لا تضنينـي بعاجـز فـي قـراري

[خالد بن علي]

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا تضنينـي بعاجـز فـي قـراري=أو أخاف الليل وحسب له حسـاب
ذي شموسي دايماً تضوي ديـاري=في وجود الأرض تشعلنـي لهاب
ما عرفتي هي يميني من يسـاري=هاك بعضك وش تشوفي في الضباب
لو فهمتـي ليـه إجنونـك يـداري=ضيم وجدك في مروجك والهضـاب
تنتهي بيـدي وتبـدي بانتصـاري=لو تطولي شمس بيدك هي سـراب
من مزوني ترتوي فيـك البـراري=بي أنـا وتفـوح أنفاسـك طيـاب
وان قدرتـي تهزمينـي باختيـاري=إفهمي فوقـي بلاكـي باضطـراب
وان وصلتي فوق عالي باقتـداري=أجمعـك ديـره وبعثركـي خـراب
وان مشيتي ألف عـامٍ بانتظـاري=تحت ظلّـي واقفـة بيـن التـراب
تسألين الصبح عن آخـر نهـاري=وين عنّك ناظـري بعـد الركـاب
إبـصقيع الموت أخلق لي مساري=أقهـر الدنيـا وروّضهـا صـواب
أخضع العالم لأمري هـو شعـاري=ما تحطّمنـي جيوشـك والصعـاب[/POEM]