعـر وإعجـاب


عـودك معـزّل ومتنهّـض ومفتـول
اليا تعـدّل رمـح واليـا انحنـى داب


ومعنّقـك فـارع و زامـي ومنـتـول
وصدرك جمـع مالـذ كلّـه ماطـاب


وسودك طلايع قوم وسيـوف وخيـول
خيّالها يـارد علـى المـوت ماهـاب


ايّووووه من صحوة هدبها ويحّووووول
وإن سلّهمت ( هذا بلا ابوك ياعقاب )


قريـب لكنّـك بعيـدٍ عـن الـنـول
وا حر كبـدي حـرّة الظـن لاخـاب


ماكـل مجـدٍ يبلـغ المـرء معـقـول
اللي ماجاب حصان أبو زيد وش iiجاب


من لا جمع راسك براسه علـى iiطـول
والا يقضّـي تالـي العمـر iiعــزّاب

 

[صالح العرجان]

،،








كيف ألبـي .. نـداءك .. والطـواري خنـاق
دلّنـي كيـف اجيلـك بـس بأقـرب طريـق

أنوّر .. الـدرب قدامـي تـرى الصبـر شـاق
والله انـي لأجيلـك .. يـا العـذاب الرقـيـق

لي متـى والغـلا ينبـض .. وسيـره معـاق
والعيـون أتلفـت .. والمسـاحـه تضـيـق

ودي .. اعطيك .. قلب ٍ لـك شعـوره سبـاق
جاك يقـذف .. عتابـه .. يشبـه المنجنيـق

كـان تبغـى العواطـف دمهـا .. مـا يـراق
لمّع اشواق قلبـك .. ليـن يعـزف .. بريـق

البدر : فـي شعـوره مـا يجيلـك .. محـاق
لا شمـت مـن ينقّنـق .. وعـذلـه نعـيـق

يـا وصـال ٍ حقيقـي .. يـا حقيقـي فـراق
ليتك .. بوسـط قلبـي .. لـو ثوانـي تويـق

انفتـح كـل بـاب .. ولا يضيـق الخـنـاق
وانت قشطه .. وانا صافي لبن .. وش يعيق ؟!

راحة الجسـم .. ابـدااا .. مـن ألـذ المـذاق
وطالما .. جينا .. لـراحه .. فالبقيه .. حريق

ابك . لولا .. الثقه صرنا اغتصاب .. وطقـاق
قم .. وخلي خفوقك .. في خفوقـي .. لصيـق

دلّني كيـف أجيلـك .. والصبـر مـا يطـاق
لا نموت بضما .. والبير .. (( ميّه )) .. دفيق

جيـت اقـود الرجـا .. مـدام فيـه أتـفـاق
والنصيب الله يقـوده .. بالجـواب .. الدقيـق

وان وصلتك .. غـرام ٍ ضمنـي فـي عنـاق
خلّني وسـط حضنـك .. مـن عذابـي أفيـق

دلّني كيـف اجيلـك .. والمشاعـر .. وفـاق
دلّني .. لا تماري .. بس بأقـرب طريـق .!!

 

[صالح العرجان]

،،







عساك فـي صحـة وفـي خيـر ساكـن
وياليت مـن غيبوبـة الصـد لـي فقـت

اشــواق حـبـك بالمحـانـي تـراكـن
وانا يـا قلبـي فـي غرامـك .. تطوقـت

يا وجه منـه أفـواه الاعجـاب .. لاكـن
كل ما أتذكر .. طلّتـك بالحيـا .. ضقـت

لا جيتـك أصـوات ٍ بالاشـواق حـاكـن
وامزح معـاك شـوّي .. وألقـاك عرقـت

اليـوم : امّـد الوصـل والشـوق ماكـن
وألقاك .. من ظرفـك بصـدك .. تعمقـت

ليـن الغيـاب المّـر .. منّـا .. تماكـن
وأشوف غيرك .. وأعذر القلب .. لا أشتقت

حتـى الصبـاح بغيبتـك لــون داكــن
هل تعلم اني مـع.. ضروفـك .. توهقـت

شـف زحمـة همومـك بقلبـي تشاكـن
وشفني .. على طاري لقانـا .. تشفقـت

أغفا .. على وصلـك بالاشـواق .. لكـن
أفيق فـي بعـدك .. وياليـت مـا فقـت

غيرك .. غيابـه مـا يحـرك .. سواكـن
وانت بغيابـه .. ينكسـر غالـب الوقـت

 

[صالح العرجان]

،،





جاني مثل نفحـت عطـر .. ونتشابـي
بلثامة الموت الحمـر .. شفـت لونـه

كنـه يبـت بصمـت عينـه عـذابـي
وانـا اتحـرى بيـن ليـنـه وهـونـه

من زود حسنـه .. والحيـا الانسيابـي
(( مـنـغّــل )) جواله على ((هـات فونـه ))

ابّـي .. ولكـن غيـر طلتـه .. مابـي
حينه .. سلبني .. بس من باب ... مونه

فاتن وحبـه .. مـن سريتـه سرابـي
معه .. عرفت اصل التعامـل .. مرونـه

شرّعـت لقدومـه .. بالاشـواق بابـي
واقبـل بثـورات التـرف .. والليونـه

من فتـش بحبـه .. جميـع المخابـي
عشته غرام ٍ .. كـان فاضـح سكونـه

غنا .. حضوري داخله فـي .. غيابـي
لكن : حضـوره روعتـه فـي جنونـه

صد .. وتركني .. للحزن .. وأكتئابـي
وانا ادري .. ان ظروف وقته .. تخونه


ليته .. درى في غيبته .. وش جرابـي
وشلون .. راسي قام ينكـر .. متونـه


هذي يا ابو عذبي .. طقوس اغترابـي
في من عزفني .. للغلا .. فـي لحونـه