<< ... أنـا الصـحاري الظـاميه ... >>

[عيون الشوق]

.

.
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أستوقفك لحظه ..!! قبل تغرب بنا شمس المغيب = لملم بقايا شاعره ألهمتها يا شاعري
علمتها شوق الظما لمعانق السيل الرهيب = علمتها شهق الهوى مع حبكم متناثري
لحظة لقى نجلس سوى ونعاتب الوقت المريب = اللي رماني في بلد وأنت فـ بلد ياآسري
أبيك أنا تبقى معي .. تبقى مثل ظلّي قريب = تبقى بـ حياتي نجمها .. نفرح بـ ليلٍ سامري
أرمي لي خيوط الأمل .. سهّل لي الدرب الصعيب = وإلعن أبو جد العذول اللي يجينا ثايري
بالله ... قلّي من معي ..غيرك في هـ الدنيا حبيب ؟ = أشتاق له وأعاتبه .. ومنهو يكدر خاطري ؟
دورة حياه أعيشها ...ينتابني شيٍ غريب ! = أزعل عليه .. ألجأ إليه ! وأتوّهه في دائري
كنّي معه قطرة ندى .. يصبح ورق غصنٍ رطيب = أداعبه وقت الفجر .. يظهر نسيمٍ عاطري
أو الصحاري الظاميه في شمسها حر اللهيب = ترجي غيوم ملبده ..يتبعها جوٍ ماطري
أبقى بدونك حايره مالي في هـ الدنيا نصيب = رحله سهر تبدأ معي .. قلبي بدونك ساهري
إزهر بساتيني فرح ..معك الحياه تحلا وتطيب = سكّه سفر هي بيننا ..( كنسلها ) وإفرح ناظري
خلاص أنا مقدر على بعدك حبيبي لا تغيب = اسق الصحاري خلنا .... في جو حالم شاعري[/POEM]

.


.

 

[عبدالرحمن عايد]

عيون الشوق


صح لسانك ولا هنتي

وتسلم يمينك على هالابداع

قصيده جميله

الله لا يهينك عليها

دمتي بود

 

[متعب آل حشيان]

الرائعه / عيون الشوق

سلم قلبك على هالبوح الفاخر الجميل ..

دمتي متألقه ..

مودتي ..

متعب

 

[وائل فهد]

بالله ... قلّي من معي ..غيرك في هـالدنيا حبيب ؟
أشتاق له وأعاتبـه .. ومنهـو يكـدر خاطـري

عيون الشوق

نص رائع ومبهر
لك الاعجاب والمتابعه
ارق التحايا

 

[حمدان الشمري]

عيون الشوق

إحساسك المبهر يجبرني على التصفيق لكِ

وبستاين حرفك راقني التنزه بها

فصح لسانك الف

ودمتِ بالف خير

 

[عيون الشوق]

المشاركة الأصلية كتبت بواسطة عبدالرحمن عايد

عيون الشوق


صح لسانك ولا هنتي

وتسلم يمينك على هالابداع

قصيده جميله

الله لا يهينك عليها

دمتي بود

الكريم : عبدالرحمن عايد ..

كل الشكر لك

وصح بدنك

ولاهان راسك

 

[محمد الضويحي]

خلاص أنا مقـدر علـى بعـدك حبيبـي لا تغيـب
اسق الصحاري خلنا .... في جو حالـم شاعـري


عيون الشوق ---


سقى الله قلوب المحب من فيض الحبيب مزنا
وسميا ينبت ازهار الشذى العبقه لتدوم البسمه


دمت بخير

 

[عيون الشوق]

المشاركة الأصلية كتبت بواسطة متعب آل حشيان

الرائعه / عيون الشوق

سلم قلبك على هالبوح الفاخر الجميل ..

دمتي متألقه ..

مودتي ..

متعب

أخي : متعب آل حشيان

هلابك ...

وشكرا لك ولمرورك الكريم

دمت بخير