[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قال أبو راكان من عذب القوافي قصيد=بادي بذكر ربي يوم أقول البيوت
سَطوة الشعر تجري وسط دم الوَريد=موهبة شعر عندي حالف(ن) ما تِموت
شاعر وذاع صيته من زمانن بعيد=من مدحني مدحته من هجاني هجوت
كِل وحده بوحده ثم أكرر وأعيد=مع عديم المشاعر ما يفيد السكوت
يا منافق تأدب بالحكي لا تزيد=إحسب حساب غيرك كلمتك لا تفوت
ماني الشاعر الي طول عمره بليد=يوم شاف الدراهم جر له كم صوت
ما كتبت القصايد لأجل مالي يزيد=ما أجامل بشعري لابسين البشوت
دايم الراس فوق وطول الايام سيد=لو تبعت المصالح كان مبطي هفوت
عِزة النفس تبقى عندي اغلى رصيد=غير رب الخلايق لا حشى ما رجوت
رغم كل المشاكل والعذاب الشديد=ما سألت القريب ولا حكيت او شكوت
من طلبني قصايد قمت اقول الجديد=بالمعاني غزير وفي كلامي ثبوت
[/poem]