.. (( أعذرك.. واقول ظروف..! )) ..

[أنسام]

أعذرك ... وأقول ظــروف..!
أشغلتك وخلّت أيامنا تطـوف...
بلا بسمه.. بلا همسه..
بلا مشاعر لمسنـا لها معنى يــوم.. بكفوف...

أعذرك وأقول ظروف..!
طوتك بــ مركب رحـــال..
وخلّت بيننا أســوار..
وجلاّد ما يرحم.. وقلب أبد ما قدر يختــار..
بين القرب.. أو البعد..
أو سكــة مالها أنوار..
إما تنجيّــيني ..؟
أو تحطّـمني في قســوة الأقدار...
وتبقى انت تقدّم الأعذار..!
وأعذرك..
وأقول ظروف..!

أعذرك وأقول ظروف..
كسّــرت في قلبي المجداف..
وخلّــت روحي تخـــاف..
من صدى ذكرى ترجّع في عيني الأحزان...
وتشعلني .. وتطّفيني..
وأبقى وحيده.. تايهه بلا عنوان..!
أدوّر عطرك..
حروفك..
ومن ذكراك بقايا حنــان..!
توصّلني شواطيــك..
وأنتثر فيها مع النسايم.. أنادي عليــك..
ويرجع لي صدى يقــول..
"يا بنت تراها ظروف"

أعذرك وأقول ظروف..
قصت بي عن عالم الأفراح..
وخلّت بعيني دمعة أبد ما تنشف..
وروح كسيره بين الأرواح..
تمنّــي نفسها بــ حب وحبيب..
وقصة عشق أبد لا يمكن تشبه اللي راح..
وتنســاني في زحمة الأوراق..
قصيده.. صغتها يوم خاليه من لمحة جــراح..
وعذرك..؟
" قلبك كبير ويتحملني حتى وأنا غلطان.."
وأعذرك..
وأقول ظروف..



على الود نلتقي.

 

[عبدالعزيز رشيد]

كسّرت في قلبي المجداف

وصف جميل لـ حالة الانكسار


اختي \ انسام
تدوّزن النصّ بروحك وآلام هذا النصّ
باقات من الشكر لك

 

[خالد صالح الحربي]

:

أنسام ،،
كتبتي الشعر بروح الكاتبة فيكِ ،
فَهلاّ جربتي العكس .. لنحتفل ..
بفضاءاتٍ وإضاءاتٍ أُخرَى .
_ ألف شُكر واحترام _

 

[رجا المريخي]

أنسام

ونزف غاص في أعماق الجمال

صح الله لسانك أُخيتي ودمتي بهذا الألق

إحترامي وتقديري