فراشاتي

[ميــرال]

[POEM="font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

من هنا مرو على الكوخ العتيقه بالظلال=كانت مواطيهم على حفةمناياهم تدور[/POEM]

البقايا

 

[ميــرال]

إنكر ..الدنيا
وانا وانت
اسكن اللحظه وبنت تعبث في خلاخيلي وتروح
تنتفضني انت
مااشوفك
بس تكثر في شراييني وتفوح بي اكثر
من هنا
براحة يديني
واحبك

 

[ميــرال]

.

لو سمحت
مهي اكثر من دقايق
نبعد شويه علينا
وننسى حتى اسامينا
ونحلم
ان هاالدنيا ورق الوان
جدرانها نسيان
او مسافه كل مافيها اسامي
لملمتها الريح
اصحابها مرو
ورموها

خلنا نمشي حبيبي
لجل هااللحظه تعيش

نتعب وناقف ونمشي
نلمح الدنيا ورانا
شي بعيد
يشبه اسرار الكتابه
يشبه انفاس الجليد
ونحسبه
طيش لسحابه
ونبتسم ونرد نمشي
ونمشي
وناقف بنصف المسافه
بلا اسامي
وكل مافينا تشابه
وكل مافينا تشا بك
مثل طفل وثوب عيد
او مثل غصة
حسافه

خلنا نمشي خلاص
اتعبني العطش

وشلون مدري شلون
انت تدري وش بعد
’بعد المسافه
وماعلينا
باقي من الوقت لحظه
حيل
شفافه

تعال
وخلني المس حقيقة سحرك المجنون
والطاغي
تعال
ووش بعد باقي
خلني القاك لو غفوة
بخيله
ليله
اتفننك بجنون

وتصور

قبل ناصل هنا
شفتك انا
بنفس الملامح
والعيون
كنت اشوفك
تسأل الأغصان عن لمة سواعدها
متى تعطش مواعدها
ومتى تورق
من الخلجان
ومتى تذبل
كنت إبعد
كلما تقرب مسافه مني ابعد
آتخبى
ماابي ظلي يبان
وما ابي رعشة حنان
تفوتني
وتمرني سيان

من بعيد
كنت اشم الليل بيدك
عنفوان
بعنفوان
وكنت اشوف الأرض تتبخر
مكان
يضمنا
ويشيل قيدك
واتكبل

خلنا نحلم

 

[ميــرال]

كل مامر لونك ياشفق من خلال
................. روحي بوادي الحنوّن لوتقنعه

ماتحيك السوالف فوق عنقي سؤال
...............مثل ماحيك حزن الليل في مدمعه

اجمعك بين وردي والندى والخيال
........... واجلس اروي سواليفي لكم من سعه

كن ماكني إلا غاويه للمحال
............. يطوي الليل بـ اهدابي واروّح معه

كل مااسأل عصافير الشقائق سؤال
............. بس سؤالٍِ وعيت ماقوت تسمعه

جبت لليل اربع من ورود الجمال
.............. وجاب لي من حنينات النجوم اربعه

عتمة الوادي الموحش تمد الوصال
............... وشوشات الحكايا ملهمه مقنعه

كني اشوفك الشلال وادني وسال
............. اشربه وآتبلل وانثره واجمعه

احتوي كل ماه ويحتويني دلال
............. كني اطوف هاالدنيا بدون امتعه

يحتويني دلال

 

[ميــرال]

حكالي ضيعتي منك تجمل
ــــــــــــ دلع جلنارها بخدك تجمْل


يقول ان مرني نظرات عينك
ــــــــــــ يطول الدرب بخطاة التأمل


وانا لامن سمعت الحكي منه
ـــــــــــ اذوب وينتهي بي واتدلل


اتوه بحكيه اللي مو طبيعي
ـــــــ فراش حروفه بقلبي تسلل


وامر اللي مضالي واتهادى
ــــــ على غصن الدجى طرفي تبلل


واعد الثانيه والثانيه يـــا
ـــــــــ تمر جروحها ولا تجمْل

واروح بغفوتين من الليالي
ـــــــــــ عسى كاس الليالي مايثمْل

واشوف اني لمحتك مالمحتك
ــــــــــــ اعز الدمع بغيابك واذلل

واقول انك عسى بكره تجيني
ـــــــــــ واحس ان الليالي ماتكمل


اموت ومايعرف اني قتيله
ــــــــــ وانا واللي هنا كيف إنتحمل

المحه ماالمحه

 

[ميــرال]

ادري فيك تحبني
ومشتاق لي
وولهان
وادري فيك احيان
تتمنى اجيك بحلم
ولو لحظه
من النسيان

ادري
ادري في صمتك زمان انسان
كان انسان
كان

مر الكلام ولا تعاتبني عليه
انا مليت من صوت السكوت
ونبرة النكران

تحبني ايه..؟
احبك
ووش يعني نحب
ونخذل الغفران

ولهان

 

[ميــرال]

[POEM="font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الا هـــــــذا المكان وقطعة السكر وفنجانك= وحكايا الشرفه اللي سكرتها قلت وجودك

اعيدك ساكنٍ مـــاغير نضراتك وحرمــانك= واحسك مــيتٍ لاكن ترهـــق لـــذة خـــلودك

وردك غارقٍ مــابين قسواتك ووجـــدانك= همسك ياجنون النار ويـاويلي من بـرودك

حبيبي يــــاحبيبي ليش مــا ذبلك نسيــانك=انامدري جفافك كيف ينبت روعة ورودك

في نضرتك موجات العواطف تــرغم جنانك=تناغم عصفة ريـاحك ورقة زمــجرة نــــودك

احبك كثر كرهي لك من شانك وعلى شانك=الا مــــكبر كرمك بداخلي ويــا مكبر جحودك

ابنسى شرفتك وحيا على تكسير فنجانك=اموت وما تلاقي خطوتي تاقف على حدودك[/POEM]

قطعة السكر وفنجانك

 

[ميــرال]

[POEM="font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هذي حروفي لك عصاافير ..انت يا صبح الندى=. ملت إدوور من العنى.. قل وين غصنك مختفــي
حطت على سور الوهن من بعد ما اتعبها المدى=ما نومت صدر النسيم اللي... تمالكها وغفـــــي
مشتاقه اشوفك.. من نهايات المسا للمبتدى= مشتاقه اشوفك.. مـــــــــن بدايات الأماااني للنفي
ارسلت لك كرم الحروف الحمر لكن مااهتدى=كــــــــل ليلٍ انثره وتـــــــعود ســــود لــمعطفي
ماااااقلت لك عمري لعمرك راح ياعمري سدى= ولا سألت ان خان قلبك او على شاني وفـــي
لولا بقايا طلتك من عــــــــــام رددها الصدى=لا مـــــاتورد باالمسا حلمِ جميل ولا صفــــــــي
ماعاد صبحي في عيوني مثل صبحك لا بدى=وما عادليلك مثل ليلي ينتظرني محتفـــــــي
اشتقت لك مثل اشتياقااات الظلاله للهدى=ولاعرفتك غير نجم ان طل بعيوني طفـــــي[/POEM]

عفواً حبيبي