اعمى ..وابي كل البشر يتبعوني!

[سعد مسهوج]

((مبروك عليكم الشهر))

.
.
.

لكل من حرم نعمة البصر بحكمة ٍ من عند الله


وبكل شفافية وبساطه.
.
.






[POEM="font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
رغم الظــلام اللي يطوّق عـيـوني= ما كنت اخاف اطيح وان طحت باقوم

احيان احسّ ان البشــر يحسـدوني=واحـيــان احـسّ انهـم يقولون محروم!

احيان اجـرّح من دمـوعي جفوني= واحيان احـسّ اني من الدمـع معصوم

ولو تـمـتـمـوا حسيتهم يقصـدوني= وان جــاهرو كـنّي من الـناس مرجوم

في داخلي حلم المــلا يبصــروني= اتعــب ولانـي بالتـعــب يــوم مرغوم

اشتاق اشوف الناس والناس دوني=وانا الـبـعـيـد اللي مع الـنــاس ملموم

في غربتي .. حلمي تثاقل متوني=في غربتي.. محدن اقاسمه الاهموم

في غربتي لو مالبشــر يوصفوني= توقــّــض الحيـرة حيـاتي من الـنوم

في غربتي ما اقــول كلهم نسوني=لكن قلـيــل اللي طــرونـي لهالـيـوم

ولا غـرّد العصفور نبرة شجوني =والارض تـنـطـق لا تعثرت محشوم

اتلمّـس اشيـائي احــــسّ افـقـدوني 1=واعطف على الحايط ولو كان مهدوم

من غيرهم لامن حكيت اسمعوني= من غيرهم في ظلمت الوقت معزوم

والا البشــر ما عمرهم بشـروني=قوم ن تخــالـف وجـهـة الدين والقوم

حتى السلام احيان يخلف ظنوني= لاجـيــت اسلـّــم كـنـّي اقـول مغموم

اعمى.. وابي كل الـبشـر يتبعوني=ولاحدن على غيره من الناس ملزوم

امشي كــذا .. لوكــانهم يفهمـوني 2=ما قـالـوا انـي غـيـر واثق وزيزوم

اتـعـمـد الطيـحه ..واقول امسكوني= عشان اقـــول:الحمد والشكر له دوم[/POEM]




_________________________________________

1 - عند سقوطه تسقط امتعته حزناً عليه ..
وهو يبتستم لشفقتها !! وعطفها وعطفه لي يلتقط ما قد سقط بهدوء وبحذر
الروح الحساسة والمشاعر النبيلة اتجاه اي شي في هذه البسيطة..


2- دائما من يفقد بصره تجده رافعاً راسه وصدره للامام ..
وكأنه يمشي بخطوات الواثق..متاجهلاً الحياة ومصاعبها لـ يعلمنا درس بالحياة !


(اللهم لك الحمد على نعمة البصر والحمدلله الذي فضلني على غيري ..اللهم لك الحمد لما ينبغي لجلال وجهك وعظمة سلطانك ..))




اخوكم


سعد العلاطي