قـيــــود ســـجـــانــي

[ناعم العنزي]

بسم الله الرحمن الرحيم

و

السلام عليكم ورحمة الله وبركاته

مصافحه اولى

علها تنال رضاكم واستحسانكم

اليكم

[poem=font="times new roman,6,black,bold,italic" bkcolor="transparent" bkimage="http://www.ab33ad.com/vb/mwaextraedit4/backgrounds/17.gif" border="none,4," type=2 line=1 align=center use=ex num="0,black""]
كل ماذكرته يضيق الصدر وسياجه=وكل ما طلبته يروح ومايجي ثاني
ماضاق صدري سوا لا صد في حاجه=وانا طلبته وهو مالد فاعياني
ياخوف قلبي من الي صار وهاجه=يعمي عيوني وانا ابغا شوفته عاني
والقلب يشره على الدكتور وعلاجه=شق الجروح وياليته كان بمكاني
تعبت انا اسهر واغوص البحر وامواجه=صده وهجره ماهو صدي وهجراني
غابت سنينه وشوفه عاقد حجاجه=صارت سنيني بدونه بهت الالواني
عامين مرت وكن القلب في صاجه=كل ماتقلب يسيل الدم واعاني
صحيح احبه وقدره كانت ابراجه=حول النجوم وتجاوز بعض الاحياني
لاكن خساره ياحظ(ن)كان منهاجه=منهاج رجل(ن)شكا من ضيم الاحزاني
ياوجد حالي وجود مناظر افراجه=مشتاق للناس دون قيود سجاني
ابطت سنينه وضاقت واسع فجاجه=قدام عينه وعاش الضيم وحداني
وانا تعبت ودروب الليل منعاجه=عوجا وضلمه ودربي دون ضياني
والحلم صدري وقلبي فتلت سراجه=وياكثر مايشعل الفتلات شرياني
وتدري وش الي يطيّح قدره وعاجه=لاصار يبني طموحه فوق بنياني
ولاصرت صادق وحولك زيف هراجه=وتكذيب صادق وقال فلان وفلاني
هذي خلاصة شعوري واخر انتاجه=وهذي بقايا خفوق لشاعر(ن)فاني[/poem]

وسلامتكم
دمتم بالف خير

 

[صالح الحريري]

مرحبا بالشعر بمواسم الجدب ..
لينمو عشب القصيد على أرض الترحيب بكِ ...!










أهلا ماطرة يا ناعم العنزي

 

[عبدالإله المالك]

أهلا وسهلا ومرحبا

ناعم العنزي

تحية طيبة وود

 

[عون القحطاني]

ناعم العنزي

اهلاً بك في ابعادك
تشرفنا بهذا الحضور الجميل والعذب

كريم حرفك غيمتك الاولى
وللمطر بقية


شكراً شاعرنا وعلى الرحب والسعه

 

[بدرية البدري]

ناعم العنزي ..
أهلا بك في أبعادك ..

لقلبك الورد ..

 

[فرج البلاز]

صح لسانك يا ناعم .. شاعر مبدع وجزل

تحيتي

 

[ناصر العلي]

شاعر عذب ومبدع ياناعم
تشرفت الابعاد بوجودك

 

[ناعم العنزي]

المشاركة الأصلية كتبت بواسطة صالح الحريري

مرحبا بالشعر بمواسم الجدب ..
لينمو عشب القصيد على أرض الترحيب بكِ ...!










أهلا ماطرة يا ناعم العنزي

الاخ صالح الحريري

صح بدنك واعتلا شانك مدد لاعدد

وياهلابك زود وانا اخوك

وشرف لي ان تكون اول مصافحه لي

هنا

من شخصك الكريم

تحياتي وتقديري لك

دمت بالف خير