علمي بقلبي يوم ودعتك..

[فرحان الصعب]

صباح الخير يا سادة..



لا تقلّب الماضي ..وتعميها..
وتْقول يا ناسي ..انا.. عفتك..
تراك.. من.. مدّه ..مسويها..
وانا على.. فرقــاك ..ما لمتك..
استر على عيوبك واداريها..
وعلى كثر ما شفت ما خنتك..
لو تحْسب ذنوبك وتحصيها..
تدري ..باني.. حيل ..قدرتك..
ارخصت ناسٍ كنت شاريها..
ومن بين كل الناس قربتك...
يا بعْد.. هالدنيا .. وغاليها..
قبل امس بعيوني و ضيعتك ..
لي حاجةٍ عندك.. و ناسيها..
علمي بقلبي يوم.. ودعتـك..
منّك بعض كلمات.. ما بيها..
وحقك علي لو كنت ازعجتـك..
المسأله .. كلــه.. وما..فيهـا..
طريت ..في بالـي.. وكلمتـك..


فرحان الصعب.

 

[نادرة عبدالحي]

وأنا أقرئكَ أخي فرحان كان المساء يقرأُ معي
وشجرة في الحي لها سنوات كثيرة تُحاول معرفة ما قرأهُ المساء معي ...

وحقك علي لو كنت ازعجتـك..
المسأله .. كلــه.. وما..فيهـا..
طريت ..في بالـي.. وكلمتـك

المخرج كان له مقام في الروح وارجع الدماء النقية الى العروق

 

[منتهى القريش]

صباح الفرح والشعر ..

صباحك عطر ..

ود وورد ..

 

[بدرية البدري]

فرحان الشلاقي ..

نصٌ عابقٌ كالزهر في الأصيل

تقديري

 

[نواف العطا]

صديقي وزميلي / فرحان الصعب
سعيد بتواجدك هُنا ، وبقراءة نصوصك الجميله ، فكن بخير .

 

[فرحان الصعب]

مساء الخير يا أحبة..
.
.
يطش المزن دمعه.. على قلبي المجروح..
يبلل ضما روحي ..وترقص له احزاني..
غريب الحزن احيان تطرب عليه..الروح..
وكن الحزن والدمع مخلوق من شـاني..
كأني بنيت من الحزن في حشاي صْروح..
وعلقت..ثوبه.. في..مساميـر ..جدراني..
واطل بشبابيكـه.. على دمي ..المسفوح..
يصب وشعيبه سال.. بعروق..ودياني..
اشوف الغصن ورّق وفوقه حمـام الدوح..
سرق بوحي المترف..وقسّم من.. الحاني..
تركته يجرّب بالفضا.. صوته.. المبحوح..
يناجي .. خياله به ..ويلعب.. بوجداني..
هجرت الفضا كله.. ولجله..دفنت البـوح..
وادوّر على.. نفسي بعينه.. ولا القاني..
كأني سجين.. وكل ليلي.. قضيته ..نوح..
ادور ..على حضنٍ يلملم لي..اشجاني..
صحيت آتلمّس عقب حلمي..بقايا ضوح..
وفجأه طرقني..طيف صوته.. وناداني..
يا صدر الحزن دمعك غدا للملا مفضوح..
انا..طالبك.. تقبل .. وداعي..وتنساني..
وامانه تخبي.. دمعتك ..لا نويت ..تْـروح..
اخاف اطرب لدمعك وترقص لك احزاني..


#فرحان_الصعب

 

[فرحان الصعب]

شكراً لكل من مر من هنا ..
وسعدت وتشرفت كثيراً بكلماتكم ..

محبتي للجميع ..

 

[خواطر]

نص رائع كـ روعة قلبك


صح منطوووقك