تعال واكتب حالتك/لحظتك شعراً ..!

[نورة القحطاني]

في داخلي
صوت الحنين أكبر خطا
لو هو على كف الرضا
باقي دقايق من حياة
وننتهي ...!

 

[سعيد الموسى]

تقول أمي : لك أحلامك مثل ماللزهور تعيش!
وأقول الحلم يايمّه ؟ يمّر مرور في ذهني !
تعبنا نحرث المبدأ ، ولا ينبت بلقمة عيش !
وانا باقي على الباقي من الأزهار في ظني !
وطن يمّه ، وطن همّه وفيه الحرّ والدرويش!
وفيه الماء وفيه اللاء ، وفيه الكاف تطعّني!
وفيه اقراب والاغراب وفيه الحق والتهميش!
وانا مدري على ايش أبكي ومدري وش بقى مني؟

 

[رُوح]

لستُ بشاعرة
فهل أكتب حالتي نثرا؟
أم أنّها ستكون باطلة؟

 

[نورة القحطاني]

منتهى الخيبة
‏يموت
‏حلمك اللي كان حيّ ..

‏،

‏لي شعور بداخلي مألوف للي يعشقون
‏ماعرفت أترجمه حتى الشعر ماطاعني !

 

[سعيد الموسى]

الحاجه اللي حدتك للملامه
‏ياليتها مابينت روس الاقوام
‏قلنا سحابة صيف .. صارت غمامه
‏خلت كبير القوم مشمة للاقزام
‏ماكل رجّالٍ لبس له .. عمامه
‏وماكل بندق يابن الاجواد تنسام

 

[عبدالله صلال العساف]

يكفيك عن كثر المعاميل فنجال
لاجاك من طيب نفس وروح ممتنّه

عبدالله العساف

 

[صالح العرجان]

سمّار .. والحزن اشترانا من النوم
................. جمّع امانينا / وعرّض .. بها الريح

من يومنا وافواهنا .. تجهل اللوم !
..................نسكتْ لو ان الوقت شرهه وتجريح .. ؟!

 

[صالح العرجان]

يجيد هذا الشاعر الحديث عني بالرغم اننا لا نعرف بعض ،!


فيما يُسمـّى "حقوقْ إنسانيه"
ديانة الإنسان رهـْن إيمانه

أمّا الفـتاوى غير قانونـيه
آخر قَضاياها الوطن وإنسانه،،!