بس البـــــــلاء 000000

[عبدالعزيز بن عائض الشهري]

الأحباب ال ابعاد لكم مني كل الود مصافحة اخرى اتمنى ان تنال اعجابكم لكم كل الود


[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الشــعر كـــيف لــي و أنـا صبـابه = هو يـرتقي بي للـــعُلا و أزهـــابه



مـــاني مـن اللــي يكسره و يهينه =أبنيه جــــزل ٍ و أعتني بإعـــرابه



الشــعر يا شعـــار فـكـــر ٍ سـامي =جــابه بشــعرك قبــل مـــا تتجابه



فـكـــرك تعــكسه قــــوةٍ بأبياتـك = جهــز عتـــاده ثــم سن إحـــــرابه



الشـعر له بحـــر ٍعميق ٍ طـامي =كــريم يعطي من يغـوص إغبـابه



و أنا نصيت الشـعر في مـدهاله =متحزم ٍ شــعري نــــوى مــرقابه



و أنشـدت قيفانـه بجـزل المعنى =و الشـعر يسـعد لا نصوه أربـابه



الشــعر منتـوجه كــــلام ٍ فـــاخر = مفتـــاح نامــوس الكــــلام و نابه



وأنـا علـى نظــــم الشــعر متمكن = أنظـــم قصيـــدٍ حـــالي ٍ مشــرابه



و إن كان غيـري و صّله للساحة = أبيـات شعر ٍ من حـروف أقـرابه



فأنا شربت الشـــعر مـن ينبوعـه = مشيت دربـه و امتطيت إركـــابه



و المشكلـة قـوم ادخـلوا فـالساحة = مستشـعرين و جـــولها خطــــابه



تهـــافــتوا للـساحــــة الشـــعرية = في ظنهـم مسكـوا زمــام أنصـابه



و اللي لهم بالشــعر بــاع ٍ طـايل = مــا حصلـوا معهــم أقـــل ألقــابه



مـن لامني فيما طــرحته جـــاهل = أو هو معَ المذكور ضمن أحزابه



أحزابهم شمعــاتــهم مطفــية = رغـــم بـــريــق اللمعة الكــــذابه



لكـن ما خــاب الأمــل يا ســـاده = و لا تيـــأسوا من الشعر يــا كتابه



والحـرف لا بـــده يعيد أمجــاده = و يطلّــع الأغـــــراب من جلبـــابه



بس البــلاء في وضع هذي الأمة = صارت رؤوس القوم هي أذنابه



قضية الأمـــة غـــــــــدت منسية = و هـــدف عــربنا غـــالبه متشابه



ماتت قلــوب النـاس و حنا نشاهد = طفـــل بحصــاه يجـــابه الـــدبــابه



هذا الطفل من نسل بيت المقدس = عــايش حياته في ظـــــلال إقــبابه



لا جـل كــذا هــذا الطفل مستبسل = بــاع الحياة وعـــاف حتى ألعابه



ضــرب مثل واضــح لــعز الأمة = خـل الجبـابر واليهــود إتـــــهابه



يـالقبلة الأولــى أبـرسل شـوقي = للقبة الصفــراء و طهــر تـــرابه



ضعنــا و ضيعنــا و سلـبت منـــا = أمجـــاد عـــز ٍ شهــدهــا محـرابه



و مــا عــاد بعد الـذل شئ ٍ كايد = إلا نجـــــــابه بـــالســلاح مجـــابه



و كــل الأمــل معقــود في قادتنا = صـابوا هـدفهـم غيـرهــم ما صابه



يا عـزوة الشعب السعودي كله = العـالم إبأسـره يَحسب حســـابه



سيد ملـوك الأرض دون منازع = يحكــم بشـرع الله و نـص كتـــابه



يا ناصـر المظلــوم يـا بو متعب = القـدس يتـرجـى وقوف أحبــــابه



وأنت لهـــا و حنـــا جنود ٍ بمرك = نـرد بيت القـــدس مـن غصـــــابه



نخــرج عــدو الله من أقصــانا = و نعيــد أمجـــاده و نفتــح بــــــــابه



ترى اليتـــامى و النســاء الثكلى = تصـــرخ وطنــــا ذلنــــا أغــــــرابه



تستنهض الأمـــة بصـوت ذايع = تحــلم و تحلـــم و الحلـــم تهنــــــابه



نســـألك يالله يا مـــزيل الـــغمة = تزلـــزل قلـــوب المعتدي و جنـابه



سبحـان من هـو عــالـــم ٍ مكنوني = يعلــم بمــا يُظهــر و مــا يخفـــى به



سبحـــانك الــلهم رب الــــكعبة = يــا من نصــرت المصطفي و صحابه



نسـألك من جودك و أنت المعطي = يـا منشي الـــراعد و قطر إسحــابه



انك تعــز و تنصــر أهــــل الملة = الــلي تخـــاف المنتقــم و تهـــــــابه[/poem]

من شعر اخوكم


عبدالعزيز بن عائض الوليدي الشهري


احترامي

 

[نياف العتيبي]

اشهد بالله انك جزل

وانك صدقت فيما قلت

ومن الظلم هالقصيده يمرها 15 مشاهده مايردون عليها

يسلم راااااسك يالذيب

انا ارتويت شعر جعلك تحيا على العز والطاعه

وصح لسااانك لين ترضى

الناااايف

 

[محمد الناصر الشهري]

الوليدي / عبدالعزيز ..

شاعر متمكن يفرح بك الشعر ويفاخر ..!
طرحت قضية وموضوع تقريباً تقليدي عن الساحة .. وقضية الألم العربي مع الإعتذار للحلم العربي واللهم آمين ..!
جميلة هذه العزيمة لديك .. وهذه الثقة الرائعة .. وهذا الشعر المحبوك بحبكة الشعر المتفرّد ..!


وافر التحايا وأطيبها يا جميل ..!

.
.

محمد

 

[عبدالعزيز بن عائض الشهري]

المشاركة الأصلية كتبت بواسطة نياف العتيبي

اشهد بالله انك جزل

وانك صدقت فيما قلت

ومن الظلم هالقصيده يمرها 15 مشاهده مايردون عليها

يسلم راااااسك يالذيب

انا ارتويت شعر جعلك تحيا على العز والطاعه

وصح لسااانك لين ترضى

الناااايف

شكرا لوجودك هنا و صح بدنك شرفتني جدا بهذا التواجد المبهج

احترامي

 

[نواف بن جارالله المالكي]

عبدالعزيز بن عايض الشهري

هنا جزاله

ومبنى

ومعنى

وطول نفس

ومتعه

شكراً لما جادت به هواجيسك .

 

[عبدالله العويمر]

عبدالعَزيز
ورِسَالَة الشّعْر هُنا كَمِنْبَر
نَعَم ، للشّعْر رسَالَة ٌ سَامِيَه

دُمْت بِسُمو

 

[سلطان خلف السرحاني]

الله عليك يا ابو عايض

الابيات كثيره اللي اعجبتني

صح لسااانك ولا هنت

 

[عبدالعزيز بن عائض الشهري]

المشاركة الأصلية كتبت بواسطة محمد الناصر الشهري

الوليدي / عبدالعزيز ..

شاعر متمكن يفرح بك الشعر ويفاخر ..!
طرحت قضية وموضوع تقريباً تقليدي عن الساحة .. وقضية الألم العربي مع الإعتذار للحلم العربي واللهم آمين ..!
جميلة هذه العزيمة لديك .. وهذه الثقة الرائعة .. وهذا الشعر المحبوك بحبكة الشعر المتفرّد ..!


وافر التحايا وأطيبها يا جميل ..!

.
.

محمد

تواجدك هو التفرد يا محمد ابهجتني بتواجدك هنا

احترامي