تغريدات شعراء وشاعرات أبعاد /تويتر

[نادرة عبدالحي]

ماجبرني اكسر ذراع الاماني
غير حلم ابنيه وظروفك تهده

ليه ماخليت لأحلامي مواني
كل فكر يهيم حطه عند حده

لاتخليني وانا اجهل مكاني
ورني قدري بصدر اللي اوده

خلني احياك لو تكة ثواني
يكفي اللي راح مانقدر نرده

.

العنود الرويلي

 

[سيرين]

وانا تعلمت .. قبل الهرج .. درس عميــق =من خان لابـد يرجع له.. خطاه .. وجـزاه

وقتي لعب بي .. وانا كني بوقتي .. غريـق =عجزت لا واجهـه وأزريت لابحر معـاه

اشوفها كــل ماتفرج .. تعـود بضيــق ="حتى الوتــد..في يدي؟ تعقد من الحصاه"

بندر الصقر

\..

 

[نادرة عبدالحي]

ياضيق ندري فيك عنا ماتروح
من حال عن شوف العزيزين: الممات

تطيب بقلوب الرجاجيل الجروح
وتجدد جروح القلوب الذكريات

حسام المجلاد

 

[سيرين]

بليلة شتا..
ونبض المطر
يحق لي اسكت معك
وفي وقتها ابعشقك
واكسر بعد الفين.. جرهّ
ضحكات من بعض الندم
في حجرها
كان الآلم
وكان القلم يذكر معي
في كل مره

عبير الشوق

\..

 

[نادرة عبدالحي]

كتبنا كان فينا حس يتفجّر حزن واشعار
................. وذبلنا لين صار الشعْر بيسار الصدَر مقبور
حبيبي لا تعاتبني إذا حلم السنين انهار
.................. انا ما عاد انا نفسه ولا عاد الشعور شعور


الشاعر عبد العزيز العميري

 

[نادرة عبدالحي]

غنيت
ما هو من طرب كنت ابختار ..
صوتي .. وابسمع صرختي قبل ما اصيح
،
الفرق بين العزم ومابين الاقدار
انك تطيح وكان لا يمكن اتطيح
انك عجزت تشوف في داخل النار
نور ، وتشوف الثلج في روحك يسيح
تقدر تشوف اطفال روحك بالاسوار
ولاقدرت تشوفهم بالمراجيح .!


الشاعر فهد دوحان

 

[احمد المنتشري]

::

لا الورد ورد / ولا التهاني تهاني
كلش / تغيّر/ فيك يافرحة العيد

حتى القصايد / جزلها والمعاني
ملبوسها التكليف/ وشعورها بيد

بقلم
احمد المنتشري

 

[حسام المجلاد]

‏لا تسأليني أحبك ليش، ما امْلك سبب
‏هي من متى تنذكر في سيرة الحب .. ليش؟

‏إن كان لك قلب يخشى لايطيش ويحب
‏لي قلب لو مايموت مْن الغلا مايعيش!
حسام المجلاد