دروب الشكّ

[محمد الخريصي]

الغياب سيف يذبح الحب



والاهمال يدفنه



اقدم لكم هذه المتواضعه



اتمنى ان تعجبكم










دروب الشكّ


زماني صمت من حولي ملامح شكّ وريبه
على وجه(ن) كساه الهم يعاني كل دروب الشكّ

وليلي مظلم(ن) يفضح وتصدق بس اكاذيبه
فقير(ن)من يحلمه يوم يدور من جنابه صكّ

حبيبي راح يحلفلي...... تفيده بس عذاريبه
حنينه لو يعيده لي بعد ما حك قليبي حكّ

ملامح كل وجه الكون يصيح وهيا تهديبه
ليا من خانته رجله وهويمشي (عليها) تكّ

يواسي نفسه بنفسه يواسي في تراحيبه
على ضيف (ن) دعه الجوع بها يدّك حصونه دكّ

يحاول يغسل يدينه بذكرى يوم تعذيبه
يلاحظ بس يمد ايده على باب(ن) بها انصكّ

غبارالوقت يخنق بس وهو يمسح مكاتيبه
يحاول ينصحه يزكي يقوله يا خويه زكّ

يدوّرما لقى حوله بصوت(ن) به تناحيبه
يحاول يدّفنه لكن على موته غدى منهكّ

يناظرلو يشوفه بس عسى وجده بها قريبه
ينادي كل اساميها ويعكّ بالسوالف عكّ

يصّوت علاها تسمع وتعرف حالته صعيبه
ويقرا بس رسايلها ويخلي يا غايب نكّ

ويكتب رساله بدمه عسى اترد.... ..وتجيبه
وتروي قلبه الضامي على كاس(ن) غدى يربكّ

ياودي مره اسمعني مصيبه هالغلا مصيبه
يخاف قلبي ابعادك وسيف العشق يصيبكّ

وانا نايم غلاك يصحى في ليلي اهذريبه
وانا صاحي بدون شعور في صبحي اهذريبكّ

اصوت دوم على اسمك على ظنّي اغنيبه
وانا ابكي على جرح (ن) بطاري الهم تغنابكّ

يموت الحب في قلبي وانا قاصد امريبه
يعاند وقتي الظالم و اشوفه بس يماريبكّ

يعانق جرحي الدامي وهوقاصد بيحكيبه
وانا مصدوم بس من هو بها يوم(ن) بيحكيبكّ

اخاف الوقت بعثرني وانا ملزوم ترتيبه
واشوفه منتهي مني وناوي صدّق ترتيبكّ

يحاول يرسمكّ لكن غلاك وشّ يخليّبه
يناظرحبي الولهان به ساكت يسولف بكّ

بديت اشكّ في حاجه سؤال (ن)شد مخاليبه
نبض هالقلب يعنيني ولاصحيح بيعني لكّ

كلامي صدق واسمعني وانا صادق وباعنيبه
تراها صدق من قلبي تعال مره بحكي لكّ

تضيق الدنيا بعيوني غلاك وش اسويبه
غيابك يوم ذابحني اذا يومين باجيلكّ







شكرا لكل من قراني بصدق





اخوكم ........







(( محمد الخريصي ))

 

[عبدالله سعيد]

:

:


محمد الخريصي ..
ومع ان الابيات بها شيئ من الثقل
إلا أنك شاعر جميل وتستحق القراءة
دمت

:

:

 

[عبدالعزيز رشيد]

اخي
محمد مداهيل معانيها جميلة
وجمال تورياتها بديعة
"فقط لو توافق آخر حرفين في الشطر الثاني بدلا من الكاف وحدها "

شكرا لك
تقبّل تحيّاتي

 

[محمد الخريصي]

الاخ .. (( عبدالله سعيد ))


كلي شرف في مرورك العذب


وشكرا على ملاحظتك


تقبل ...



تحياتي وتقديري



اخوك ..



(( محمد الخريصي ))

 

[فهد مفلح]

بيض الله وجهك

صح لسانك لاااهنت
تحياتي لك

 

[محسن الشاهر]

محمد الخريصي

صح لسانك ولا هنت يالغالي


قصيدة رائعه واسلوب مميز

لك التحية والتقدير