صباح الخير يا ســـادة..
الصباح وطلّ يا فتاح..
واشرق بنوره ومصباحه
والزهر فتّح وسرّه باح..
للمطر والغيم ورياحه
بلّه الماطر وعطره فاح..
والطيور تْحوم صدّاحه
قلت اغني للمطر لا طاح..
وانظم حبوبه بمسباحه
يا رفيق الدرب ..يا فلّاح..
يا قفل قلبي و مفتاحه
خبّر اللي بالهوى ما ناح..
ولـَ اختلط حزنه مع افراحه
عن عيونٍ سحرها ذباح..
تسحر الخافق وتجتاحه
تذبح العاشق بدون سلاح..
وتكسر نصاله مع رماحه
قلّه الغربه حصاد ارواح ..
لو حسبت الدرب وارباحه
كل ربحٍ به كسبته راح ..
ولا حصلّي بالهوى راحه
ليت لي قلبٍ خلي وارتاح..
وماعرفت الحب وجراحه
وليت عطرك يالزهر ما فاح..
ولا نثر سرّي ..ولا باحه
آخر المشاركات
02-13-2013, 09:42 AM
فواحة..
العرض الشجري