[ رَصدُ حلقات برنامج شاعر المليون ] :

[المنبر]

[ [blink]مُقتطفات ضوئيِّة[/blink] ]



* في هذه الجولة لوحظ وجود عدد من نجوم الساحة المعروفين مثل :
(مساعد العازمي , مبارك الحجيلان , مشعان الرخيمي , ذعار الديري , صالح جزا الحربي , محمد صالح العتيبي ,شهاب الأحمد ,مشعل الغريب , أحمد الصانع , فايز حروش )
مؤكدين بذلك دخولهم في منافسة الحصول على اللقب ,



* ولاء عوّاد ، بعد أن انتقدت برنامج شاعر المليون بشدة كانت [ أول ] متسابقي النسخه الثالثة دخولاً على لجنة التحكيم
وأجازتها بالإجماع , وَ [ آخر ] الشعراء الذين إلتقتهم اللجنة في هذه الجولة
هو الشاعر والإعلامي : ثامر حمدان ,



* صرّح عضو اللجنة [ سلطان العميمي ] بنجاح هذه الجولة حيثُّ قال :
’’الحمدلله ، فقد كانت الجولة ناجحة بكل المقاييس وتقدّم لنا مجموعة كبيرة من الشعراء وعدد كبير من المجازين أيضاً كان المستوى الشعري
مرتفع جداً من المواهب الشعرية التي قابلناها وأغلبها غير معروف على الساحة الشعبية’’

 

[ناصر حطاب الدهمشي]

المشاركة الأصلية كتبت بواسطة جُمان

عودة للحلقات التسجيلية ..

تميزت [ جولة الكويت ] في هذا الموسم عن الموسم الماضي بالحضور الشعري
الجميل ..
وبدأت الحلقة بمُشاركة ولاء عواد .. بعد مشاركتين غيرمُجازة في المواسم الماضية
مستوى النص أقل من عادي و مباشر وموضوعه مُستهلك _ تمت إجازتها _

بدر مفرّح الظمني :
نص سلس وبسيط وإلقاء الشاعر عذب ../
ربما كون والده أيضاً شاعر معروف يدعمه ذلك إعلامياً _ مُجاز _

فيصل العتيبي ..
نصّ جَميل ومُترابط .. القاؤه أيضاً جميل _ تمّت إجازته _

سعد بن زبن الخلاوي :
مُدهش في حضوره ونصوصه كما هو المُتوقع منه مليء بالشعر ../
القاؤه رائع جداً يُرغِمك على الولوج معه في النّص
قصيدته رائعة على بحر مُختلف _ مُجاز _

كمال عيد حنفي :
قصيدة من الشعر العامي المصري لا تنطبِق عليها شُروط الشعر النبطي [ كما ذكر الدكتور غسان ] _ غير مُجاز _

علي اليامي :
سبق وأن شارك في الموسِم الثاني وحدثت بينه وبين بدر صفوق مشادة كلامية
ورغم ذلك عاود المُشاركة ../ نصّه جميل .. القاؤه عادي _ مُجاز _

مطلق الحريبي :
ركّز في نصه على الغرض الشعري وبعض المفردات مما ساعدة على التأهل لما قبل الـ 48 ../
أما مستوى النص عادي قريب للمباشرة قليل الشاعرية _ مُجاز _

عبد العزيز الهاجري :
نص عذب وإلقاء مناسب للنص _ مُجاز _

لافي ذباح :
نص مُتدفّق شعراً ../ التقاطات تصويرية رائعة وعذوبة متناهية ..
القاؤه مُتناغم مع النص
ومن وجهة نظري ان ملاحظة تركي المريخي لم تكُون في محلها في أن القاؤه ظلم النّص _ مُجاز _

ثاني الدهمشي :
مشارك للمرة الثانية في البرنامج ../ القصيدة جميلة والقاؤة رائع جداً أضفى حس جميل للنص _ مُجاز _

صلاح العرجاني :
قصيدة جميلة ممتلِئة بالشعر رغم حداثة سنّه ../ القاؤه هاديء وجميل _ مُجاز _

مساعد بن جبرين العازمي :
شاعر مُحاورة .. تقدم بنص عادي
_ من وجهة نظري _ رُبما يتأهل للـ 48 لأجل شلاته _ مُجاز _

عبد الله الهذال :
سبق وأن شارك في الموسم الماضي .. قصيدتهُ مُحلّقة ../ تفاعل مع النَّص بشكل جميل _ مُجاز _

مشعل بن دهيم :
حضوره رائع ../ قدم نص مدهش جداً [ شعر حقيقي ]../ وكثافته الشعرية عالية
إلقاءهُ مُحلّق وجميل جداً ../ ومناسب للنص _ مُجاز _


حمد عايد :قصيدة رائعة ../ وشفافه جداً .. القاؤهُ أضفى لها بُعداً جمالياً عالياً ممتليء بالاحساس _ مُجاز _

سالم بن حصين :
نصّه جميل جداً ../ القاؤه عادي .. _ مُجاز _


عساف التومي :
حضوره جميل ../ نصهُ رائع وشاعري .. تفاعل مع النص بشكل جميل والقاؤه مميز _ مُجاز _


طامي الظفيري :
أبيات ركيكة مختلة الوزن والقافية _ مُجاز عن الخاطر _


مرزوق العتيبي :
فكرة النّص رائعة .. وصوره عذبة لأبعد حد / متمكن جداً _ مُجاز _


.

.

100%100

سالم بن حصين :
نصّه جميل جداً ../ القاؤه عادي .. _ مُجاز _
الرائعة جُمان .. تصدقين إن هالشاعر هو أصدق و أعذب إلقاء . ركزِ على نبرة صوته وإنسجامها مع إيماءات رأسه مع كل شطر يقوله , راح تقتنعين بكلامي .. .. والله شاعر مو هيّن ..
تحليلك للبقيّة رائع و في محلِّه ..
.
.
ناصر الدهمشي

 

[جُمان]

نصُوص الشُّعراء ../ [ مَكتُوبة ]




ولاء عواد

بسم المولى الحق العادل .. خالقنا وخالق هالكون
جيت وطه بين عيوني .. صلي وسلم على المختار

جمهور الدنيا جمهوري .. بأمجادك زايد يزهون
ولعيون محمد بن زايد .. راح نوقف ونطش أزهار

وللشيخة والام الدولة .. خـفاق دايم مـرهون
بنت مبارك بس لعيونك .. حطيت بقلبي إنذار

جيت أتحدى كل الساحة .. وأعطيهم مني عربون
جيت أتحدى شاعر شاعر .. وبراسي للجن أسحار






بدر مفرّح الظمني
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كيف أموتك جرح وأحيابك جروح=كيف ألمك شوق وأرجع أنثرك
كيف أصور للجسد نزعات روح=كيف أنامك ليل وأرجع أسهرك
المحاجر من لها ملح يفوح= والحنايا قوتها من سكرك
عجزت أفواه السوالف لا تبوح= تلبس أيامي محاسن مظهرك
نامت عيون القصايد وين أروح= الحناجر صوتها مايعذرك
كل ماحسيت بأطيافك تلوح=في شتات العمر قلت أدورك
يعني أشياك تغني للوضوح=ياسنين الوقت كيف أصورك
الجنون يحدني أهدم صروح= وأترك العالم وأنام بمحجرك
وانثتني في صمت آهاتي وأنوح =وارتمي بأحضان وقتي وأشكرك
الذنوب أخوان وأيامك تروح= طشها للريح من خلف ظهرك
كان موتك جرحك أحيابك جروح =.. وأجمعك في شوق وأرجع أنثرك[/POEM]






فيصل العتيبي[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياقلب صبرك عليه وجنب دروبه .. =الرحلة اللي تذلك مالها داعي
خل المسافة دخيلك كلها دوبه .. =وأعرف مقامك مكانك داخل أضلاعي
وضلوعك العوج مع شرواك مهيوبة .. =خابرك وقت المواقف تحرق أوجاعي
وإن رحت في الدرب هذي فيك محسوبة .. =لا انته بقلبي وأنا ماأجيك فزاعي
أدري بعانق على فرقاك غيبوبة .. =بس اعترفلك عنيد وبالفكر واعي
كرامة النفس فيها ذوق وعذوبة .. =صنت الكرامة وأنا مجبور بأطباعي
إن كان عادي تذل القلب رعبوبه .. =ماهي غريبة يصير القلب تباعي[/POEM]






سعد بن زبن الخلاوي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كل مااجتاح اعصار السواد .. =دربي و جافت الحيلة يدي ..
إن زعلت وتخيرت البعاد= .. اعتق الدمع لا صرت وحدي ..
يانديمي ماهي كبوة جواد .. =صدتك يوم كنت بمفردي ..
تلبس المرجلة ثوب الحداد .. =لا تردى رجل ماهو ردي ..
الندم بدد أيام الرقاد .. =لحظة ملامس الجرح الندي ..
مرت الذكريات وطيف هاد .. =عمق بهوت الحزن المدي ..
صحت وينك غدى عزمي رماد .. =وأنت درعي وحد مهندي ..
كان قبل اللحد عقب المهاد .. =صوتك رياح وخيول تعدي ..[/POEM]


.

.

 

[جُمان]

علي اليامي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للمعاني والمباديء في ذهون العاقلين .. =مثل ساس ينصبونه حافر قاع الصخر
خصنا رب العبادة في وجوده مسلمين .. =في دعاء الرب ندعي مؤمنين بالقدر
من عصور الجاهلية لين وقت الصالحين .. =كم وكم باللي جحد ربه وغرقه البحر
كم وكم واحد عصى واستحوذوبه ضالمين .. =جره إبليس برداته في نزول المنحدر
أشهد إن اللي خلقنا لا إله إلا المعين .. =وأشهد إن محمد مرسل نبي وإقتدر[/POEM]






مطلق الحريبي[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قبل أمس شفت سهيل مع طلعة النور .. =يلعج بنوره والنهار يغدي به
متوهج وجهه جواهر وبلور .. =وبريق عينه للسحاب العزيبة
مقدارا شبر مرتفع فوق ويغور .. =عن الوتد والليل قام يعدي به
كن النجوم إليا ظهر در منثور .. =وكلن يبشر في طلوعه رقيبه
والأرض مالت عن سنا الشمس بمتور .. =فصل جديد للخريف وحسيبه
ومد الظلال وروح الليل مسرور .. =استبشرت عين الحبيب لحبيبه
وإن لاحت العوا مع الصبح بسفور .. =والفرغ لا حل الفجر في مغيبه
تلقى الثريا بالعشا بكر وحضور .. =وإكليلها وإن شرقت بـتغريبه
هب البراد وبشر الوسم بعبور .. =غر المزون الممطرات لشعيبه

[/POEM]







عبد العزيز الهاجري
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مشاعرتس يالنفس الرقيقة لاجات ارتاع .. =من الهول لاشفت الشواريد طواعه
يادفع البلاء مدتك يا ملهم الملتاع .. =لا دفت مابين الحدب أطباع طباعه
محلي بنفسي لاطرقت القصيدة ساع .. =سوا سابح الغبة والامواج هجاعة
اجمع من الجوهر ولوله مكان إبداع .. =وأعقد معاها الوجد والفجع وأوجاعه
وألبسك ياسيد الغنادير تحت قناع .. =عقود القصيد اللي زهى الجيد وتلاعه
نتايج هجوس دكة الفكر حتى انصاع .. =لا تستغرب أكتب واحسب الطرش سماعه
من الواقع اللي فيه لمح الخيال أوقاع .. =حكاية وحيد هبهب الريح بشراعه
ياريح الثريا زتي أعماس روح صداع .. =أحس بخفوقتس وأرقب الجوز لماعه[/POEM]






لافي ذباح[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مبطي وأنا أدور إلها الحزن سبة .. =ولا لقيت لعسر الأيام تفسير
عشان أذري فرحتي عن مهبة ..=والا أقول إنه جناحي وأنا طير
الحزن مثل الماء لو إني أبشبه .. =والموت بير وكلنا وارد البير
والعمر دلو والرشا بيد ربه .. =إليا انفلت العمر يصبح على خير
مانشف ريقي وبضلوعي مصبه .. =ولا ضميت وراوي دمعي يصير
ويا كثر ماورد بصدري تنبه .. =مسقيه حزن وباذرته المقادير
والشعر كان لجرح الأحزان طبه.. =ياما غرس في مهجة الحزن نوير
هو سلوتي وارتاح فيه وأحبه .. =وألقى معه لفراق همي تباشير
لولاه كان اللي بقالي لا أكبه .. =وأعاف دنياً كل أبوها مخاسير[/POEM]

.

.

 

[جُمان]

ثاني الدهمشي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بسمتك شمس وغشت بسمتك بعض الغيوم .. =وصيرت عيني رياح وعنك أزحتها
وركزت فيك ولقيت آثار مسح الكموم .. =وحلًفت رمشك دموعك ليه مرجحتها
قال: ان عينك تفرغ آه قلب مهموم .. =اتخذت أحزانه ضلوعك لأجل نحتها
أقول: قم والعن الشيطان جعلك تدوم ..=احزنت الاحباب والانذال فرحتها
حتى الغبي عايش الاوضاع.. وانت محشوم .. =دنياك من عينك المفروض طيحتها
من صار الابداع ينصف بعد حب الخشوم .. =اغسل يدك من يدين بصدق صافحتها
خلك معي واسمع علومي وكب العلوم .. =اللي رفضت اتجاهلها ولا اصلحتها
ابك انت في كوم والعالم بأسره بكوم .. =الفلسفة بالشعر لولاك ما اجتحتها
كن قبلك الجفن فوق العين بيت مهدوم .. =ومن جيت كنك بأصابع يدك فتحتها
كسبت اجر في هيام قلوب ناس ٍتحوم .. =حولي ومن كثرة التفكير ريحتها
مشاعري بك تمسيني قبل لا تقوم .. =وانا من اقعد على طاريك صبحتها
كن القصايد تصير بويت ماله لزوم .. =لاصارت بغيرك ولو ايش نقحتها
ايه ابتسم وارجع لـ ليلي بريق النجوم .. =شف كيف الاخطاء من بسمتك صححتها
فنجال أرشف غلاتك منه في كل يوم .. =من دلة ٍفوق جمر الحب فوحتها
الله لا يحرمني هالفنجال.. وعلى العموم .. =اسمع خلاصة كثير امور وضحتها
ما دامت الارض تحتي لاتشيل الهموم .. =تدري متى تشيلها؟ لا صرت أنا تحتها[/POEM]






صلاح العرجاني
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هذا القلم/آلة حـزن تعـزف حـروف .. =وهذا الحبر/خمـر الـورق والمعانـي
حبيبتي وان شفتـي أقلامـي وقـوف .. =لا تحسبين إن أعـذب الشعـر جانـي
حتى الشعر تعترضه أحيانـا ظـروف .. =ويمـر فـي قلبـي وينسـى لسانـي
جيت أوصفك ماتت تحت رجلك وصوف .. =جيت أنطقـك راح الكـلام وعصانـي
حبيبتـي والليل/شمـاعـة طـيـوف .. =عليـه علّقـت الأمــل والأمـانـي
أتذكرك والبـرد ووشاحـك الصـوف .. =كم كنت محتاجك وكـم كنـت أعانـي
وأتذكـرك والحيـرة تحايـل الخـوف .. =كـم كنـت خايـف لا يقصّـر حنانـي
كنتي/وأنا/والعشق/والجـو محـفـوف .. =ما زاد عنـا غيـر صمـت المبانـي
كان السهر طربـان والليـل مكسـوف .. =وكان الحكـي مـن شفتينـك أغانـي
في الليلة اللي بدرها صابـه اخسـوف .. =كنتـي هـديـه للسـمـا والمـوانـي
طرتـي مكانه/وأقبـل الغيـم ملهـوف .. =يبـي يضمـك بـس نـورك أنـانـي
وأنا مثل هالغيم مـن حولـك آطـوف .. =بغيـت أضمـك بـس عيـا زمـانـي
نضحك حزن/ونشوف/ونصد/ونشـوف . =ونضيق/والضيقـه سجينـة محـانـي
ما فيه داعي نسمـع أعـذار وحلـوف .. =مـا دام مـا نقـدر نعيـد الثـوانـي
أنتـي رحلتـي دون تلويحـة كفـوف .. =وأنـا رحلـت بـدون قلب/وأمانـي ![/POEM]







مساعد بن جبرين[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يارسول الصمت ليه صار الصمت عادة .. =عند من يضحك له التاريخ يعصور قديمة
مالنا عن صاحب الكلمة من الوقت استفادة .. =لو نبي نعطي عطانا ماخذينا فيه قيمة
عالج المرضان حتى خاب ظنه بالعيادة .. =قال عالجت البدن لاشك غاياتي سليمة
وانتهى صيفة وذعذع له من الغربي براده .. =ماكسب من حظه العاثر صواب ولا جريمة
شايفن هامة سلالة عز تخضع للسيادة .. =ياكبر شرهة زمان أول وياكبر الظليمة[/POEM]







عبد الله الهذال
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا تسب الغيم وإن عدى زروعك .. =دون مايمطر شكر ويجي لكرمك
لو عصرت الغيم ماشحت جذوعك .. =وأنت جالس تنتظر إنصاف وسمك
لا تقول اللي بذرته قوت جوعك .. =كان أدري كان من دمك ولحمك
وأدري إنك كنت تفلح في ضلوعك .. =وأدري وأدري ولكن كل زعمك
مايرد اللي مضى أحذر وقوعك .. =من على سفح الحزن لشعاب وهمك
ضاع موسم بس من خالص خشوعك .. =له أجر جهدك ويكفي ذاك حتمك
لا تبرر كيف يقنعني رجوعك .. =قبل مايلمع بجيد الليل نجمك
وين عزمك السماء ترفض طلوعك .. =أسألك جاوب وين عزمك
العذر مهما بلغ وأقنع جموعك .. =كيف تقنع به طموحاتك وسلمك
" كان حلمك ينتظرك تبوس كوعك .. =إكسره بيدك وبوسه لأجل حلمك [/POEM]

.

.

 

[جُمان]

مشعل دهيم
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يضيع بدفتري شعري..واضيع بزحمة الافكار .. =ادورني ولا القاني وادوربي ولاالقابي
واحس اني تعبت ولالقيت لها الغياب اعذار .. =يجملني مع منهو يبيله عذر لغيابــــي
وجيتك يامحمدجرح.. انبت لو نزفت اشعـار .. =(جيتك كيف ماادري ولكن جيت)واقرابي
قصايدنا غدت حنطه..تسولف للرحى اسرار .. =وتنور الزمن يحرق رغيف الشاعرالصابي
اناادري هالزمن يرفض.. مثل(ياكليب شب النار) .. =لانه مو زمن ( شب وحطبها يمك ايجابــي)
قرف كل القصيد اللي.. سمعة ف.جلسة السمار .. =ترف كل القصيد اللي حكولي عنه اصحابي
ابسأل ليه مانكتب.. (نشيد الصبح)للأحرار .. =ابسأل ليه ماننسى قصيدة(غابوااحبابي)
شف الأبطال اطفال.. بنادقهم صبر واحجار .. =عسى فيهم(صلاح الدين) يغسل فدمه ترابي
عزاي ف.أمة تنبت.. مع الزمن ثــــوار .. =وعزاي فأمة ارقى بها وارقى وترقابي
بعد هذا احس اني.. تعبت ولالقيت اعذار .. =تبرر مدة غيابي وارد آغيب بغيابـي
[/POEM]





حمد عايد
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تساقطوا من عيون الشـوق غاليـن .. =واللي ندبهم على وجه الورق نـاح
اللي رموني على درب الشقا ويـن .. =ما حسوا فضيقة اللي لأجلهم صاح
وش قيمة الحب وإحسـاس المحبيـن .. =دام الوفاء ما سكن في طهر الأرواح
اللي غرسوا بي فليل الذبح سكيـن .. =على مراسيم دفنـي ذنبهـم فـاح
تبعثروا بيـن نزوتهـم ومـا بيـن .. =قلبٍ عطاهـم ولا فكّـر بالأربـاح
تجرّدوا من عظيم إحساسهـم ليـن .. =طاحوا مع اللي من غصون الغلا طاح
وش قيمة الذكريات بصدر وافيـن .. =دام الجفا في عيـون أصحابهـا لاح
ما يغفر الذنـب تقديـم القرابيـن .. =دام النوايا ضبـاب وصدقهـا راح
يالوَرْق نوحي على غصـن المحبيـن .. =ما عاد باقي وفاء في طهـر الأرواح[/POEM]






سالم بن حصين
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قفيت يا متلف شعوري بالأسباب .. =وأنا على المقفي ماأعرف الحسوفة
صديت لكن ماصك صدك كتاب .. =كتابك اللي تحتويني طيوفه
من صفعة الأيام واقف ومرتاب .. =غيري شكالي من سوايا ظروفه
كن القلم من ضيقتي يحسب حساب .. =وإلا الشعر تسكن هجوسي حروفه
مثلي يموت ولا وقف لك على باب .. =قلبي على الوقفات يحسب وقوفه[/POEM]


.

.

 

[جُمان]

عساف التومي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت الأجواد وجروح الحبايب قليب .. =إن نش حفرته تبقى مثل بعض ندبي
لكن إن مات الصويب ولاحياة بعيب .. =ولا أقدم الحنظلة للي يمد عنبي
غبتي وفاق النحيف وضاق صدر رحيب .. =وأقول هو بسببي وإلا ماهو بسببي
عامين وأنطر وأكابر وأنتظر و أستريب .. =وأجمع فتات القصايد والغلا وعتبي
إلين طفل بصدري صاحبي يالحبيــــب .. =طرد المقفى هوان ومن مشى به غبي
مرت سنة لين جيتي يالدوا يالطبيب .. =عمياء على الصوت جيتي يم صوت طربي
أدري وعقب الخطأ بعض الأوادم تصيب .. =وأدري ولا أنتي ملاك ولا بحكم النبي
أدري ولكن بصدري صوت مثل القنيت .. =طرد المقفي غباء وصويحبك يعربي[/POEM]





سلطان الاسيمر
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لـك يابـحـر ذنــب ومـواجـع وتجـريـح "= وبـك يابحـر غـرقـت قـلـوب ٍ جريـحـه
كـم مـن خطـاوي وقفـت قدمـك إتصـيـح "= وكـم شـي فـي صـدري ولا اقـدر ابيـحـه
سولـف ولكـن خـايـف ارتــاح وآطـيـح "= وانـــا فـــؤادي ماتـحـمـل مطـيـحـه
خـذ يابحـر صـمـت المشـاعـر تبـاريـح "= واشعـل ضمـا ملـحـك بنـفـس ٍ شحيـحـه
يـوم الحقيقـه ويـل / جرحـي غـدى ريـح "= وبعـض الوجـيـه الـلـي تـمـرك قبيـحـه
صديـت عــن ذيــك اللـيـال المشافـيـح "= اللـي غـدت بأنـفـاس صــدري وشيـحـه
وموج الخليـج اللـي غسـل زمرةالشيح=كم ليلة ٍ ) منـّي تمـكـّن فحـيحـه
وبعـض الغـلا اللـي يستـره هـرج تلمـيـح "= ذنبـه علـى جنـبـه الـيـا فــاح ريـحـه
والخطـوه الـلـي مالـهـا خــف ٍ إمـريـح "= عّــن الركـايـب واسـتـمـع للنصـيـحـه
لـو المحبـه ( قـرش ) عشـنـا طحاطـيـح "= ولــو الشـعـر مـايـل عــزاه القريـحـه
نعيـش بالـواقـع ولـكـن عـلـى ميييـيـح =" ضـاعـت مفاهـيـم الـكـلام وصحـيـحـه
ويـا بحـر قلـي /ويـش ابـا آقـول وآبيـح "= لا علـقـت كــل الـنـفـوس الطـريـحـه
وانـا عـزاي انـي عـن الـكـون مآشـيـح "= وجهـي ولـو ضـاقـت علـيـه الفسيـحـه
هـذا الكـلام ولا يـبـي( فـصـل ) تنقـيـح "= أن قـلـت وان ماقـلـت بـانـت صريـحـه
ان كـان فـي صـدري مــزون ومـراويـح "= قلـب ٍ وطيـتـه ( ربــه) الـلـي يبيـحـه[/POEM]






مرزوق العتيبي
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]قالت : احطب .. قلت : والغابـه متى كانت قريبـه=قالت : احطب .. قلت : وين الفأس لو حصّلت غابه
قالت : احطب .. قلت : يا قصر اليدين المستريبـه=قالت : احطب .. قلت : يا قل البصيره لإرتكابـه
قالت : البـرد إلتـوى فالضلع ترضى يلتـويبـه=قلت : لا .. قالت : وتتركني كـذا يـا للغـرابه
قلت: ملعـون الغبـاء وانتـي نجيبـه من نجيبـه=وألاّ انـا وقتـي إمبهـذلنـي وضيّعت النجابـه
لا تلـوميـن النبيـه ان حاصـره همّـه وغيبـه=ما تطـوفـه قبل لـكن طافتـه من حـرْ مابـه
والله انـي كنت قبل الشخص ينطـق لـي خطيبه=أتهجّـا فكـرته وأقـراه قبـل اسمـع خطـابـه
من عيـونـه كنت أميّـز مقصـده قبل يحكيبـه=وقبل تمـريـر السـؤال أمـرّر اطراف الاجابـه
كنت أفضفض للكئيـب ويمتلي بالضحك جيبـه=صـرت ما افضفض لنفسـي وامتلا جيبي كآبـه
قالت : احطب قلت ويش احطب دخيل الله مصيبه=لا تزيـديـن الجـروح ولا تزيـديـن الرتابـه
قالت : الجرح يتمـادى عيب في حضـرة طبيبـه=قلت : ما باقي وريـد ودم من نـزف الاصـابـه
قالت : احطب من شعورك والقصيـد الحي جيبـه=ودي اسمـع صورتك واقراك صوت من الصبابـه
ديرها مغنـى وخـل الصمـت مخنـوق بنحيبـه=واعتبـر قلبي طبـل وألاّ اعتبـر سمعـي ربابـه
هـات شعـر وبلّل اللحظـه من البحر وغريبـه=لا تكـرر في عيـوني ملّـت العيـن التشـابـه
لا تسلـف حنجـرة غيرك وحنجـرتك رهيبـه=وانت شدْوك غير وارضك بكْر وافكارك سحابـه
واعتبـرني ملهمـه واحرث لي تـراب الخصيبـه=واروني من مـاك . مـاك ارواه لحظات انسكابـه
واقطع عروق الضما والجـدب واحساس الغليبـه=صـك بابه .. والعشم والفال تكفى فـك بابـه
وافتـح الشبـاك لأعشابك شبابيـكك عشيبـه=شوفها بعيـوني وهـذا الكلام احسب حسابـه
قلـت : يا طيبـة حنـان ويا حنـانٍ زاد طيبـه=يا مذابـه فالصفاء .. وألاّ الصفـاوه بك مذابـه
كـل مـا مريـت رجـم ادوّر الجـرّه لذيبـه=ما لمحـت آثـار واذنـي ما عـوت فيها الذيابه
وانتقـل للرجـم الآخـر والندم باسفل شعيبـه=ويتصاغرني وانا اكبـر من حصـاه ومن هضابـه
لا يعذربنـي وانـا ( مرزوق ) وجدودي عتيبـه=ينشـد التاريـخ والجغرافيـا يجنـي مهـابـه
مـا لبسنـا ثـوب عاريـه ولا جينـا بريبـه=وان تعرينـا بدون ثيـاب مـا فينـا عيـابـه
بس نستـر غيـرنا من طيبنـا ماهـي غصيبـه=لأجـل يستـر غيـرنا عيبـه وجسمه في ثيابـه
ولا يعذربنـي وانا المحّـار ف سـلالي حصيبـه=آتخيّـر فـي قماشـه وآتخيّـر فـي حصـابـه
والله انـي غيـص غبّـاتـه ولانـي فيه سيبـه=يزعـل الزعـلان والراضي على رأسي إعصابـه
ما كسبت السفن انـا للسفن شرواي الكسيبـه=من تواضـع قلتها ماهـو غـرور ولا دعـابـه
بس وين النـور واهل النـور والعقل الرحيبـه=ليـه تبقـى صامتـه والليـل ينهبهـا نهـابـه
والمثل ماهـو صحيـح ويا كبـر ظلمه وعيبـه=والقلم لولا الاصابـع ما ارتكب ذنب الكتابـه
من متى كان الحكي فضه ورخص وكان خيبـه=ومن متى كان الذهب صمت ووجل يا للخيابـه[/POEM]


.

.

 

[ناديه المطيري]

من جدكم فيه حلقات تسجيلية ؟؟

لاني حطيت ع القناة ومالقيت غير الاغاني

شكراً ع الموضوع