غ ر ق !

[رزان العتيبي]

إحتضار !



فيروز بسأل كيفها اليوم : بيروت !
للحين تنطرني على شان نَطْرق ,

باب الأماني , ننحت الـ حلم بـ بيوت ..
نحضن يدينا لين الأشواق | تعرق !

فيروز غنّي وافضحي كل مكبوت ,
وأنا بدثرني ابْـ صوتك وبـ غرق !

قولي لها : من غاب عني وأنا أموت ,
وشلون أجيها ومانتجمّع | بـ مفرق ؟!

( محد يحب اللي يبي ! ) " الـ بدر "




وأنا مااخترتك بـ دنياي ,
ولا توقعت أنا أجي لك !

يـ موطن ضحكتي وبكاي ,
تعبت أشكيك وأشكي لك !

تصوّر من رحلت وياي !
نسيت شلون أحكي لك ,

يـ أوّل من ترك جوّاي ,
نبض : بـ اسمك يغنّي لك !

أحبّك : والـ صمت منفاي ,
حضن أكثر | تفاصيلك !

ندهتك : قلت لي مو جاي ,
وبلّل دمعي منديلك !

ايلين أيقنت بك نسّاي ,
نسيت اش كثر أعني لك !

مَ كنت إلك الظما والـ ماي !
مَ كان الـ قلب | يدعي لك !

يـ صبحٍ تهت به وخطاي ..
تعدّتني تنادي لك :

تعال اعزف جروحي ناي ,
تعال اسكني ببكي لك !

يـ آخر فرحتي | رجواي ,
تضوّي فيني قنديلك !

بقايا الـ عابرين!



ليه ياضيقي تجي دايم | حنون !
عكس فرحي لاوصل كِنّه حزين ,

تمتلي بي نبض وأصرخ بك تمون ,
إيه خذني لك : ابسلى بك سنين !

ودّي أنسى في متاهاتك | ظنون ,
ودّي أرحل عن بقايا الـ عابرين !

ودّي أخلق لي فضا يمكن أكون ,
أمنية طارت ولا تدري لـ وين !

من رحل عنّي تلبّست الـ سكون ,
لا دمع ينزل سوى عبرة | تبين !

إن نسيته قصد هزّتني الـ طعون ,
وإن ذكرته كل ماحولي : يشين !

بي حقيقة وصّلتني للـ جنون ,
لين كلّي تاه ب أنفاس الـ آنين !

دايم الأوفى مقدر له : يخون ,
كل فرح ويحضن الذكرى | حنين !

سراب !



كانت الليلة كئيبة .. والقهر محتاج باب ,
كانت العتمة مُريبة .. والضّيا همسه خفيف ,

زحمة من حولي تناثر .. بينهم شفتك سراب ,
كلما ألهي بصدّي.. هبّت الذكرى خريف !

أسمعك تنده [ تعالي ] نبتر اطراف الغياب ,
وضعنا صاير رمادي .. يشبه اوقات الرصيف!

وأشعر بدافي حنينك .. يشعل بقلبي عتاب ,
ذوّب أطرافي بـ [ وينك ! ] هالشّتا برده مُخيف ,

عامٍ أقفى من بعادك , صمت .. دمعة .. واغتراب
تاهت أحلامي بـ قُربك .. ليتني ألقاك ضيف !

المباني لك تنادي : لفّها حزنك ضباب !
هو متى ترجع دخيلك..؟! حالنا دونك كسيف !

الأغاني : صارت أقسى , والأماني : شمع ..ذاب ,
والفَقِدْ إني أشوفك ! .. بس كيف أُوصلك كيف !

تدري هالليلة طويلة.. وإحتياجي لك عذاب ,
كل ماناديت [ عجّل ] رددت ظلماي : طيف !

إندثار !



للـ موت أبعث أمنياتي وأغنّي ,
خذني لعندك مابقى شي فيني ..

لامن تعبت وماسأل حد عنّي ,
أحسن لي أسكن بين صمتك وبيني !

قل للحياة المترفة : بس كنّي ,
ماعاد تغري لهفة الـ شوق عيني !

كم لي أبعثر في مدى الصوت ظنّي ,
ظنّك يجيني واشعر إنه يبيني ؟!

..: نص سراب نُشر في مجلة أيادي العدد الثاني عشر ,
..: نص بقايا الـ عابرين نُشر في جريدة الصباح يوم الجمعة 2/4/2010

 

[سعيد الموسى]

[1]
.
.
.


مكاني ياطفلة الشعر !

 

[الموج]

غَرقْ ، ثمَّ موتَ . . ثمَّ عَاصِفة من حَنينٍ مجنُون تُوقِظ جُملَة المَشاعرْ !!

رُحمَاك ياربْ . . رُحمَاك !

 

[عبدالله صلال العساف]

ورود جميله
من اغصان حروفك الزاهيه
نصوص رائعه
من شاعره اروع

 

[سعيد الموسى]

كل ماهنا يدعو للغرق !
من المدخل إلى المخرج / حكايا !
هذا الشعر المدوزن هاهنا كجمال اغصان المطر !
كنهر طرابلس الممتد من التل حتى الظِل !
من الحب حتى القلب !
.
.
دائماً ترهقين الشعر ياطفلة الشعر , دائماً .

 

[خالد العزاب]

رزان العتيبي "


كفيل هذا الاسم بزرع الجمال ومنابع الدهشه!!
تكتب للشعر وبالشعر

تمتلك لغة الغيم "

احساسها الدرمشيلي لا ينبغي لغيرها !!


ماجملك وفقط نصوص تحتاج لتوغل بصمت
والثل إلى مالا يكون بالقريب !

 

[خالد العزاب]

عن جد احب هذا الاسم شعرا وقلب طيب
وخلق عظيم

 

[نواف العطا]

رزان
أثملني حسك وشعرك وشعورك
فغرقت بإبداعك وأتزانك وبهي أحرفك
تكتبين حسنا وبجمال لا يضاهى
رزان ياشاعره ويامبدعه كوني
بخير وكوني بالقرب لنستقي منك أعذب الشعر وأجزله
ولك عاطر التحايا وغابات ورد يانقيه