فنجال !

[هجاج الوسوس]

رساله..
لـ..إنصاف الشعر (ماتبقى) !
من الدخلاء / الادعياء
وأخوان الشعراء !

[poem=font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يحكى بأن..الأرض فاضت ضغينه=والحب نفي لقرية الشعر. ويقال:
بدره..شموخه كبرياه وحنينه=للوقت يحفظ مانقش قلب الاطلال
كل ماتسود أقصى القرايا السكينه=رقّص لها القيصر نجومه بموال
قريه وكانت حلم روح المدينه=إسطورة العشاق مظراب الامثال
المجد خلا جردها ياقطينه=والحب خلا قيضها..وبل همال
ساد الرخام ! وباد لبنه وطينه=باقي بقايا رسومها سهول وجبال
بخس الثمن لأغلى اللآل الثمينه=بأقصى زوايا متحف الفن والمال
تمطر أغابير البطى أعرق خزينه=وبعينها تعبر تراتيل الاجيال
يشدها برق بدوي ٍ قطينه=يورد معاليق الروى كنّة اللآل
تحن خلج ضلوعها العوج لينه=تنبت ترايبها سكاكين جمال
كل ماتقافا نور برقه آنينه=يطوّح وراه من التناهيد مرسال
"صوته يضج " بكل الانحاء الحزينه!!=وياقف لها طيفه على حد الامال
"باكر قطار العمر بآخر كبينه=يندب على عمر الترف لعنة الحال
تمر في نزعات موته سنينه=وتعرف صاحبة الجلاله والإجلال
لا أغرورقة بالدمع والحزن عينه=جفاف غيم الغي لاصد رجال
لا أغتر غيم الروح في ياسمينه=قال إنحرف ! وأمطر على الصبّخ والجال"
تجهش عليه عروقها بس وينه!=راااح وترك طيف ٍ على الرمش يختال
يتجاذب لجمره شتا عاشقينه=كلما عبر عطره على الاستواء سال
تهاجره روح الجنون وتزينه=في عزة شموخه شياطين الاطفال
دثر نواه جروح وقت ٍ دفينه=وأقفى على درب المقابيل رحال
لا الوقت وقت ٍله ولا الدين دينه=مسلم ..ودين العولمه دين الاسلال
إهداي قلب أبوه..عين ولدينه=سر إغتراب النور في ضيقة اللبال
ويقال بانه ملّ جرحه وبينه=ليلة تنفس خسف من ساد الإسفال
يدرج مباهير أبهره في كنينه =حتى العروق الشقر تصفق وتجتال
يسعد مساء الشعر يامهايطينه=صبّة بغاديد المعاليق فنجال
تقهو ياشاريه من نازفينه=تناثرت نعمتك وضلوعك إهزال
في صحة المولد سكر والدينه=كاسين ليل القدر واعياد شوال
في غمد كبته تنجرح شذرتينه=سيف ٍ زمن عزه لويزول مازال
يحيى على ذكرى سعد ميتينه=موت ٍ بدل مايطول عاليه ينطال
للوارث الـ "لاشيء" يامورثينه=تشمتوا بأجداث وافين الافعال
كم لي لأجل خاطر امير المدينه=اكرب على غيظ المعاليق الاغلال
رجل ٍ صدى ترحيبه بزابنينه=يرد روحي وارجع احيا وتنـزال
ركام قهري والهجوس اللعينه=ويقوم فيني شيخ ويطيح محتال
واللي جعل شوفه فرج شايفينه=ل ابيع لأجله غالي العمر بريال
والشعر انا إعصاره وسيّد قرينه=لو رزّت الإعلام صوره وتمثال
حرام من حسان يامحسنينه=به ياسر السامر يسيّد من آل !
والا كما قال النبي جاهلينه=تستفتي..ويفتي رويّبضة الإضلال
تتقمقم القاعه على قمتينه=الين تستروس على الروس الأذيال
ومادام غاض شموخنا سيّدينه=قله اعيال أبطال..ونعقب أبطال
صحيح شفنا من القهر والغبينه=شوف إنتحار النار والليل هضّال
لو مايرد عروج الارواح دينه=مد القهر للويل معبر وترحال
لويدري الطقمين ومطقمينه=عن ماركة تنقيط والعري قتال
إحيأه علمه..قد لقا باحثينه=أسباب..يارقته للأغصان تغتال
ولو باذخ الشرهات سدد لدينه=ماقلت صح العز خير من الإذلال
يمديه ينشد ذاك ومرافقينه=من قبل في عرضه يضيقن الاطوال
شكرا من اعماق الشعر مبتلينه=شكرا مكافحة التسؤل للإهمال
شكرا شلاليّة حشف كايلينه=شكرا هدّر موطيه في وجه وبال
شكرا من اعماق الادب فاقدينه=مستقبلك مليون خيبه له الفال
تقري جميل الصبر ثروة بثينه=تخبخب البشت الحساوي بخلخال
اقولها والموج يغشى السفينه=والارض يظرب عمقها غيض زلزال
والجمر يتسارج تحت دايسينه=متفرّق ٍ عن هامة العز شعّال
الموت لويخشى سخط واردينه=ماراح جمّار المعاليق عثكال
مٌكبر ٍ للفرض يامسلمينه=الله خلقني لاطغى الحمل شيّال
ماني براعي قنص ياقانصينه=والقنص في ما أحمي نكبه وغربال
الله يخلي للوطن محتمينه=ودام العقال اللي على الراس ميّال
ولا مر بين إنسان طاهر وبينه=غير الكلام اللي من الصدق يكتال
تموت غيره ماسته من لجينه=اليا امتنع سهله على صعب منوال
فنجال من نطّح لسوقه يمينه=زوتع بها ويحلها الفين حلال
يسري بها !؟ عبدالمعين لعوينه=لعلها تجلي دجا ليل الأهوال !![/poem]

http://www.6arab.net/GetRamFile/singers/206815.ram

 

[أحمد الطرقي]

شكراً من اعماق الشعر مبتلينه
........... شكراً مكافحة التسول لـ الاهمال


هجاج...

اكبر كواكب الشعر ...تنسيني صغاره


هذا مايجعلني دائما متحمس لكل متصفح يحمل اسمك
محبتي واحترامي
اخوكــ

 

[نايف السعدي]

هجاج الوسوس
كلمات صادقه ونص رائع
لك الشكر

 

[خالد صالح الحربي]

:

مابين السطور لا سِعْ ،
وماخلف العطور شَاسِعْ ،
لا أستغرب ذلك حقاًّ
فلا يُنتظَر من الإعصار
إلاّ أن يُنظّف الخارطة بِقَسوَة !

 

[عبدالعزيز رشيد]

راح وترك طيفه على الرمش يختال


هاأنت رحلت وتركت هذا النصّ
على طرف أذهاننا يختال ويتلاعب بأفكارنا
أخي
باقة شكر لك ولـ حضورك

 

[صهيب نبهان]

..

يـــــــــــــــاه

يحتاج العودة هذا النص

أمهلني وإن لم ترني فاعذرني

لك من الورد أزكاه

..

 

[قايـد الحربي]

هجاج الوسوس
ــــــــــــــ
* * *


نقدٌ لاذع .. لجهلٍ خادع
والشاعر رسولٌ للخير .. أقلّ الواجب أنْ يُعرّي
ما حاول الجهل سِتره .

هجاج الوسوس
شاعرٌ بحجم السماء والأرض ومابينهما - أيضاً - .

لك مودتي الخالصة .

 

[خالد العقيل]

هجاج الوسوس
سعيد بـ مروري هنا
نص رائع كـ روعه حضورك
دام تواصلك
تقديري