وقــار وزريـــه مصافحة اولى

[فايز بن جبيل]

مســـاء الخير


مصافحة اولى عسا ان تنال الرضى


وقـار وزريـة

كثرة وانا ما بين هذي وهـذ يـك

حاولـت اقللها وكـثـرة علـيـه

ليله عوى ذيب وليله عوى د يـك

وكل" نوى عسـر الليالـي بنيـه

هذا تبع مسراك وهـذ ا مسريـك

وهذا ورى دربك يحـث المطيـه

يا شينها لاصـار وقتـك معاديـك

حظـك ردي وليلتـك سرمـديـه

من اول " ضاقت بعينك مساعيـك

لا لـك بهـا روحـات ولا مجيـه

واليوم اشوفك ضايع" في مماشيك

لا الدرب درب ولا الحذيـه حذيـه

والعبره اللي بالحنايـا تنـا ديـك

اسمع رعدها مثـل وسـم برديـه

سحابة" فيهـا جروحـك مباريـك

تبي الظلـوع المعشبـه والنديـه

عيا رعدهـا يـا عيونـي يبكيـك

يالعين ما با قـي وقـار وزريـه

هلي علـى جفـن" تعنـا يناجيـك

لو مـرة" خلـي وقـارك شكيـه

ما عمرنا يالعين شفنـا شكاويـك

ولا شك مانتي من جروحك خليـه

الصبر ماهو دايـم الـدوم بيديـك

واخاف انـه ينفلـت مـن يديـه

معك على موتي موقع على شيـك

نبصم قبل ناطى حيـاض المنيـه

وكانه على قبري تراني مخاويـك

الخـوف ماعقـب قلـوب" قويـه

الموت ماهو جاهل" بـي ومغديـك

الموت لا صـارت حياتـك شقيـه

وياحلم ماني واقف" فـي محاريـك

ويالعين اضناك السهـر والخطيـه

وياقلب ماني شايف" مـن يسليـك

منته خوي اللي سرى عن خويـه

وياجرح ماضن الدوى اليوم يشفيك

لاصـار مقصدنـا دروب" نبـيـه

لابد ماناطـى حفـوف وشرابيـك

هالدرب شايك والخطـاوي حفيـه

الكل سامك من يبيعـك ويشريـك

كنـك بعيـن البينـه والخفـيـه

الحيل طايح وابتـدى ليلهـا فيـك

لا الصبح صبح ولا المسيه مسيـه

طيبك وعيبـك ماتخلـي مباديـك

والناس شحـت بالوجيـه الوفيـه

واليوم شفتك بين هـذي وهذيـك

من وين نبدا يا لـدروب الرديـه


دمتم بخير ...

 

[عبدالله صلال العساف]

سحابة" فيهـا جروحـك مباريـك

تبي الظلـوع المعشبـه والنديـه

الرائع فايز بن جبيل
قصيده مفعمه بالشعر
سيرتوى بالتاكيد
كل من يمر في ضفافك

 

[عبدالله العويمر]

فَايز
وحُضُور ٌ أول يَأتِي بِالنّور

وقار وزريّه

بَاقَة أتْت بِنَا إليْك

أهْلا ً يَافَايز

 

[فايز بن جبيل]

اخوي عبدالله العساف لاهنت وعاش راسك

تقديري وتحيتي ..

 

[فايز بن جبيل]

مشرفنا الفاضل عبدالله العويمر

النور نورك لاهنت

ولي شرف التواجد بينكم ومعكم

كل التقدير والامتنان

 

[سلطان الوثر]

سلام عليك يا ابوهيف
وحيّاك الله وبيَاك بالشعر والحضور الجميل
ولايقف الشوق إلى هذا الطرح الناضج الندي بل يمتد طمعاً بما بعده

صح لسانك, وشرّفتنا بالحضور

ولي عودة أخرى إن شاء الله



ألف شكر وأكثر لك

 

[وادرين]

فايز بن جبيل

حضور من بدايتة باذخ

اسعدنا تواجدك بيننا

اطلاله رائعه

دمت بود

عمق الألم ... wadren

 

[محمد البدراني]

فايز ..

مصافحه كـ النور

وابعاد تستمتع بك

صح السانك .. ودي لك